1Forsothe Noe whanne he was of fyue hundrid yeer gendride Sem, Cham, and Jafeth. And whanne men bigunnen to be multiplied on erthe, and hadden gendrid douytris,

stylus

Genesis 1:28, Genesis 1:28

2the sones of God seiyen the douytris of men that thei weren faire, and token wyues to hem of alle whiche thei hadden chose.

stylus

Psalms 82:6, Psalms 82:7, Psalms 82:6, Psalms 82:7, 1 John 2:16

3And God seide, My spirit schal not dwelle in man with outen ende, for he is fleisch; and the daies of hym schulen be an hundrid and twenti yeer.

stylus

Nehemiah 9:30, Nehemiah 9:30, Isaiah 63:10, Jeremiah 11:11, Isaiah 63:10

4Sotheli giauntis weren on erthe in tho daies, forsothe aftir that the sones of God entriden to the douytris of men, and tho douytris gendriden; these weren myyti of the world and famouse men.

stylus

Numbers 13:33, Numbers 13:33, 2 Samuel 21:15, 2 Samuel 21:22, 2 Samuel 21:15

5Sotheli God seiy that myche malice of men was in erthe, and that al the thouyt of herte was ententif to yuel in al tyme,

stylus

Matthew 15:19, Matthew 15:19, Romans 1:28, Romans 1:31, Romans 1:28

6and repentide him that he hadde maad man in erthe; and God was war bifore ayens tyme to comyng, and was touchid with sorewe of herte with ynne;

stylus

Isaiah 63:10, Isaiah 63:10, 1 Samuel 15:11, 1 Samuel 15:11, Ephesians 4:30

7and seide, Y schal do awei man, whom Y made of nouyt, fro the face of the erthe, fro man til to lyuynge thingis, fro crepynge beeste til to the briddis of heuene; for it repentith me that Y made hem.

stylus

Zephaniah 1:3, Zephaniah 1:3, Psalms 37:20, Psalms 37:20, Romans 3:20

8Forsothe Noe foond grace bifore the Lord.

stylus

Genesis 19:19, Genesis 19:19, Hebrews 4:16, Hebrews 4:16, Luke 1:30

9These ben the generaciouns of Noe. Noe was a iust man and perfit in hise generaciouns; Noe yede with God,

stylus

Luke 1:6, Luke 1:6, Hebrews 11:7, Hebrews 11:7, 2 Peter 2:5

10and gendride thre sones, Sem, Cam, and Jafeth.

stylus

Genesis 5:32, Genesis 5:32

11Forsothe the erthe was corrupt bifore God, and was fillid with wickidnes.

stylus

Ezekiel 8:17, Ezekiel 8:17, Habakkuk 2:8, Hosea 4:1, Hosea 4:2

12And whanne God seiy, that the erthe was corrupt, for ech fleisch ether man hadde corrupt his weie on erthe,

stylus

Psalms 53:2, Psalms 53:3, Psalms 53:2, Psalms 53:3, Proverbs 15:3

13he seide to Noe, The ende of al fleisch is comen bifore me; the erthe is fillid with wickidnesse of the face of hem, and Y schal distrye hem with the erthe.

stylus

Hosea 4:1, Hosea 4:2, Hosea 4:1, Hosea 4:2, 1 Peter 4:7

14Make thou to thee a schip of trees hewun and planed; thou schalt make dwellynge placis in the schip, and thou schalt anoynte it with pitche with ynne and with outforth.

stylus

1 Peter 3:20, Luke 17:27, 1 Peter 3:20, Luke 17:27, Matthew 24:38

15And so thou schalt make it. The lengthe of the schip schal be of thre hundrid cubitis, the brede schal be of fifti cubitis, and the hiynesse therof schal be of thretti cubitis.

stylus

Genesis 7:20, Deuteronomy 3:11, Genesis 7:20, Deuteronomy 3:11

16Thou schalt make a wyndow in the schip, and thou schalt ende the hiynesse therof in a cubite; sotheli thou schalt sette the dore of the schip in the side binethe; thou shalt make soleris and placis of thre chaumbris in the schip.

stylus

Genesis 7:16, Genesis 8:6, Ezekiel 41:16, Genesis 7:16, Genesis 8:6

17Lo! Y schal brynge `watris of diluuye ether greet flood on erthe, and Y schal sle ech fleisch in which is the spirit of lijf vndir heuene, and alle thingis that ben in erthe, schulen be wastid.

stylus

Genesis 7:4, 2 Peter 2:5, Genesis 7:4, 2 Peter 2:5, Genesis 7:21

18And Y schal sette my couenaunt of pees with thee; and thou schalt entre in to the schip, and thy sones, and thi wijf, and the wiues of thi sones schulen entre with thee.

stylus

Hebrews 11:7, Hebrews 11:7, Genesis 7:7, Genesis 7:7, Genesis 17:7

19And of alle lyuynge beestis of al fleisch thou schalt brynge in to the schip tweyne and tweyne, of male kynde and female, that thei lyue with thee;

stylus

Genesis 7:15, Genesis 7:16, Genesis 7:8, Genesis 7:9, Genesis 7:15

20of briddis bi her kynde, and of werk beestis in her kynde, and of ech crepynge beeste of erthe, by her kynde; tweyne and tweyne of alle schulen entre with thee, that thei moun lyue.

stylus

Genesis 2:19, Acts 10:11, Acts 10:12, Genesis 2:19, Acts 10:11

21Therfore thou schalt take with thee of alle metis that moun be etun, and thou schalt bere to gidre at thee, and tho schulen be as well to thee as to the beestis in to mete.

stylus

Genesis 1:29, Genesis 1:30, Psalms 145:16, Psalms 136:25, Genesis 1:29

22Therfor Noe dide alle thingis whiche God comaundide to hym.

stylus

Exodus 40:16, John 15:14, Exodus 40:16, John 15:14, Genesis 7:5