1Therfor Beseleel, and Ooliab, and ech wijs man, to whiche the Lord yaf wisdom and vndurstondyng, that thei kouden worche crafteli, maden thingis that weren nedeful in to vsis of seyntuarie, and whiche the Lord comaundide to be maad.

stylus

Exodus 28:3, Exodus 28:3, Exodus 31:1, Exodus 31:6, Exodus 35:30

2And whanne Moises hadde clepid hem, and ech lerned man, to whom the Lord hadde youe wisdom and kunnyng, and whiche profriden hem bi her wille to make werk,

stylus

Hebrews 5:4, Colossians 4:17, Exodus 31:6, Hebrews 5:4, Colossians 4:17

3he bitook to hem alle the yiftis of the sones of Israel. And whanne thei weren bisi in the werk ech dai, the puple offride auowis eerli.

stylus

Exodus 35:29, Exodus 35:29, Psalms 5:3, Isaiah 50:4, Exodus 35:5

4Wherfor the werkmen weren compellid to come,

stylus

2 Chronicles 24:13, 1 Corinthians 3:10, Luke 12:42, Matthew 24:45, 2 Chronicles 24:13

5and thei seiden to Moises, The puple offrith more than is nedeful.

stylus

2 Corinthians 8:2, 2 Corinthians 8:3, 2 Chronicles 31:6, 2 Chronicles 31:10, 2 Corinthians 8:2

6Therfor Moises comaundide to be cried bi the vois of a criere, Nether man nether womman offre more ony thing in the werk of seyntuarie; and so it was ceessid fro yiftis to be offrid, for the thingis offrid sufficiden,

stylus

7and weren ouer abundant.

stylus

2 Chronicles 31:10, 2 Chronicles 31:10

8And alle wise men in herte to fille the werk of the tabernacle maden ten curteyns of bijs foldid ayen, and of iacynct, and purpur, and of reed selk twies died, bi dyuerse werk, and bi the craft of many colouris.

stylus

Ezekiel 1:5, Ezekiel 1:28, 1 Chronicles 15:1, Exodus 31:6, Ezekiel 10:1

9Of whiche curteyns oon hadde in lengthe eiyte and twenti cubitis, and foure cubitis in breede; o mesure was of alle curteyns.

stylus

10And he ioynede fyue curteyns oon to anothir, and he couplide othere fyue to hem silf to gidere;

stylus

Ephesians 1:23, Ephesians 4:2, Ephesians 4:6, Ephesians 2:21, Ephesians 2:22

11and he made handlis of iacynt in the hemme of o curteyn on euer either side,

stylus

Exodus 26:4, Exodus 26:4

12and in lijk maner in the hemme of the tother curteyn, that the handlis schulen comen to gidere ayens hem silf, and schulen be ioyned togider;

stylus

Exodus 26:5, Exodus 26:5, Exodus 26:10, Exodus 26:10

13wherfor he yettide also fifti goldun serclis, that schulen `bite the handlis of curteyns; and o tabernacle was maad.

stylus

1 Corinthians 12:20, Ephesians 2:20, Ephesians 2:22, 1 Peter 2:4, 1 Peter 2:5

14`He made also enleuene saies of the heeris of geet, to hile the roof of the tabernacle;

stylus

Exodus 26:7, Exodus 26:13, Exodus 26:7, Exodus 26:13

15o saie hadde thretti cubitis in lengthe, foure cubitis in breede; alle the saies weren of o mesure;

stylus

16of whiche saies he ioynede fyue bi hem silf, and sixe othere bi hem silf.

stylus

17And he made fifti handlis in the hemme of o say, and fifti in the hemme of the tother say, that tho schulden be ioyned to hem silf to gidere; and he made fifti bokelis of bras bi whiche

stylus

18the roof was fastned to gidere, that oon hilyng were maad of alle the saies.

stylus

19He made also an hilyng of the tabernacle of the skynnes of rammes maad reed, and another veil aboue of skynnes of iacynt.

stylus

Exodus 26:14, Exodus 26:14

20He made also stondynge tablis of the tabernacle of the trees of Sechym;

stylus

Exodus 25:5, Exodus 25:5, Exodus 25:10, Exodus 26:15, Exodus 26:29

21the lengthe of o table was of ten cubitis, and the breede helde o cubit and an half.

stylus

22Twey dentyngis weren bi ech table, that the oon schulde be ioyned to the tother; so he made in al the tablis of the tabernacle.

stylus

23Of whiche tablis twenti weren at the mydday coost ayens the south,

stylus

24with fourti foundementis of siluer; twey foundementis weren set vndur o table on euer either side of the corneris, where the dentyngis of the sidis weren endid in the corneris.

stylus

25And at the coost of the tabernacle that biholdith to the north he made twenti tablis,

stylus

26with fourti foundementis of siluer, twei foundementis bi ech table.

stylus

27Forsothe ayens the west he made sixe tablis,

stylus

Exodus 26:27, Exodus 26:22, Exodus 26:27, Exodus 26:22

28and tweyne othere tablis bi ech corner of the tabernacle bihinde,

stylus

29whiche weren ioyned fro bynethe til to aboue, and weren borun in to o ioynyng to gidere; so he made on euer either part bi the corneris,

stylus

Psalms 122:3, Ephesians 4:15, Ephesians 4:16, Ephesians 2:15, Acts 2:46

30that tho weren eiyte tablis to gidere, and hadden sixtene foundementis of siluer, that is, twei foundementis vndur ech table.

stylus

Exodus 26:25, Exodus 26:25

31He made also barris of the trees of Sechym, fyue barris to holde to gidere the tablis of o side of the tabernacle,

stylus

Exodus 26:26, Exodus 26:29, Exodus 26:26, Exodus 26:29, Exodus 25:28

32and fyue othere barris to schappe to gidere the tablis of the tother side; and without these, he made fyue othere barris at the west coost of the tabernacle ayens the see.

stylus

Exodus 26:26, Exodus 26:26

33He made also another barre, that schulde come bi the myddil tables fro corner til to corner.

stylus

34Forsothe he ouergildide tho wallis of tablis, and yetide the siluerne foundementis `of tho, and he made the goldun serclis `of tho, bi whiche the barris myyten be brouyt in, and be hilide the same barris with goldun platis.

stylus

35He made also a veil dyuerse and departid, of iacynt, and purpur, and reed selk, and bijs foldid ayen bi werk of broiderie.

stylus

Matthew 27:51, Matthew 27:51, Hebrews 10:20, Exodus 30:6, Exodus 26:31

36He made also foure pileris of `the trees of Sechym, whyche pileris with the heedis he ouergildide, and yetide the siluerne foundementis `of tho.

stylus

Jeremiah 1:18, Jeremiah 1:18

37He made also in the entryng of the tabernacle a tent of iacynt, and purpur, and reed selk `and bijs foldid ayen bi the werk of a broydreie.

stylus

Exodus 40:28, Exodus 26:36, Exodus 26:37, Exodus 40:28, Exodus 26:36

38And he made fyue pileris with her heedis, whiche he hilide with gold, and he yetide the brasun foundementis `of tho, whiche he hilide with gold.

stylus

Exodus 27:10, Exodus 27:10