1And kyng Dauid spak to al the chirche, God hath chose Salomon, my sone, yit a child and tendre; forsothe the werk is greet, and a dwellyng is not maad redi to man but to God.

stylus

1 Chronicles 22:5, 1 Chronicles 22:5, 1 Kings 3:7, 1 Kings 3:7, 2 Chronicles 13:7

2Sotheli Y in alle my myytis haue maad redi the costis of the hows of my God; gold to goldun vessels, siluer in to siluerne vessels, bras in to brasun vessels, irun in to irun vessels, tre in to trenun vessels, onychyn stonys, and stonys as of the colour of wymmens oynement, and ech precious stoon of dyuerse colouris, and marbil of dyuerse colouris, most plenteuously.

stylus

1 Chronicles 22:3, 1 Chronicles 22:5, 1 Chronicles 22:3, 1 Chronicles 22:5, 2 Chronicles 31:20

3And ouer these thingis Y yyue gold and siluer in to the temple of my God, whiche Y offride of my propir catel in to the hows of my God, outakun these thingis whiche Y made redi in to the hooli hows,

stylus

1 Chronicles 21:24, 1 Chronicles 21:24, Psalms 122:1, Psalms 122:9, Proverbs 3:9

4thre thousynde talentis of gold, of the gold of Ophir, and seuene thousynde of talentis of siluer most preuyd, to ouergilde the wallis of the temple;

stylus

1 Kings 9:28, 1 Kings 9:28, 1 Chronicles 22:14, 1 Chronicles 22:14, Job 28:16

5and werkis be maad bi the hondis of crafti men, where euere gold is nedeful, of gold, and where euere siluer is nedeful, of siluer; and if ony man offrith bi his fre wille, fille he his hond to dai, and offre he that that he wole to the Lord.

stylus

Exodus 35:5, Exodus 35:9, Ezra 7:15, Ezra 7:16, Numbers 7:2

6Therfor the princes of meynees, and the duykis of the lynagis of Israel, and the tribunes, and the centuriouns, and the princes of the possessiouns of the kyng, bihiyten;

stylus

2 Corinthians 9:7, 2 Corinthians 9:7, Isaiah 60:3, Isaiah 60:10, 1 Chronicles 27:25

7and thei yauen in to the werkis of the hows of the Lord, fyue thousynde talentis of gold, and ten thousynde schyllyngis; ten thousynde talentis of siluer, and eiytene thousynde talentis of bras, and an hundrid thousynde of talentis of irun.

stylus

Ezra 2:69, Nehemiah 7:70, Nehemiah 7:71, Ezra 2:69, Nehemiah 7:70

8And at whom euere stoonys were foundun, thei yauen in to the tresour of the hows of the Lord, bi the hond of Jehiel Gersonyte.

stylus

1 Chronicles 23:8, 1 Chronicles 26:21, 1 Chronicles 26:22, 1 Chronicles 23:8, 1 Chronicles 26:21

9And the puple was glad, whanne thei bihiyten avowis bi her fre wille, for with al the herte thei offriden tho to the Lord. But also kyng Dauid was glad with greet ioye, and blesside the Lord bifor al the multitude,

stylus

2 Corinthians 9:7, 2 Corinthians 9:8, 2 Corinthians 9:7, 2 Corinthians 9:8, 2 Corinthians 8:3

10and seide, Lord God of Israel, oure fadir, thou art blessid fro with outen bigynnyng in to with outen ende;

stylus

Ephesians 1:3, Ephesians 1:3, Revelation 5:12, 1 Peter 1:3, 1 Timothy 1:17

11Lord, worthi doyng is thin, and power, and glorie, and victorie, and heriyng is to thee; for alle thingis that ben in heuene and in erthe ben thine; Lord, the rewme is thin, and thou art ouer alle princes; ritchessis ben thin, and glorie is thin;

stylus

Hebrews 1:3, Hebrews 1:3, Daniel 4:34, Daniel 4:35, Daniel 4:34

12thou art Lord of alle; in thin hond is vertu, and power, and in thin hond is greetnesse, and lordschipe of alle.

stylus

Ephesians 3:16, Ephesians 3:16, Deuteronomy 8:18, Deuteronomy 8:18, 2 Chronicles 20:6

13Now therfor, oure God, we knoulechen to thee, and we herien thi noble name.

stylus

2 Corinthians 9:15, Psalms 106:1, 2 Corinthians 9:15, Psalms 106:1, 2 Corinthians 8:16

14Who am Y, and who is my puple, that we moun bihete alle these thingis to thee? Alle thingis ben thine, and we han youe to thee tho thingis, whiche we token of thin hond.

stylus

James 1:17, James 1:17, 2 Corinthians 3:5, 2 Corinthians 3:5, Romans 11:36

15For we ben pilgrimes and comelyngis bifor thee, as alle oure fadris; oure daies ben as schadewe on the erthe, and `no dwellyng is.

