1Whanne these thingis weren doon so, it bifelde that twei geldyngis, the boteler and the baker `of the kyng of Egipt, synneden to her lord.

stylus

Genesis 40:13, Genesis 40:13, Genesis 39:20, Genesis 39:23, Genesis 39:20

2And Farao was wrooth ayens hem, for the toon was `souereyn to boteleris, the tother was `souereyn to bakeris.

stylus

Proverbs 16:14, Proverbs 16:14, Proverbs 27:4, Proverbs 19:12, Acts 12:20

3And he sente hem in to the prisoun of the prince of knyytis, in which also Joseph was boundun.

stylus

Genesis 39:20, Genesis 39:20, Genesis 39:23, Genesis 39:23

4And the keper of the prisoun bitook hem to Joseph, which also `mynystride to hem. Sumdel of tyme passide, and thei weren hooldun in kepyng, and bothe sien a dreem in o nyyt,

stylus

Genesis 37:36, Psalms 37:5, Genesis 39:1, Genesis 39:21, Genesis 39:23

5bi couenable expownyng to hem.

stylus

Genesis 41:11, Genesis 41:11, Daniel 2:1, Daniel 2:3, Esther 6:1

6And whanne Joseph hadde entrid to hem eerli, and hadde seyn hem sori,

stylus

Daniel 7:28, Genesis 40:8, Genesis 41:8, Daniel 4:5, Daniel 8:27

7he axide hem, and seide, Whi is youre `face soriere to dai than it ys wont?

stylus

Nehemiah 2:2, Nehemiah 2:2, 1 Samuel 1:8, 1 Samuel 1:8, Luke 24:17

8Whiche answeriden, We seiyen a dreem, and `noon is that expowneth to vs. And Joseph seide to hem, Whether expownyng is not of God? Telle ye to me what ye han seyn.

stylus

Daniel 2:47, Genesis 41:15, Genesis 41:16, Daniel 2:47, Genesis 41:15

9The `souereyn of boteleris telde first his dreem; Y seiy that a vyne bifore me,

stylus

Daniel 4:8, Genesis 37:5, Genesis 37:10, Daniel 2:31, Daniel 4:10

10in which weren thre siouns, wexide litil and litil in to buriounnyngis, and that aftir flouris grapys wexiden ripe,

stylus

11and the cuppe of Farao was in myn hond; therfor Y took the grapis, and presside out in to the cuppe which Y helde, and Y yaf drynk to Farao.

stylus

Nehemiah 1:11, Nehemiah 2:1, Nehemiah 1:11, Nehemiah 2:1, 1 Kings 10:5

12Joseph answerde, This is the expownyng of the dreem; thre siouns ben yit thre daies,

stylus

Genesis 41:12, Judges 7:14, Genesis 41:12, Judges 7:14, Genesis 41:25

13aftir whiche Farao schal haue mynde of thi seruyce, and he schal restore thee in to the firste degree, and thou schal yyue to hym the cuppe, bi thin office, as thou were wont to do bifore.

stylus

2 Kings 25:27, Psalms 3:3, Jeremiah 52:31, 2 Kings 25:27, Psalms 3:3

14Oneli haue thou mynde on me, whanne it is wel to thee, and thou schalt do merci with me, that thou make suggestioun to Farao, that he lede me out of this prisoun;

stylus

Joshua 2:12, Joshua 2:12, 1 Samuel 20:14, 1 Samuel 20:15, 1 Samuel 20:14

15for theefli Y am takun awei fro the lond of Ebrews, and here Y am sent innocent in to prisoun.

stylus

1 Peter 3:17, 1 Peter 3:18, Genesis 39:20, 1 Peter 3:17, 1 Peter 3:18

16The `maister of bakeris seiye that Joseph hadde expowned prudentli the dreem, and he seide, And Y seiy a dreem, that Y hadde thre panyeris of mele on myn heed,

stylus

Genesis 40:1, Genesis 40:2, Genesis 40:1, Genesis 40:2

17and Y gesside that Y bar in o panyere, that was heiyere, alle metis that ben maad bi craft of bakers, and that briddis eeten therof.

stylus

Genesis 49:20, Genesis 49:20, 1 Chronicles 12:20, 1 Chronicles 12:20

18Joseph answerde, This is the expownyng of the dreem; thre panyeris ben yit thre daies,

stylus

Genesis 40:12, Genesis 40:12, Genesis 41:26, 1 Corinthians 11:24, 1 Corinthians 10:4

19aftir whiche Farao schal take awei thin heed, and he schal hange thee in a cros, and briddis schulen todrawe thi fleischis.

stylus

Genesis 40:22, Genesis 40:22, Acts 20:27, Joshua 8:29, Deuteronomy 21:22

20Fro thennus the thridde dai was the dai of birthe of Farao, which made a greet feeste to hise children, and hadde mynde among metis on the maistir `of boteleris, and on the prince of bakeris;

stylus

Genesis 40:13, Genesis 40:19, Matthew 14:6, Genesis 40:13, Genesis 40:19

21and he restoride the oon in to his place, that he schulde dresse cuppe to `the kyng,

stylus

Genesis 40:13, Genesis 40:13, Nehemiah 2:1, Nehemiah 2:1

22and he hangide `the tothir in a gebat, that the treuthe of `the expownere schulde be preued.

stylus

Genesis 40:19, Genesis 40:19, Genesis 40:8, Daniel 2:19, Daniel 2:23

23And netheles whanne prosperitees bifelden, the `souereyn of boteleris foryat `his expownere.

stylus

Job 19:14, Job 19:14, Psalms 31:12, Psalms 31:12, Psalms 105:19