1In the meene tyme hungur oppresside greetli al the lond;

stylus

Genesis 12:10, Genesis 12:10, Ecclesiastes 9:1, Ecclesiastes 9:2, Genesis 42:5

2and whanne the meetis weren wastid, whiche thei brouyten fro Egipt, Jacob seide to hise sones, Turne ye ayen, and bie ye a litil of meetis to vs.

stylus

Genesis 42:1, Genesis 42:2, Genesis 43:20, 1 Timothy 5:8, Proverbs 15:16

3Judas answeride, The ilke man denounside to vs vndir witnessyng of an ooth, and seide, Ye schulen not se my face, if ye schulen not brynge with you youre leeste brother;

stylus

Genesis 44:23, Genesis 44:23, Genesis 43:5, Genesis 43:5, Genesis 42:15

4therfor if thou wolt sende hym with vs, we schulen go to gidere, and we schulen bie necessaries to thee;

stylus

5ellis if thou wolt not, we schulen not go; for as we seiden ofte, the man denounside to vs, and seide, Ye schulen not se my face with out youre leeste brother.

stylus

Genesis 42:38, Genesis 44:26, Exodus 20:12, Genesis 42:38, Genesis 44:26

6Forsothe Israel seide to hem, Ye diden this in to my wretchidnesse, that ye schewiden to hym, that ye hadden also another brother.

stylus

7And thei answeriden, The man axide vs bi ordre oure generacioun, if the fadir lyuede, if we hadden a brother; and we answeriden suyngli to hym, bi that that he axide; whether we myyten wite that he wolde seie, Brynge ye youre brothir with you?

stylus

Genesis 43:3, Genesis 43:3, Genesis 42:13, Genesis 43:27, Genesis 42:13

8And Judas seide to his fadir, Sende the child with me, that we go, and moun lyue, lest we dien, and oure litle children ;

stylus

Genesis 42:2, Genesis 42:2, Deuteronomy 33:6, Deuteronomy 33:6, Ezra 8:21

9Y take the child, require thou hym of myn hoond; if Y schal not brynge ayen, and bitake hym to thee, Y schal be gilti of synne ayens thee in al tyme;

stylus

Genesis 42:37, Genesis 42:37, Philemon 1:18, Philemon 1:19, Genesis 44:32

10if delai hadde not be, we hadden come now anothir tyme.

stylus

Genesis 19:16, Genesis 19:16

11Therfor Israel, `the fadir of hem, seide to hem, If it is nede so, do ye that that ye wolen; `take ye of the beste fruytis of the lond in youre vesselis, and `bere ye yiftis to the man, a litil of gumme, and of hony, and of storax, and of mirre, and of therebynte, and of alemaundis;

stylus

Genesis 37:25, Genesis 37:25, Jeremiah 8:22, Jeremiah 8:22, 1 Samuel 9:7

12and `bere ye with you double money, and `bere ye ayen that money which ye founden in baggis, lest perauenture it be doon bi errour;

stylus

Genesis 42:25, Genesis 42:25, Genesis 42:35, Genesis 42:35, 2 Corinthians 8:21

13but also take ye youre brother, and go ye to the man;

stylus

Genesis 42:38, Genesis 42:38

14forsothe my God Almyyti mak him pesible to you, and sende he ayen youre brother, whom he holdith in boondis, and this Beniamyn; forsothe Y schal be as maad bare without sones.

stylus

Esther 4:16, Esther 4:16, Genesis 17:1, Genesis 17:1, Acts 21:14

15Therfor the men token yiftis, and double monei, and Beniamyn; and thei yeden doun in to Egipt, and stoden bifore Joseph.

stylus

16And whanne he hadde seyn `hem and Beniamyn togidere, he comaundide the dispendere of his hows, and seide, Lede these men in to the hous, and sle beestis, and make a feeste; for thei schulen ete with me to dai.

stylus

Genesis 44:1, Genesis 44:1, Genesis 43:19, Genesis 43:19, 1 Samuel 25:11

17He dide as it was comaundid, and ledde the men in to the hows;

stylus

18and there thei weren aferd, and seiden to gidere, We ben brouyt in for the monei which we baren ayen bifore in oure sackis, that he putte chalenge `in to vs, and make suget bi violence to seruage bothe vs and oure assis.

