1Forsothe aftir that Abram bigan to be of nynti yeer and nyne, the Lord apperide to hym, and seide to him, Y am Almyyti God; go thou bifore me, and be thou perfit;

stylus

Philippians 4:13, Philippians 4:13, Ephesians 3:20, Ephesians 3:20, Genesis 6:9

2and Y schal sette my couenaunt of pees bitwixe me and thee; and Y schal multiplie thee ful greetli.

stylus

Genesis 17:4, Genesis 17:6, Genesis 17:4, Genesis 17:6, Genesis 12:2

3And Abram felde doun lowe on his face.

stylus

Genesis 17:17, Genesis 17:17, Judges 13:20, Judges 13:20, Joshua 5:14

4And God seide to hym, Y am, and my couenaunt of pees is with thee, and thou schalt be the fadir of many folkis;

stylus

Genesis 35:11, Genesis 35:11, Genesis 12:2, Galatians 3:28, Galatians 3:29

5and thi name schal no more be clepid Abram, but thou schalt be clepid Abraham, for Y haue maad thee fadir of many folkis;

stylus

Matthew 1:21, Matthew 1:23, Matthew 1:21, Matthew 1:23, Nehemiah 9:7

6and Y schal make thee to wexe ful greetli, and Y schal sette thee in folkis, and kyngis schulen go out of thee;

stylus

Genesis 17:4, Genesis 17:4, Genesis 17:16, Genesis 35:11, Matthew 1:6

7and Y schal make my couenaunt bitwixe me and thee, and bitwixe thi seed after thee, in her generaciouns, bi euerlastynge bond of pees, that Y be thi God, and of thi seed after thee;

stylus

Genesis 26:24, Romans 9:7, Romans 9:9, Genesis 26:24, Romans 9:7

8and Y schal yyue to thee and to thi seed after thee the lond of thi pilgrymage, al the lond of Chanaan, in to euerlastynge possessioun, and Y schal be the God of hem.

stylus

Leviticus 26:12, Leviticus 26:12, Psalms 105:11, Psalms 105:11, Genesis 12:7

9God seide eft to Abraham, And therfor thou schalt kepe my couenaunt, and thi seed after thee, in her generaciouns.

stylus

Psalms 25:10, Isaiah 56:4, Isaiah 56:5, Psalms 103:18, Psalms 25:10

10This is my couenaunt, which ye schulen kepe bitwixe me and you, and thi seed after thee; ech male kynde of you schal be circumcidid,

stylus

Acts 7:8, Colossians 2:11, Colossians 2:12, Romans 4:9, Romans 4:11

11and ye schulen circumside the fleisch of youre mannes yeerd, that it be in to a signe of boond of pees bytwixe me and you.

stylus

Romans 4:11, Romans 4:11, Deuteronomy 10:16, Acts 7:8, Deuteronomy 10:16

12A yong child of eiyte daies schal be circumsidid in you, al male kynde in youre generaciouns, as wel a borun seruaunt as a seruaunt bouyt schal be circumsidid, and who euere is of youre kynrede he schal be circumsidid;

stylus

Leviticus 12:3, Leviticus 12:3, Luke 2:21, Luke 2:21, Luke 1:59

13and my couenaunt schal be in youre fleisch in to euerlastynge boond of pees.

stylus

Exodus 12:44, Exodus 12:44, Nehemiah 5:8, Genesis 37:36, Nehemiah 5:8

14A man whos fleisch of his yerde schal not be circumsidid, thilke man schal be doon a wei fro his puple; for he made voide my couenaunt.

stylus

Exodus 4:24, Exodus 4:26, Exodus 4:24, Exodus 4:26, Numbers 15:30

15Also God seide to Abraham, Thou schalt not clepe Saray, thi wijf, Sarai, but Sara;

stylus

2 Samuel 12:25, Genesis 32:28, Genesis 17:5, 2 Samuel 12:25, Genesis 32:28

16and Y schal blesse hir, and of hir I schal yyue to thee a sone, whom I schal blesse, and he schal be in to naciouns, and kyngis of puplis schulen be borun of hym.

stylus

Genesis 35:11, Genesis 35:11, Isaiah 49:23, Genesis 17:6, Isaiah 49:23

17Abraham felde doun on his face, and leiyede in his hert, and seide, Gessist thou, whethir a sone schal be borun to a man of an hundrid yeer, and Sara of nynti yeer schal bere child?

stylus

Revelation 11:16, Genesis 18:12, Genesis 17:3, Genesis 21:6, John 8:56

18And he seide to the Lord, Y wolde that Ismael lyue bifore thee.

stylus

Acts 2:39, Acts 2:39, Psalms 4:6, Psalms 41:12, Psalms 4:6

19And the Lord seide to Abraham, Sara, thi wijf, schal bere a sone to thee, and thou schalt clepe his name Ysaac, and Y schal make my couenaunt to hym in to euerlastynge boond of pees, and to his seed aftir hym;

stylus

Genesis 21:2, Genesis 21:3, Luke 1:13, Luke 1:20, Genesis 21:2

20also on Ysmael Y haue herd thee, lo! Y schal blesse him, and Y schal encreesse, and Y schal multiplie him greetli; he schal gendre twelue dukis, and Y schal make hym in to a greet folk.

stylus

Genesis 21:18, Genesis 21:18, Genesis 21:13, Genesis 21:13, Genesis 25:12

21Forsothe Y schal make my couenaunt to Ysaac, whom Sare schal childe to thee in this tyme in the tother yeer.

stylus

Genesis 26:2, Genesis 26:5, Genesis 21:2, Genesis 21:3, Genesis 26:2

22And whanne the word of the spekere with hym was endid, God stiede fro Abraham.

stylus

Genesis 35:9, Genesis 35:15, Genesis 18:33, Genesis 35:9, Genesis 35:15

23Forsothe Abraham took Ismael, his sone, and alle the borun seruauntis of his hous, and alle which he hadde bouyte, alle the malis of alle men of his hous, and circumsidide the fleisch of her yerde, anoon in that dai, as the Lord comaundide him.

stylus

Proverbs 27:1, Proverbs 27:1, Genesis 34:24, Genesis 17:26, Genesis 17:27

24Abraham was of nynti yeer and nyne whanne he circumsidide the fleisch of his yeerd,

stylus

Romans 4:11, Romans 4:11, Genesis 17:17, Genesis 12:4, Genesis 17:1

25and Ismael, his sone, hadde fillid threttene yeer in the tyme of his circumsicioun.

stylus

26Abraham was circumsidid in the same day, and Ismael his sone,

stylus

Genesis 12:4, Genesis 22:3, Genesis 22:4, Psalms 119:60, Genesis 12:4

27and alle men of his hows, as wel borun seruauntis as bouyt and aliens, weren circumcidid togidre.

stylus

Genesis 18:19, Genesis 18:19