1Therfore Abram stiede fro Egipt, he, and his wijf, and alle thingis that he hadde; and Loth stiede with hym, to the south coost.

stylus

Genesis 12:9, Genesis 12:20, Joshua 10:40, Genesis 12:9, Genesis 12:20

2Forsothe he was ful riche in possessyoun of siluer and of gold.

stylus

Genesis 24:35, Psalms 112:1, Psalms 112:3, Genesis 24:35, Psalms 112:1

3And he turnede ayen bi the weye in which he cam fro the south in to Bethel, `til to the place, in which bifore he hadde sett tabernacle, bitwixe Bethel and Hay,

stylus

Genesis 12:6, Genesis 12:8, Genesis 12:9, Genesis 12:6, Genesis 12:8

4in the place of the auter which he made bifore, and inwardli clepide there the name of the Lord.

stylus

Jeremiah 29:12, Genesis 12:7, Genesis 12:8, Jeremiah 29:12, Genesis 12:7

5But also flockis of scheep, and droues of oxun, and tabernaclis weren to Loth, that was with Abram;

stylus

Jeremiah 49:29, Genesis 25:27, Genesis 4:20, Jeremiah 49:29, Genesis 25:27

6and the lond miyte not take hem, that thei schulden dwelle togidre, for the catel of hem was myche, and thei miyten not dwelle in comyn.

stylus

Genesis 36:6, Genesis 36:7, Genesis 36:6, Genesis 36:7, 1 Timothy 6:9

7Wherfor also strijf was maad bitwixe the keperis of flockis of Abram and of Loth. Forsothe Chananei and Feresei dwelliden in that lond in that tyme.

stylus

Genesis 26:20, Genesis 26:20, Genesis 12:6, Genesis 12:6, James 3:16

8Therfor Abram seide to Loth, Y biseche, that no strijf be bitwixe me and thee, and bitwixe my scheepherdis and thi scheepherdis; for we ben britheren.

stylus

1 Corinthians 6:6, 1 Corinthians 6:7, 1 Corinthians 6:6, 1 Corinthians 6:7, Acts 7:26

9Lo! al the lond is bifore thee, Y biseche, departe thou fro me; if thou go to the left side, Y schal holde the riyt side; if thou chese the riyt side, Y schal go to the left side.

stylus

1 Peter 3:8, 1 Peter 3:12, Hebrews 12:14, Genesis 34:10, Genesis 20:15

10And so Loth reiside hise iyen, and seiy aboute al the cuntrei of Jordan, which was al moistid, bifor that the Lord distriede Sodom and Gomorre, as paradis of the Lord, and as Egipt, as men comen in to Segor.

stylus

Deuteronomy 34:3, Deuteronomy 34:3, Isaiah 51:3, Genesis 14:8, Isaiah 51:3

11And Loth chees to him the cuntre aboute Jordan, and departide fro the eest; and thei weren departid ech fro his brother.

stylus

Genesis 13:9, Genesis 13:9, Psalms 119:63, Hebrews 10:25, 1 Peter 2:17

12Abram dwellide in the lond of Chanaan; sotheli Loth dwellide in townes aboute Jordan, and wonide in Sodom.

stylus

Genesis 19:29, Genesis 19:29, Genesis 14:12, Genesis 19:1, Genesis 14:12

13Forsothe men of Sodom weren ful wickid, and synneris greetly bifore the Lord.

stylus

2 Peter 2:10, 2 Peter 2:10, 2 Peter 2:6, 2 Peter 2:8, Jude 1:7

14And the Lord seide to Abram, aftir that Loth was departid fro him, Reise thin iyen forth riyt, and se fro the place in which thou art now, to the north and south, to the eest and west;

stylus

Isaiah 49:18, Deuteronomy 3:27, Isaiah 49:18, Deuteronomy 3:27, Genesis 28:14

15Y schal yyue al the lond which thou seest to thee and to thi seed, til in to with outen ende.

stylus

2 Chronicles 20:7, 2 Chronicles 20:7, Genesis 15:18, Genesis 12:7, Genesis 35:12

16And Y schal make thi seed as the dust of erthe; if ony man may noumbre the dust of erthe, also he schal mowe noumbre thi seed.

stylus

Genesis 28:14, Numbers 23:10, Genesis 28:14, Numbers 23:10, Genesis 32:12

17Therfor rise thou, and passe thorou the lond in his lengthe and breede, for Y schal yyue it to thee.

stylus

Genesis 13:15, Genesis 13:15, Numbers 13:17, Numbers 13:24, Numbers 13:17

18Therfor Abram, mouynge his tabernacle, cam and dwellide bisidis the valei of Mambre, which is in Ebron; and he bildide there an auter to the Lord.

stylus

Genesis 18:1, Genesis 14:13, Genesis 35:27, Genesis 8:20, Genesis 18:1