1Therfor thei brouyten the arke of God, and settiden it in the myddis of the tabernacle, that Dauid hadde araied therto; and thei offriden brent sacrifices and pesible sacrifices bifor the Lord.

stylus

1 Chronicles 15:1, 1 Chronicles 15:1, Ezra 6:16, Ezra 6:18, Ezra 6:16

2And whanne Dauid offrynge brent sacrifices and pesible sacrifices hadde fillid, he blesside the puple in the name of the Lord;

stylus

Genesis 47:10, Genesis 47:10, 2 Chronicles 30:18, 2 Chronicles 30:20, 1 Kings 8:55

3and departide to alle to ech bi hym silf fro a man til to a womman o cake of breed, and a part of rostid fleisch of a bugle, and flour fried in oile.

stylus

Ezekiel 45:17, Nehemiah 8:10, Ezekiel 45:17, Nehemiah 8:10, 1 Peter 4:9

4And he ordeynede bifor the arke of the Lord, of the Leuytis, that schulden mynystre, and haue mynde of the werkis of the Lord, and glorifie and preyse the Lord God of Israel;

stylus

1 Chronicles 15:16, Psalms 103:2, Genesis 33:20, 1 Kings 8:15, Psalms 70:1

5`he ordeynede Asaph the prince, and Zacharie his secounde; forsothe `he ordeynede Jahiel, and Semiramoth, and Jahel, and Mathathie, and Eliab, and Banaye, and Obededom, and Jehiel, on the orguns, on the sautrie, and on the harpis; but he ordeynede Asaph to sowne with cymbalis;

stylus

1 Chronicles 6:39, 1 Chronicles 6:39, 1 Chronicles 25:1, 1 Chronicles 25:6, 2 Chronicles 29:25

6sotheli he ordeynede Banaye and Aziel, preestis, bifor the arke of the boond of pees of the Lord, for to trumpe contynueli.

stylus

2 Chronicles 5:12, 2 Chronicles 5:13, Numbers 10:8, 2 Chronicles 13:12, 2 Chronicles 29:26

7In that dai Dauid made Asaph prince, and hise britheren, for to knowleche `to the Lord.

stylus

2 Samuel 22:1, 2 Samuel 22:1, Psalms 18:1, 2 Samuel 23:1, 2 Samuel 23:2

8Knowleche ye to the Lord, and inwardli clepe ye his name; make ye hise fyndyngis knowun among puplis.

stylus

Psalms 105:1, Psalms 105:15, Psalms 105:1, Psalms 105:15, Isaiah 12:4

9Synge ye to hym, and seie ye salm to hym, and telle ye alle his merueylis.

stylus

Colossians 3:16, Colossians 3:16, Psalms 96:1, Psalms 96:3, James 5:13

10Preise ye his hooli name; the herte of men sekynge the Lord be glad.

stylus

Psalms 34:2, Proverbs 8:17, Psalms 34:2, Proverbs 8:17, Matthew 7:7

11Seke ye the Lord and his vertu; seke ye euere his face.

stylus

Psalms 27:8, Psalms 27:9, Psalms 27:8, Psalms 27:9, Zephaniah 2:2

12Haue ye mynde of hise merueilis whiche he dide; of hise signes, and of the domes of his mouth.

stylus

Psalms 103:2, Psalms 119:20, Psalms 111:4, Psalms 103:2, Psalms 119:20

13The seed of Israel, his seruaunt, preise thou God; the sones of Jacob, his chosun, preise ye God.

stylus

Deuteronomy 7:6, Psalms 135:4, 1 Peter 2:9, Genesis 17:7, Genesis 35:10

14He is `oure Lord God; hise domes ben in ech lond.

stylus

Psalms 63:1, Psalms 95:7, 1 Chronicles 16:12, Psalms 118:28, Exodus 15:2

15Haue ye mynde with outen ende of his couenaunt; of the word whiche he couenauntide `in to a thousynde generaciouns.

stylus

Psalms 105:8, Psalms 105:8, Malachi 4:4, Malachi 4:4, Deuteronomy 7:9

16Which word he couenauntide with Abraham; and of his ooth to Ysaac.

stylus

Genesis 26:3, Genesis 17:2, Genesis 26:3, Genesis 17:2, Genesis 15:18

17And he ordeynede that to Jacob in to a comaundement; and to Israel in to euerlastynge couenaunt.

stylus

Genesis 35:11, Genesis 35:12, Genesis 35:11, Genesis 35:12, Jeremiah 11:2

18And seide, To thee Y schal yyue the lond of Canaan; the part of youre erytage.

stylus

Genesis 13:15, Genesis 13:15, Deuteronomy 32:8, Genesis 28:13, Genesis 28:14

19Whanne thei weren fewe in noumbre; litle, and pilgrims therof.

stylus

Genesis 34:30, Genesis 34:30, Deuteronomy 7:7, Deuteronomy 7:7, Hebrews 11:13

20And thei passiden fro folk in to the folk; and fro a rewme to another puple.

stylus

Genesis 46:3, Genesis 12:10, Genesis 20:1, Genesis 46:6, Genesis 46:3

21He suffride not ony man falseli chalenge hem; but he blamyde kyngis for hem.

stylus

Genesis 20:3, Genesis 12:17, Genesis 20:3, Genesis 12:17, Exodus 7:15

22Nyle ye touche my cristis; and nyle ye do wickidli ayens my prophetis.

stylus

Genesis 20:7, Genesis 20:7, Psalms 105:15, Psalms 105:15, Genesis 49:8

23Al erthe, singe ye to the Lord; telle ye fro dai into dai his helthe.

