1And Israel yede forth with alle thingis that he hadde, and he cam to the pit of ooth; and whanne sacrifices weren slayn there to God of his fadir Isaac,

stylus

Genesis 26:22, Genesis 26:25, Genesis 28:13, Genesis 31:42, Genesis 28:10

2he herde God bi a visioun in that nyyt clepynge hym, `and seiynge to hym, Jacob! Jacob! To whom he answeride, Lo! Y am present.

stylus

Genesis 15:1, Job 33:14, Job 33:15, Genesis 15:1, Job 33:14

3God seide to hym, Y am the strongeste God of thi fadir; nyle thou drede, go doun in to Egipt, for Y schal make thee there in to a greet folk;

stylus

Genesis 12:2, Deuteronomy 26:5, Genesis 12:2, Deuteronomy 26:5, Isaiah 43:1

4Y schal go doun thidir with thee, and Y schal brynge thee turnynge ayen fro thennus, and Joseph schal sette his hond on thin iyen.

stylus

Exodus 3:8, Exodus 3:8, Genesis 50:1, Genesis 48:21, Genesis 28:15

5Jacob roos fro the pit of ooth, and the sones token him, with her litle children, and wyues, in the waynes whiche Farao hadde sent to bere the eld man,

stylus

Genesis 45:19, Genesis 45:21, Genesis 45:19, Genesis 45:21, Genesis 45:27

6and alle thingis whiche he weldide in the lond of Canaan; and he cam in to Egipt with his seed,

stylus

Acts 7:15, Psalms 105:23, Isaiah 52:4, Joshua 24:4, Acts 7:15

7hise sones, and her sones, and douytris, and al the generacioun togidere.

stylus

8Forsothe thes ben the names of the sones of Israel, that entriden in to Egipte; he with hise fre children. The firste gendrid Ruben;

stylus

Exodus 1:1, Exodus 1:5, 1 Chronicles 2:1, 1 Chronicles 2:55, Exodus 1:1

9the sones of Ruben, Enoch, and Fallu, and Esrom, and Carmi.

stylus

10The sones of Symeon, Jemuhel, and Jamyn, and Ahoth, and Jachyn, and Sab, and Saber, and Saul, the sone of a womman of Canaan.

stylus

Exodus 6:15, Exodus 6:15, Genesis 29:33, Genesis 29:33, Numbers 1:6

11The sones of Leuy, Gerson, Caath, and Merarie.

stylus

Genesis 29:34, Genesis 29:34, 1 Chronicles 2:1, Deuteronomy 33:8, Deuteronomy 33:11

12The sones of Juda, Her and Onam, and Sela, and Fares, and Zara. Forsothe Her and Onam dieden in the lond of Canaan; and the sones of Fares weren borun, Esrom, and Amul.

stylus

1 Chronicles 4:21, Genesis 38:7, Genesis 29:35, Genesis 38:10, 1 Chronicles 4:21

13The sones of Isacar, Thola, and Fua, and Jobab, and Semron.

stylus

1 Chronicles 12:32, 1 Chronicles 12:32, Deuteronomy 33:18, Genesis 35:23, Genesis 30:14

14The sones of Zabulon, Sared, and Thelom, and Jahel.

stylus

Genesis 49:13, 1 Chronicles 2:1, Numbers 1:9, Numbers 26:26, Numbers 26:27

15These ben the sones of Lia, whiche sche childide in Mesopotanye of Sirie, with Dyna, hir douyter; alle the soules of hise sones and douytris, thre and thretti.

stylus

Genesis 30:17, Genesis 30:21, Genesis 29:32, Genesis 29:35, Genesis 30:17

16The sones of Gad, Sefion, and Aggi, Suny, and Hesebon, Heri, and Arodi, and Areli.

stylus

Numbers 26:15, Numbers 26:17, Numbers 26:15, Numbers 26:17, Genesis 30:11

17The sones of Aser, Jamne, and Jesua, and Jesui, and Beria; and Sara, the sister of hem. The sones of Beria, Heber and Melchiel.

stylus

Genesis 30:13, Genesis 49:20, Genesis 30:13, Genesis 49:20, Numbers 26:44

18These weren the sones of Zelfa, whom Laban yaf to Lia, his douyter, and Jacob gendryde these sixtene persones.

