1Forsothe Adam knewe Eue his wijf, which conseyuede, and childide Cayn, and seide, Y haue gete a man bi God.

stylus

1 John 3:12, 1 John 3:12, Genesis 3:15, Genesis 3:15, Genesis 4:25

2And efte sche childide his brother Abel. Forsothe Abel was a kepere of scheep, and Cayn was an erthe tilyere.

stylus

1 John 3:12, 1 John 3:15, 1 John 3:12, 1 John 3:15, Luke 11:51

3Sotheli it was don after many daies, that Cayn offride yiftis to the Lord of the fruytis of erthe;

stylus

Numbers 18:12, Numbers 18:12, Leviticus 2:1, Leviticus 2:11, Leviticus 2:1

4and Abel offride of the first gendrid of his floc, and of the fatnesse of tho. And the Lord bihelde to Abel and to the yiftis of hym;

stylus

Hebrews 11:4, Hebrews 11:4, Proverbs 3:9, Proverbs 3:9, Exodus 13:12

5sotheli he bihelde not to Cayn and to hise yiftis. And Cayn was wrooth greetli, and his cheer felde doun.

stylus

Hebrews 11:4, Hebrews 11:4, Job 5:2, Job 5:2, Luke 15:28

6And the Lord seide to hym, Whi art thou wrooth, and whi felde doun thi face?

stylus

Isaiah 1:18, Isaiah 1:18, Job 5:2, Job 5:2, Luke 15:31

7Whether not if thou schalt do wel, thou schalt resseyue; but if thou doist yuele, thi synne schal be present anoon in the yatis? but the desir therof schal be vndur thee, and thou schalt be lord therof.

stylus

James 1:15, James 1:15, Romans 2:6, Romans 2:10, Romans 2:6

8And Cayn seide to Abel his brother, Go we out. And whanne thei weren in the feeld, Cayn roos ayens his brother Abel, and killide him.

stylus

1 John 3:12, 1 John 3:15, Matthew 23:35, Jude 1:11, 1 John 3:12

9And the Lord seide to Cayn, Where is Abel thi brother? Which answerde, Y woot not; whether Y am the kepere of my brothir?

stylus

Proverbs 28:13, Proverbs 28:13, John 8:44, John 8:44, Psalms 9:12

10And God seide to Cayn, What hast thou do? the vois of the blood of thi brother crieth to me fro erthe.

stylus

Hebrews 12:24, Hebrews 12:24, Hebrews 11:4, Hebrews 11:4, Psalms 72:14

11Now therfor thou schalt be cursid on erthe, that openyde his mouth, and resseyuede of thin hond the blood of thi brothir.

stylus

Job 16:18, Galatians 3:10, Job 16:18, Galatians 3:10, Genesis 3:14

12Whanne thou schalt worche the erthe, it schal not yyue his fruytis to thee; thou schalt be vnstable of dwellyng and fleynge aboute on erthe in alle the daies of thi lijf.

stylus

Hosea 9:17, Hosea 9:17, Leviticus 26:36, Leviticus 26:20, Leviticus 26:36

13And Cayn seide to the Lord, My wickidnesse is more than that Y disserue foryyuenesse; lo!

stylus

Job 15:22, Job 15:22, Revelation 16:9, Revelation 16:9, Revelation 16:11

14to dai thou castist me out fro the face of the erthe; and Y schal be hid fro thi face, and Y schal be vnstable of dwellyng and fleynge aboute in erthe; therfore ech man that schal fynde me schal slee me.

stylus

Numbers 35:19, Numbers 35:19, Job 15:20, Job 15:24, Psalms 143:7

15And the Lord seide to hym, It schal not be don so, but ech man that schal slee Cayn shal be punyschid seuenfold. And the Lord settide a signe in Cayn, that ech man that schulde fynde hym schulde not slee hym.

stylus

Ezekiel 9:4, Ezekiel 9:4, Psalms 79:12, Psalms 79:12, Genesis 4:24

16And Cayn yede out fro the face of the Lord, and dwellide fleynge aboute in erthe, at the eest coost of Eden.

stylus

Job 2:7, 2 Kings 24:20, Genesis 3:8, Exodus 20:18, Genesis 4:14

17Forsothe Cayn knewe his wiif, which conseyuede, and childide Enoth; and Cayn bildide a citee, and clepide the name therof of the name of hise sone Enoth.

stylus

Psalms 49:11, Psalms 49:11, Daniel 4:30, Ecclesiastes 2:4, Ecclesiastes 2:11

18Forsothe Enoth gendride Irad, and Irad gendride Manyael, and Manyael gendride Matusael, and Matusael gendride Lameth;

stylus

Genesis 5:21, Genesis 36:2, Genesis 5:21, Genesis 36:2

19that took twei wyues, the name to o wijf was Ada, and the name to the tother was Sella.

stylus

Genesis 2:24, Genesis 2:24, Genesis 2:18, Matthew 19:4, Matthew 19:6

20And Ada gendride Jabel, that was the fadir of dwellers in tentis and of shepherdis;

stylus

Genesis 25:27, Jeremiah 35:9, Jeremiah 35:10, Genesis 4:2, 1 Chronicles 4:4

21and the name of his brother was Tubal, he was the fadir of syngeris in harpe and orgun.

stylus

Romans 4:11, Romans 4:12, Genesis 31:27, Job 21:12, Isaiah 5:12

22And Sella gendride Tubalcayn, that was an hamerbetere, and smyyt on alle werkis of bras and of yrun; forsothe the sistir of Tubalcayn was Neoma.

stylus

2 Chronicles 2:7, Numbers 31:22, Deuteronomy 33:25, Exodus 25:3, Deuteronomy 8:9

23And Lameth seide to his wyues Ada and Sella, Ye wyues of Lameth, here my vois, and herkne my word; for Y haue slayn a man bi my wounde, and a yong wexynge man bi my `violent betyng;

stylus

Leviticus 19:18, Numbers 23:18, Exodus 20:13, Leviticus 19:18, Numbers 23:18

24veniaunce schal be youun seuenfold of Cayn, forsothe of Lameth seuentisithis seuensithis.

stylus

Matthew 18:22, Matthew 18:22, Genesis 4:15, Genesis 4:15

25Also yit Adam knewe his wijf, and sche childide a sone, and clepide his name Seth, and seide, God hath put to me another seed for Abel, whom Cayn killide.

stylus

Genesis 4:8, Genesis 4:8, Genesis 5:3, Genesis 5:4, 1 Chronicles 1:1

26But also a sone was borun to Seth, which sone he clepide Enos; this Enos bigan to clepe inwardli the name of the Lord.

stylus

Psalms 116:17, Psalms 116:17, 1 Kings 18:24, 1 Kings 18:24, Joel 2:32