1Forsothe after that these thingis weren fillid, the princes neiyeden to me, and seiden, The puple of Israel, and the prestis, and dekenes, ben not depertid fro the `puplis of londis, and fro abhominaciouns of hem, that is, of Cananei, of Ethei, and of Pheresei, and of Jebusei, and of Amonytis, and of Moabitis, and of Egipcians, and of Ammorreis.

stylus

Leviticus 18:24, Leviticus 18:30, Leviticus 18:24, Leviticus 18:30, Nehemiah 9:2

2For thei han take `of her douytris wyues to hem silf, and to her sones, and thei han medlid hooli seed with the puplis of londis; also the hond of princes and of magistratis was the firste in this trespassyng.

stylus

Nehemiah 13:23, Nehemiah 13:24, Nehemiah 13:23, Nehemiah 13:24, Exodus 34:16

3And whanne Y hadde herd this word, Y torente my mentil and coote, and Y pullide awei the heeris of myn heed and berd, and Y sat morenynge.

stylus

Nehemiah 1:4, Nehemiah 1:4, Joshua 7:6, Joshua 7:6, Daniel 4:19

4Forsothe alle that dredden the word of God of Israel camen togidere to me, for the trespassyng of hem that weren comun fro caitifte; and Y sat sori `til to the sacrifice of euentid.

stylus

Ezra 10:3, Ezra 10:3, Isaiah 66:2, Isaiah 66:2, Exodus 29:39

5And in the sacrifice of euentid Y roos fro myn afflicioun, and aftir that Y to-rente the mentil and coote, Y bowide my knees, and I spredde abrood myn hondis to `my Lord God,

stylus

1 Kings 8:38, 1 Kings 8:22, 1 Kings 8:54, 1 Kings 8:38, 1 Kings 8:22

6and Y seide, My God, Y am confoundid and aschamed to reise my face to thee, for oure wickidnessis ben multiplied `on myn heed, and oure trespassis encreessiden `til to heuene,

stylus

Revelation 18:5, Revelation 18:5, Psalms 38:4, Psalms 38:4, 2 Chronicles 28:9

7fro the daies of oure fadris; but also we vs silf han synned greuousli `til to this dai, and for our wickidnessis we, and oure kyngis, and oure prestis ben bitakun in the hondis of kyngis of londis, bothe in to swerd, and in to caitifte, in to raueyn, and in to schenship of cheer, as also in this dai.

stylus

2 Chronicles 29:6, 2 Chronicles 29:6, Daniel 9:5, Daniel 9:8, Daniel 9:5

8And now as at a litil and at a moment oure preier is maad anentis `oure Lord God, that relikis schulden be left to vs, and that `his pees schulde be youun in his hooli place, and that oure God schulde liytne oure iyen, and yyue to vs a litil lijf in oure seruage.

stylus

Psalms 13:3, Psalms 13:3, Romans 11:5, Romans 11:6, Romans 11:5

9For we ben seruauntis, and oure God forsoke vs not in oure seruage; and he bowide merci on vs bifor the king of Persis, that he schulde yyue lijf to vs, and enhaunse the hows of oure God, and that he schulde bilde the wildernessis therof, and yyue to vs hope in Juda and in Jerusalem.

stylus

Ezra 7:6, Psalms 136:23, Psalms 136:24, Ezra 7:6, Psalms 136:23

10And now, `oure Lord God, what schulen we seie after these thingis? For we han forsake thi comaundementis,

stylus

Genesis 44:16, Daniel 9:4, Daniel 9:16, Lamentations 3:22, Romans 3:19

11whiche thou comaundidist in the hond of thi seruauntis profetis, and seidist, The lond, to which ye schulen entre, to holde it in possessioun, is an vnclene lond, bi the vnclennesse of puplis, and of othere londis, in the abhomynaciouns of hem, that filliden it with her defoulyng, fro the mouth `til to the mouth.

stylus

Leviticus 18:24, Leviticus 18:30, Leviticus 18:24, Leviticus 18:30, Ezra 6:21

12Now therfor yiue ye not youre douytris to her sones, and take ye not her douytris to youre sones; and seke ye not the pees of hem and the prosperite `of hem `til in to with outen ende; that ye be coumfortid, and ete the goodis, that ben of the lond, and that ye haue eiris, youre sones, `til in to `the world.

stylus

Deuteronomy 7:3, Deuteronomy 7:3, Deuteronomy 23:6, Deuteronomy 23:6, Joshua 23:12

13And after alle thingis that camen on vs in oure werste werkis, and in oure grete trespas, for thou, oure God, hast delyuered vs fro oure wickidnesse, and hast youe helthe to vs,

stylus

Psalms 103:10, Psalms 103:10, Lamentations 3:22, Lamentations 3:22, Lamentations 3:39

14as `it is to dai, that we schulden not be turned, and make voide thi comaundementis, and that we schulden not ioyne matrimonyes with the puplis of these abhomynacouns. Whether thou art wrooth to vs `til to the endyng, that thou schuldist not leeue to us remenauntis, and helthe?

stylus

Deuteronomy 9:8, Deuteronomy 9:8, Ezra 9:2, Deuteronomy 9:14, Ezra 9:2

15Lord God of Israel, thou art iust; for we ben left, that schulden be sauyd as in this day, lo! we ben bifor thee in oure synne; for me may `not stonde bifor thee on this thing.

stylus

Psalms 130:3, Psalms 130:3, John 8:24, John 8:24, Romans 3:19