stylus

Genesis 29:24, Genesis 29:24, Genesis 30:9, Genesis 30:13, Genesis 35:26

19The sones of Rachel, `wijf of Jacob, weren Joseph and Beniamyn.

stylus

Genesis 44:27, Genesis 44:27, Genesis 39:1, Genesis 40:23, Genesis 37:1

20And sones weren borun to Joseph in the loond of Egipt, Manasses and Effraym, whiche Asenech, `douytir of Putifar, preest of Helipoleos, childide to hym.

stylus

Genesis 41:50, Genesis 41:52, Genesis 41:50, Genesis 41:52, Genesis 41:45

21The sones of Beniamin weren Bela, and Becor, and Asbel, Gera, and Naaman, and Jechi, `Ros, and Mofym, and Ofym, and Ared.

stylus

1 Chronicles 7:6, 1 Chronicles 7:12, 1 Chronicles 7:6, 1 Chronicles 7:12, Genesis 49:27

22These weren the sones of Rachel, whiche Jacob gendride; alle the persones weren fouretene.

stylus

23The sone of Dan, Vsym.

stylus

Genesis 49:16, Genesis 49:17, 1 Chronicles 7:12, Numbers 1:12, Genesis 30:6

24The sones of Neptalym, Jasiel, and Guny, and Jeser, and Salem.

stylus

1 Chronicles 7:13, 1 Chronicles 7:13, Numbers 1:15, Genesis 35:25, 1 Chronicles 2:2

25These weren `the sones of Bala, whom Laban yaf to Rachel his douytir.

stylus

Genesis 29:29, Genesis 29:29, Genesis 35:22, Genesis 30:3, Genesis 30:8

26And Jacob gendride these; alle the soules weren seuene. And alle the men that entriden with Jacob in to Egipt, and yeden out of his thiy, with out `the wyues of his sones, weren sixti and sixe.

stylus

Exodus 1:5, Exodus 1:5, Judges 8:30, Genesis 35:11, Judges 8:30

27Forsothe the sones of Joseph, that weren borun to hym in `the loond of Egipt, weren two men. Alle the soulis of `the hows of Jacob, that entriden in to Egipt, weren seuenti.

stylus

Acts 7:14, Acts 7:14, Deuteronomy 10:22, Exodus 1:5, Deuteronomy 10:22

28Forsothe Jacob sente Judas bifore hym to Joseph, that he schulde telle to hym, and he schulde `come in to Gessen.

stylus

Genesis 45:10, Genesis 45:10, Genesis 31:21, Genesis 49:8, Genesis 44:16

29And whanne Jacob hadde come thidir, Joseph stiede in his chare to mete his fadir at the same place. And he siy Jacob, and felde on `his necke, and wepte bitwixe collyngis.

stylus

Genesis 45:14, Genesis 45:15, Genesis 33:4, Luke 15:20, Genesis 45:14

30And the fadir seide to Joseph, Now Y schal die ioiful, for Y siy thi face, and Y leeue thee lyuynge.

stylus

Luke 2:29, Luke 2:30, Luke 2:29, Luke 2:30, Genesis 45:28

31And Joseph spak to hise brithren, and to al `the hows of his fadir, I schal stie, and `Y schal telle to Farao, and Y schal seie to hym, My britheren, and the hows of my fadir, that weren in the lond of Canaan, ben comun to me,

stylus

Acts 18:3, Hebrews 2:11, Genesis 47:1, Genesis 47:3, Genesis 45:16

32and thei ben men kepers of scheep, and han bisynesse of flockis to be fed; thei brouyten with hem her scheep and grete beestis, and alle thingis whiche thei miyten haue.

stylus

Genesis 47:3, Genesis 47:3, Psalms 78:70, Psalms 78:72, Isaiah 40:11

33And whanne Farao schal clepe you, and schal seie, What is youre werk? ye schulen answere, We ben thi seruauntis, men scheepherdis, fro oure childhed til in to present tyme, bothe we and oure fadris. Sotheli ye schulen seye these thingis, that ye moun dwelle in the lond of Gessen, for Egipcians wlaten alle keperis of scheep.

stylus

Genesis 46:32, Genesis 46:32, Genesis 47:2, Genesis 47:4, Jonah 1:8