1Forsothe Filisteis fouyten ayens Israel, and the sones of Israel fledden Palestyns, and felden doun woundid in the hil of Gelboe.

stylus

1 Chronicles 10:8, 1 Samuel 31:1, 1 Samuel 31:13, 1 Chronicles 10:8, 1 Samuel 31:1

2And whanne Filisteis hadde neiyed pursuynge Saul and hise sones, thei killiden Jonathan, and Abynadab, and Melchisue, the sones of Saul.

stylus

Exodus 20:5, 1 Chronicles 8:33, 1 Samuel 14:49, 1 Chronicles 9:39, 2 Kings 23:29

3And the batel was agreggid ayens Saul; and men archeris foundun hym, and woundiden hym with dartis.

stylus

Amos 2:14, 1 Samuel 31:3, 1 Samuel 31:6, 2 Samuel 1:4, 2 Samuel 1:10

4And Saul seide to his squiere, Drawe out thi swerd, and sle me, leste these vncircumcidid men come, and scorne me. Sothli his squyer was aferd bi drede, and nolde do this; therfor Saul took a swerd, and felde on it.

stylus

1 Samuel 31:4, 1 Samuel 31:4, 1 Samuel 17:36, 2 Samuel 1:9, 2 Samuel 1:10

5And whanne his squyer hadde seyn this, that is, that Saul was deed, he felde also on his swerd, and was deed.

stylus

6Therfor Saul perischide, and hise thre sones, and al his hows felde doun togidere.

stylus

1 Samuel 4:10, 1 Samuel 4:11, Ecclesiastes 9:1, Ecclesiastes 9:2, Hosea 13:10

7And whanne the men of Israel, that dwelliden in feeldi places, hadden seyn this, thei fledden; and whanne Saul and hise sones weren deed, thei forsoken her citees, and weren scaterid hidur and thidur; and Filisteis camen, and dwelliden in tho.

stylus

1 Samuel 13:6, Leviticus 26:31, Deuteronomy 28:43, Leviticus 26:36, 1 Samuel 31:7

8Therfor in the tother day Filisteis drowen awei the spuylis of slayn men, and founden Saul and hise sones liggynge in the hil of Gelboe.

stylus

2 Kings 3:23, 1 Samuel 31:8, 2 Chronicles 20:25, 2 Kings 3:23, 1 Samuel 31:8

9And whanne thei hadden spuylid hym, and hadden gird of the heed, and hadden maad hym nakid of armeris, thei senten in to her lond, that it schulde be borun aboute, and schulde be schewid in the templis of idols and to puplis;

stylus

2 Samuel 1:20, Judges 16:23, Judges 16:24, 1 Samuel 31:9, 1 Samuel 31:10

10forsothe thei halewiden his armeris in the temple of her god, and thei settiden the heed in the temple of Dagon.

stylus

1 Samuel 5:2, 1 Samuel 5:7, 1 Samuel 31:10, 1 Samuel 5:2, 1 Samuel 5:7

11Whanne men of Jabes of Galad hadden herd this, that is, alle thingis whiche the Filisteis diden on Saul,

stylus

1 Samuel 31:11, 1 Samuel 31:13, 2 Samuel 2:4, 2 Samuel 2:7, 1 Samuel 11:1

12alle stronge men risiden togidere, and took the deed bodies of Saul and of hise sones, and brouyten tho in to Jabes; and thei birieden the boonus of hem vndur an ook, that was in Jabes; and thei fastiden seuene daies.

stylus

2 Samuel 3:35, 2 Samuel 21:12, 2 Samuel 21:14, Genesis 35:8, Genesis 50:10

13Therfor Saul was deed for hise wickidnessis, for he brak the comaundement of the Lord, whiche he comaundide, and kepte not it, but ferthirmore also he took counsel at a womman hauynge a feend spekynge in the wombe, and he hopide not in the Lord;

stylus

Leviticus 20:6, Leviticus 20:6, Leviticus 19:31, Leviticus 19:31, 1 Samuel 15:23

14for which thing both the Lord killide hym, and translatide his rewme to Dauid, sone of Ysay.

stylus

1 Samuel 15:28, 1 Samuel 15:28, 1 Samuel 13:14, 1 Samuel 13:14, 1 Samuel 28:17