1And Dauid seide, This is the hows of God, and this auter is in to brent sacrifice of Israel.

stylus

2 Chronicles 3:1, 2 Chronicles 3:1, 1 Chronicles 21:18, 1 Chronicles 21:28, 1 Chronicles 21:18

2And he comaundide that alle conuersis fro hethenesse to the lawe of Israel `schulden be gaderid `of the lond of Israel; and he ordeynede of hem masouns for to kytte stoonys and for to polische, that the hows of the Lord schulde be bildid;

stylus

1 Kings 9:20, 1 Kings 9:21, 1 Kings 5:17, 1 Kings 5:18, 2 Chronicles 2:17

3also Dauid made redy ful myche yrun to the nailes of the yatis, and to the medlyngis and ioyntouris, and vnnoumbrable weiyte of bras;

stylus

1 Chronicles 22:14, 1 Chronicles 22:14, 1 Chronicles 29:2, 1 Kings 7:47, 1 Chronicles 29:2

4also the trees of cedre myyten not be gessid, whiche the men of Sidonye and the men of Tyre brouyten to Dauid.

stylus

1 Kings 5:6, 1 Kings 5:10, 1 Kings 5:6, 1 Kings 5:10, Ezra 3:7

5And Dauid seide, Salomon, my sone, is a litil child and delicat; sotheli the hows, which Y wole be bildid to the Lord, owith to be sich, that it be named in alle cuntrees; therfor Y schal make redi necessaries to hym. And for this cause Dauid bifor his deeth made redi alle costis.

stylus

1 Chronicles 29:1, 1 Kings 3:7, 1 Chronicles 29:1, 1 Kings 3:7, John 13:1

6And he clepide Salomon, his sone, and comaundide to hym, that he schulde bilde an hows to the Lord God of Israel.

stylus

1 Timothy 5:21, 1 Timothy 6:13, 1 Timothy 6:17, Numbers 27:23, Acts 20:25

7And Dauid seide to Salomon, My sone, it was my wille to bilde an hows to the name of `my Lord God;

stylus

Psalms 132:5, Psalms 132:5, Deuteronomy 12:5, Deuteronomy 12:11, 2 Chronicles 6:7

8but the word of the Lord was made to me, and seide, Thou hast sched out myche blood, and thou hast fouyt ful many batels; thou mayst not bilde an hows to my name, for thou hast sched out so myche blood bifor me;

stylus

1 Kings 5:3, 1 Chronicles 28:3, 1 Kings 5:3, 1 Chronicles 28:3, 1 Chronicles 17:4

9the sone that schal be borun to thee, schal be a man most pesible, for Y schal make hym to haue reste of alle hise enemyes bi cumpas, and for this cause he schal be clepid pesible, and Y schal yyue pees and reste in Israel in alle hise daies.

stylus

1 Kings 4:25, 1 Kings 4:25, 1 Kings 5:4, 1 Kings 4:20, 1 Kings 5:4

10He schal bilde an hows to my name; he schal be to me in to a sone, and Y schal be to hym in to a fadir, and Y schal make stidefast the seete of his rewme on Israel withouten ende.

stylus

Hebrews 1:5, Hebrews 1:5, 2 Samuel 7:13, 2 Samuel 7:14, 1 Chronicles 17:12

11Now therfor, my sone, the Lord be with thee, and haue thou prosperite, and bilde thou an hows to `thi Lord God, as he spak of thee.

stylus

1 Chronicles 22:16, 1 Chronicles 22:16, Romans 15:33, Matthew 1:23, 2 Timothy 4:22

12And the Lord yyue to thee prudence and wit, that thou mow gouerne Israel, and kepe the lawe of `thi Lord God.

stylus

Proverbs 14:8, James 1:5, Proverbs 14:8, James 1:5, 1 Kings 3:9

13For thanne thou maist profite, if thou kepist the comaundementis and domes, whiche the Lord comaundide to Moises, that he schulde teche Israel; be thou coumfortid, and do manli, drede thou not `with outforth, nether drede thou `with ynne.

stylus

Joshua 1:6, Joshua 1:9, 1 Chronicles 28:20, Joshua 1:6, Joshua 1:9

14Lo! in my pouert Y haue maad redi the costis of the hows of the Lord; an hundrid thousinde talentis of gold, and a thousynde thousynde talentis of siluer; sotheli of bras and irun is no weiyte, for the noumbre is ouercomun bi greetnesse; Y haue maad redi trees and stoonys to alle costis.

stylus

1 Chronicles 22:3, 1 Chronicles 22:3, 1 Kings 10:14, 2 Kings 25:16, 1 Chronicles 29:4

15Also thou hast ful many crafti men, masouns, and leggeris of stonys, and crafti men of trees, and of alle craftis,

stylus

1 Kings 7:14, Exodus 31:3, Exodus 31:5, Exodus 35:32, Exodus 28:6

16most prudent to make werk, in gold, and siluer, and bras, and in yrun, of which is no noumbre; therfor rise thou, and make, and the Lord schal be with thee.

stylus

1 Chronicles 22:11, 1 Chronicles 22:11, Ephesians 5:14, Philippians 4:13, Ephesians 5:14

17Also Dauid comaundide to alle the princis of Israel, that thei schulden helpe Salomon,

stylus

1 Chronicles 28:1, 1 Chronicles 28:6, 1 Chronicles 28:1, 1 Chronicles 28:6, 3 John 1:8

18his sone, and seide, Ye seen, that `youre Lord God is with you, and hath youe to you reste `by cumpas, and hath bitake alle enemyes in youre hoond, and the erthe is suget bifor the Lord, and bifor his puple.

stylus

1 Chronicles 23:25, 1 Chronicles 22:9, 1 Chronicles 23:25, 1 Chronicles 22:9, 2 Samuel 7:1

19Therfor yyue youre hertis and youre soulis, that ye seke `youre Lord God; and rise ye togidere, and bilde ye a seyntuarie to `youre Lord God, that the arke of boond of pees of the Lord be brouyt in, and that vessels halewid to the Lord be brouyt in to the hows, which is bildid to the name of the Lord.

stylus

1 Chronicles 28:9, 1 Chronicles 28:9, Deuteronomy 4:29, Deuteronomy 4:29, 1 Chronicles 16:11