stylus

Genesis 42:35, Genesis 42:35, Genesis 42:28, Psalms 73:16, Mark 6:16

19Wherfor thei neiyeden in the `yatis, and spaken to the dispendere,

stylus

20Lord, we preien that thou here vs; we camen doun now bifore that we schulden bie metis;

stylus

Genesis 42:3, Genesis 42:3, Genesis 42:10, Genesis 42:10, Genesis 43:7

21whanne tho weren bouyt, whanne we camen to the ynne, we openeden oure baggis, and we founden money in the mouth of sackis, which money we han brouyt ayen now in the same weiyte;

stylus

Genesis 43:12, Genesis 43:12, Genesis 42:27, Genesis 42:35, Romans 12:17

22but also we han brouyt other siluer, that we bie tho thingis that ben nedeful to vs; it is not in oure conscience, who puttide the money in oure pursis.

stylus

23And he answerde, Pees be to you, nyle ye drede; youre God and God of youre fadir yaf to you tresouris in youre baggis; for I haue the monei preued, which ye yauen to me. And he ledde out Symeon to hem;

stylus

Genesis 42:24, Genesis 42:24, John 20:26, John 14:27, John 20:26

24and whanne thei weren brouyt in to the hows, he brouyte watir, and thei waischiden her feet, and he yaf `meetis to her assis.

stylus

Genesis 18:4, Genesis 18:4, Genesis 24:32, Genesis 24:32, Genesis 19:2

25Sotheli thei maden redi yiftis til Joseph entride at myd day, for thei hadden herd that thei schulden ete breed there.

stylus

Genesis 43:11, Genesis 43:11, Genesis 43:16, Genesis 43:16

26Therfor Joseph entride in to his hows, and thei offriden yiftis to hym, and helden in the hondis, and worschipiden lowe to erthe.

stylus

Genesis 42:6, Genesis 42:6, Romans 14:11, Genesis 37:19, Genesis 37:20

27And he grette hem ayen mekeli; and he axide hem, and seide, Whether youre fadir, the elde man, is saaf, of whom ye seiden to me? lyueth he yit?

stylus

Genesis 42:13, Genesis 42:13, 1 Samuel 25:5, Exodus 18:7, Genesis 37:14

28Whiche answeriden, He is hool, thi seruaunt oure fadir lyueth yit; and thei weren bowid, and worschipiden hym.

stylus

Genesis 37:7, Genesis 37:7, Genesis 43:26, Genesis 43:26, 1 Kings 1:16

29Forsothe Joseph reyside hise iyen, and siy Beniamyn his brother of the same wombe, and seide, Is this youre litil brother, of whom ye seiden to me? And eft Joseph seide, My sone, God haue merci of thee.

stylus

Genesis 42:13, Numbers 6:25, Genesis 42:13, Numbers 6:25, Genesis 30:22

30And Joseph hastide in to the hous, for his entrailis weren moued on his brother, and teeris brasten out, and he entride into a closet, and wepte.

stylus

Genesis 42:24, Genesis 42:24, Jeremiah 31:20, Jeremiah 31:20, 1 Kings 3:26

31And eft whanne the face was waischun, he yede out, and refreynede hym silf, and seide, Sette ye looues.

stylus

Genesis 45:1, Genesis 45:1, 1 Peter 3:10, 1 Peter 3:10, Isaiah 42:14

32`And whanne tho weren set to Joseph by hym silf, and to the britheren bi hem silf, and to Egipcyans that eeten to gidre by hem silf; for it is vnleueful to Egipcians to ete with Ebrewis, and thei gessen sich a feeste vnhooli.

stylus

Exodus 8:26, Genesis 46:34, Exodus 8:26, Genesis 46:34, Genesis 43:16

33Therfor thei saten bifore hym, the firste gendrid bi the rite of his firste gendryng, and the leeste bi his age; and thei wondriden greetli,

stylus

34whanne the partis weren takun whiche thei hadden resseyued of him, and the more part cam to Beniamyn, so that it passide in fyue partis; and thei drunken, and weren fillid with him.

stylus

Genesis 45:22, Genesis 45:22, 1 Samuel 1:5, 2 Samuel 11:8, 1 Samuel 1:5