1And tweyne aungels camen to Sodom in the euentide, while Loth sat in the yatis of the citee. And whanne he hadde seyn hem, he roos, and yede ayens hem, and worschipide lowe to erthe,

stylus

Genesis 18:1, Genesis 18:5, Genesis 18:22, Genesis 18:1, Genesis 18:5

2and seide, My lordis, Y biseche, bowe ye in to the hous of youre child, and dwelle ye there; waische ye youre feet, and in the morewtid ye schulen go in to youre weie. Whiche seiden, Nay, but we schulen dwelle in the street.

stylus

Genesis 18:4, Genesis 18:4, Acts 16:15, Luke 24:28, Luke 24:29

3He constreynede hem greetli, that thei schulden turne to hym. And whanne thei weren entrid in to his hous, he made a feeste, he bakide therf breed, and thei eten.

stylus

Genesis 18:6, Genesis 18:8, Genesis 18:6, Genesis 18:8, 1 Samuel 28:24

4Forsothe bifore that thei yeden to sleepe, men of the citee compassiden his hows, fro a child `til to an eld man, al the puple togidre;

stylus

Genesis 13:13, Genesis 13:13, Proverbs 4:16, Proverbs 4:16, Exodus 23:2

5and thei clepiden Loth, and seiden to him, Where ben the men that entriden to thee to nyyt? brynge hem out hidur, that we `knowe hem.

stylus

Judges 19:22, Judges 19:22, Isaiah 3:9, Jude 1:7, Isaiah 3:9

6And Loth yede out to hem `bihynde the bak, and closide the dore,

stylus

Judges 19:23, Judges 19:23

7and seide, Y biseche, nyle ye, my britheren, nyle ye do this yuel.

stylus

Leviticus 20:13, Genesis 19:4, Leviticus 18:22, Romans 1:24, Judges 19:23

8Y haue twey douytris, that knewen not yit man; Y schal lede out hem to you, and mys vse ye hem as it plesith you, so that ye doon noon yuel to these men, for thei entriden vndur the schadewe of my roof.

stylus

Judges 19:24, Judges 19:24, Genesis 19:31, Genesis 19:38, Genesis 19:31

9And thei seiden, Go thou fro hennus. And eft thei seiden, Thou entridist as a comelyng; wher that thou deme? therfor we schulen turment thee more than these. And thei diden violentli to Loth ful greetli. Thanne it was nyy that thei wolden breke the doris; and lo!

stylus

Exodus 2:14, Exodus 2:14, 2 Peter 2:7, 2 Peter 2:8, Genesis 13:12

10the men puttiden hoond, and ledden in Loth to hem, and thei closiden the dore.

stylus

11And thei smyten with blyndenesse hem that weren withoutforth, fro the leest til to the moost; so that thei myyten not fynde the dore.

stylus

2 Kings 6:18, 2 Kings 6:18, Acts 13:11, Acts 13:11, Deuteronomy 28:28

12Forsothe thei seiden to Loth, Hast thou here ony man of thine, hosebonde of thi douyter, ethir sones, ethir douytris; lede thou out of this citee alle men that ben thine,

stylus

Genesis 7:1, Genesis 7:1, 2 Peter 2:7, Revelation 18:4, 2 Peter 2:7

13for we schulen do a wey this place, for the cry of hem encreesside bifor the Lord, which sente vs that we leese hem.

stylus

Genesis 18:20, Genesis 18:20, Matthew 13:49, Matthew 13:50, Acts 12:23

14And so Loth yede out, and spak to the hosebondys of his douytris, that schulden take hise douytris, and seide, Rise ye, and go ye out of this place; for the Lord schal do awey this citee. And he was seyn to hem to speke as pleiynge.

stylus

Numbers 16:21, Numbers 16:21, Numbers 16:45, Numbers 16:45, Numbers 16:26

15And whanne the morewtid was, the aungels constreyneden hym, and seiden, Rise thou, and take thi wijf, and thi twey douytris whiche thou hast, lest also thou perische to gidere in the synne of the citee.

stylus

Numbers 16:24, Numbers 16:27, Numbers 16:24, Numbers 16:27, Revelation 18:4

16While he dissymelide, thei token his hond, and the hond of his wijf, and of his twey doutris; for the Lord sparide hym.

stylus

Romans 9:15, Romans 9:16, Romans 9:15, Romans 9:16, Psalms 106:1

17And thei ledden out hym, and settiden with out the citee. There thei spaken to him, and seiden, Saue thou thi lijf; nyle thou biholde bihynde thi bac, nether stond thou in al the cuntre aboute, but make thee saaf in the hil; lest also thou perische togidere.

stylus

Matthew 24:16, Matthew 24:18, Matthew 24:16, Matthew 24:18, Luke 9:62

18And Loth seide to hem, My lord, Y biseche,

stylus

John 13:6, John 13:8, 2 Kings 5:11, 2 Kings 5:12, Isaiah 45:11

19for thi seruaunt hath founde grace bifore thee, and thou hast magnyfied thi grace and mercy, which thou hast do with me, that thou schuldist saue my lijf; Y may not be saued in the hil, lest perauenture yuel take me, and Y die;

stylus

Psalms 106:1, Psalms 106:48, Genesis 12:13, Matthew 8:25, Matthew 8:26

20a litil citee is here bisidis, to which Y may fle, and Y schal be saued ther ynne; where it is not a litil citee? and my soule schal lyue ther ynne.