stylus

Leviticus 25:23, Psalms 144:4, Psalms 102:11, Leviticus 25:23, Psalms 144:4

16Oure Lord God, al this plentee which we han maad redi, that an hows schulde be byldid to thin hooli name, is of thin hond; and alle thingis ben thin.

stylus

Psalms 24:1, 1 Chronicles 29:14, Psalms 24:1, 1 Chronicles 29:14, Luke 19:16

17My God, Y woot, that thou preuest hertis, and louest symplenesse of herte; wherfor and Y, in the symplenesse of myn herte, haue offrid gladli alle these thingis; and Y siy with greet ioye thi puple, which is foundun here, offre yiftis to thee.

stylus

Jeremiah 17:10, Jeremiah 17:10, Proverbs 11:20, Proverbs 11:20, 1 Chronicles 28:9

18Lord God of Abraham, and of Ysaac, and of Israel, oure fadris, kepe thou with outen ende this wille of her hertis; and this mynde dwelle euere in to the worschipyng of thee.

stylus

Jeremiah 32:39, Jeremiah 32:39, Jeremiah 10:23, Jeremiah 10:23, Psalms 51:10

19Also yyue thou to Salomon, my sone, a perfit herte, that he kepe thin heestis, and witnessyngis, and thi ceremonyes; and do alle thingis, and that he bilde the hows, whose costis Y haue maad redi.

stylus

Psalms 72:1, Psalms 72:1, 1 Chronicles 28:9, 1 Chronicles 28:9, 1 Chronicles 22:14

20Forsothe Dauid comaundide to al the chirche, Blesse ye `oure Lord God. And al the chirche blesside the Lord God of her fadris, and thei bowiden hem silf, and worschipiden God, aftirward the kyng.

stylus

Exodus 4:31, Exodus 4:31, 1 Chronicles 16:36, Genesis 24:48, Proverbs 24:21

21And thei offriden slayn sacrifices to the Lord, and thei offriden brent sacrifices in the dai suynge; a thousynde boolis, and a thousynde rammes, and a thousynde lambren, with her fletynge sacrifices, and al the custom, most plenteuously, in to al Israel.

stylus

Ezra 6:17, Numbers 15:7, 2 Chronicles 7:4, 2 Chronicles 7:9, Ezra 6:17

22And thei eten and drunken bifor the Lord in that dai, with greet gladnesse. And thei anoyntiden the secounde tyme Salomon, the sone of Dauid; and thei anoyntiden hym in to prince to the Lord, and Sadoch in to bischop.

stylus

1 Chronicles 23:1, 1 Kings 2:35, 1 Chronicles 23:1, 1 Kings 2:35, 1 Kings 1:34

23And Salomon sat on the trone of the Lord in to kyng, for Dauid, his fadir; and it pleside alle men, and al Israel obeiede to hym.

stylus

1 Kings 2:12, 1 Chronicles 28:5, 1 Kings 2:12, 1 Chronicles 28:5, Psalms 132:11

24But also alle princes, and myyti men, and alle the sones of kyng Dauid, yauen hond, and weren suget to `Salomon the kyng.

stylus

1 Chronicles 28:21, 2 Chronicles 30:8, Ezekiel 17:18, Genesis 24:2, 1 Chronicles 22:17

25Therfor the Lord magnefiede Salomon on al Israel, and yaue to hym glorie of the rewme, what maner glorie no kyng of Israel hadde bifor hym.

stylus

2 Chronicles 1:12, 2 Chronicles 1:1, 1 Kings 3:13, 2 Chronicles 1:12, 2 Chronicles 1:1

26Therfor Dauid, the sone of Ysai, regnede on al Israel;

stylus

1 Chronicles 18:14, 1 Chronicles 18:14, Psalms 78:71, Psalms 78:72, Psalms 78:71

27and the daies in whiche he regnede on Israel weren fourti yeer; in Ebron he regnede seuene yeer, and in Jerusalem thre and thretti yeer.

stylus

1 Kings 2:11, 1 Kings 2:11, 2 Samuel 5:4, 2 Samuel 5:5, 1 Chronicles 3:4

28And he diede in good eelde, and was ful of daies, and richessis, and glorie; and Salomon, his sone, regnede for hym.

stylus

Genesis 15:15, Genesis 15:15, Acts 13:36, Acts 13:36, 1 Chronicles 23:1

29Forsothe the formere and the laste dedis of Dauid ben writun in the book of Samuel, the prophete, and in the book of Nathan, prophete, and in the book of Gad, the prophete;

stylus

1 Samuel 9:9, 1 Samuel 9:9, 2 Samuel 12:1, 2 Samuel 12:7, 2 Samuel 7:2

30and of al his rewme, and strengthe, and tymes, that passiden vndur hym, ethir in Israel, ethir in alle rewmes of londis.

stylus

Daniel 4:23, Daniel 4:25, Daniel 4:23, Daniel 4:25, Daniel 2:21