stylus

Psalms 96:1, Psalms 96:13, Psalms 96:1, Psalms 96:13, Psalms 71:15

24Telle ye among hethen men his glorie; hise merueylis among alle puplis.

stylus

Isaiah 12:2, Isaiah 12:6, Isaiah 12:2, Isaiah 12:6, Psalms 22:27

25For the Lord is greet, and worthi to be preisid ful myche; and he is orible, `ethir griseful, ouer alle goddis.

stylus

Psalms 89:7, Psalms 89:7, Psalms 66:3, Psalms 66:5, Revelation 15:3

26For alle the goddis of puplis ben idols; but the Lord made heuenes.

stylus

Psalms 102:25, Psalms 102:25, Leviticus 19:4, Leviticus 19:4, Isaiah 42:5

27Knoulechyng and greet doyng ben bifor hym; strengthe and ioy ben in the place of hym.

stylus

Psalms 96:6, Psalms 16:11, Psalms 96:6, Psalms 16:11, Psalms 28:7

28Ye meynees of puplis, `bringe ye to the Lord; brynge ye to the Lord glorie and empire.

stylus

1 Corinthians 15:10, 1 Corinthians 15:10, Philippians 4:13, Philippians 4:13, Psalms 100:1

29Yyue ye glorie to his name, reise ye sacrifice, and come ye in his siyt; and worschipe ye the Lord in hooli fairnesse.

stylus

Psalms 100:4, Psalms 100:4, Psalms 96:9, Isaiah 6:3, Psalms 96:9

30Al erthe be mouyd fro his face; for he foundide the world vnmouable.

stylus

Psalms 33:9, Psalms 33:9, Revelation 11:15, Psalms 148:5, Psalms 148:6

31Heuenes be glad, and the erthe `ioy fulli; and seie thei among naciouns, The Lord schal regne.

stylus

Psalms 96:10, Psalms 96:10, Psalms 97:1, Revelation 19:6, Psalms 99:1

32The see thundre, and his fulnesse; the feeldis fulli ioye, and alle thingis that ben in tho.

stylus

Psalms 93:4, Isaiah 44:23, Psalms 98:7, Psalms 98:8, Psalms 148:9

33Thanne the trees of the forest schulen preyse bifor the Lord; for he cometh to deme the erthe.

stylus

Psalms 98:9, Psalms 96:12, Psalms 96:13, Psalms 98:9, Psalms 96:12

34Knouleche ye to the Lord, for he is good; for his mersi is withouten ende.

stylus

Psalms 106:1, Psalms 106:1, 2 Chronicles 7:3, Ezra 3:11, 2 Chronicles 7:3

35And seie ye, Thou God oure sauyour, saue vs, and gadere vs, and delyuere vs fro hethen men; that we knowleche to thin hooli name, and be fulli glade in thi songis.

stylus

Psalms 106:47, Psalms 106:48, Psalms 106:47, Psalms 106:48, 1 Peter 2:9

36Blessid be the Lord God of Israel fro with oute bigynnyng and til `in to with outen ende; and al the puple seie, Amen, and seie heriyng to God.

stylus

1 Kings 8:15, 1 Kings 8:15, Psalms 72:18, Psalms 72:19, Psalms 72:18

37Therfor Dauid lefte there, bifor the arke of boond of pees of the Lord, Asaph and hise britheren, for to mynystre in the siyt of the arke contynueli bi alle daies and her whilis.

stylus

2 Chronicles 8:14, 2 Chronicles 8:14, Ezra 3:4, Ezra 3:4, 1 Chronicles 16:4

38Forsothe he ordeynede porteris, Obededom and hise britheren, eiyte and sixti, and Obededom, the sone of Idithum, and Oza.

stylus

1 Chronicles 26:10, 1 Chronicles 26:10, 1 Chronicles 13:14, 1 Chronicles 13:14, 1 Chronicles 26:4

39Sotheli `he ordeynede Sadoch preest, and hise britheren, preestis bifor the tabernacle of the Lord, in the hiy place that was in Gabaon,

stylus

1 Kings 3:4, 1 Kings 3:4, 1 Chronicles 15:11, 1 Chronicles 15:11, 2 Chronicles 1:3

40for to offre brent sacrifices to the Lord on the auter of brent sacrifice contynueli, in the morwetid and euentid, bi alle thingis that ben writun in the lawe of the Lord, which he comaundide to Israel.

stylus

Numbers 28:3, Numbers 28:8, Numbers 28:3, Numbers 28:8, Exodus 29:38

41And aftir hym Dauyd ordeynede Eman, and Idithum, and other chosene, ech man bi his name, for to knowleche to the Lord; for his mercy is withouten ende.

stylus

2 Chronicles 5:13, 2 Chronicles 5:13, 1 Chronicles 25:1, 1 Chronicles 25:6, 1 Chronicles 25:1

42Also he ordeynede Eman, and Idithum, trumpynge, and schakynge cymbalis, and alle orguns of musikis, for to synge to God; forsothe he made the sones of Idithum to be portours, `ether bereris.

stylus

Psalms 150:3, Psalms 150:6, 2 Chronicles 7:6, Psalms 84:10, 2 Chronicles 29:25

43And al the puple turnede ayen in to her hows, and Dauid turnede ayen, to blesse also his hows.

stylus

2 Samuel 6:19, 2 Samuel 6:20, 2 Samuel 6:19, 2 Samuel 6:20, Psalms 101:2