stylus

Psalms 119:175, Psalms 119:175, Proverbs 3:5, Proverbs 3:7, Proverbs 3:5

21And he seide to Loth, Lo! also in this Y haue resseyued thi preieris, that Y distrye not the citee, for which thou hast spoke;

stylus

Psalms 145:19, Psalms 145:19, Psalms 102:17, Job 42:8, Job 42:9

22haste thou, and be thou saued there, for Y may not do ony thing til thou entre thidur. Therfor the name of that citee was clepid Segor.

stylus

Genesis 13:10, Genesis 13:10, Genesis 14:2, Genesis 14:2, Deuteronomy 9:14

23The sunne roos on erthe, and Loth entride in to Segor.

stylus

24Therfor the Lord reynede on Sodom and Gomorre brynston and fier, fro the Lord fro heuene,

stylus

Deuteronomy 29:23, Deuteronomy 29:23, Isaiah 13:19, Isaiah 13:19, Jude 1:7

25and distriede these citees, and al the cuntrey aboute; he destriede alle enhabiters of citees, and all grene thingis of erthe.

stylus

Psalms 107:34, Psalms 107:34, Genesis 14:3, Genesis 14:3, Genesis 13:10

26And his wijf lokide abac, and was turned in to an ymage of salt.

stylus

Luke 17:31, Luke 17:32, Luke 17:31, Luke 17:32, Genesis 19:17

27Forsothe Abraham risynge eerly, where he stood bifore with the Lord,

stylus

Habakkuk 2:1, Habakkuk 2:1, Psalms 5:3, Psalms 5:3, Ezekiel 16:49

28bihelde Sodom and Gomorre, and al the lond of that cuntrey; and he seiy a deed sparcle stiynge fro erthe, as the smoke of a furneis.

stylus

Revelation 18:9, Revelation 18:9, Revelation 9:2, Revelation 9:2, Jude 1:7

29For whanne God distriede the citees of that cuntrey, he hadde mynde of Abraham, and delyuerede Loth fro destriynge of the citees in whiche he dwellide.

stylus

Genesis 8:1, Deuteronomy 9:5, Genesis 8:1, Deuteronomy 9:5, Genesis 18:23

30And Loth stiede fro Segor, and dwellide in the hil, and hise twey douytris with him, for he dredde to dwelle in Segor; and he dwellide in a denne, he and his twey douytris with hym.

stylus

Genesis 19:19, Genesis 19:19, Genesis 13:10, Genesis 19:17, Jeremiah 2:36

31And the more douytre seide to the lasse, Oure fadre is eld, and no man is left in erthe, that may entre to vs, bi the custom of al erthe;

stylus

Deuteronomy 25:5, Deuteronomy 25:5, Genesis 16:2, Genesis 4:1, Genesis 6:4

32come thou, make we him drunkun of wyn, and slepe we with him, that we moun kepe seed of oure fadir.

stylus

Leviticus 18:6, Leviticus 18:7, Leviticus 18:6, Leviticus 18:7, Genesis 11:3

33And so thei yauen to her fadir to drynke wyn in that nyyt, and the more douyter entrede, and slepte with hir fadir; and he feelide not, nethir whanne the douytir lay doun, nether whanne sche roos.

stylus

Leviticus 18:6, Leviticus 18:7, Proverbs 23:29, Proverbs 23:35, Habakkuk 2:15

34And in the tothir dai the more douytir seide to the lasse, Lo! Y slepte yistirdai with my fadir, yyue we to hym to drynk wyn also in this nyyt; and thou schalt slepe with hym, that we saue seed of oure fadir.

stylus

Isaiah 3:9, Jeremiah 3:3, Jeremiah 6:15, Jeremiah 8:12, Jeremiah 5:3

35And thei yauen to her fadir also in that nyyt to drynke wyn, and the lesse douytir entride, and slepte with him; and sotheli he feelide not thanne whanne sche lay doun, nether whanne sche roos.

stylus

1 Peter 4:7, 1 Corinthians 10:11, 1 Corinthians 10:12, Proverbs 24:16, Ecclesiastes 7:26

36Therfor the twei douytris of Loth conseyuede of hir fadir.

stylus

Habakkuk 2:15, Habakkuk 2:15, Genesis 19:8, 1 Samuel 15:33, Leviticus 18:6

37And the more douytre childide a sone, and clepide his name Moab; he is the fadir of men of Moab `til in to present dai.

stylus

Deuteronomy 2:9, Deuteronomy 2:9, Ruth 4:10, 2 Kings 3:1, 2 Kings 3:27

38And the lesse douyter childide a sone, and clepide his name Amon, that is, the sone of my puple; he is the fadir of men of Amon til to day.

stylus

Deuteronomy 2:19, Deuteronomy 2:19, Nehemiah 13:1, Nehemiah 13:3, 1 Samuel 11:1