1And aftirward God seide, Hewe to thee twey tablis of stoon at the licnesse of the formere, and Y schal write on tho tablis thilke wordis, whiche the tablis, that thou `hast broke, hadden.

stylus

Exodus 32:19, Exodus 32:19, Psalms 119:89, Exodus 31:18, Deuteronomy 10:1

2Be thou redi in the morewtid, that thou stie anoon in to the hil of Synai; and thou schalt stonde with me on the cop of the hil;

stylus

Exodus 19:20, Exodus 19:20, Deuteronomy 9:25, Exodus 19:11, Deuteronomy 9:25

3no man stie with thee, nether ony man be seyn bi al the hil, and oxun and scheep be not fed ayens `the hil.

stylus

Exodus 19:12, Exodus 19:13, Exodus 19:12, Exodus 19:13, Exodus 19:21

4Therfor Moises hewide twey tablis of stoon, whiche manere tablis weren bifore, and he roos bi nyyt, and stiede in to the hil of Synay, as the Lord comaundide to hym; and he bar with hym the tablis.

stylus

5And whanne the Lord hadde come doun bi a cloude, Moises stood with hym, and clepide inwardli `the name of the Lord;

stylus

Exodus 33:19, Exodus 33:19, Luke 9:34, Luke 9:35, Luke 9:34

6and whanne the Lord passide bifore hym, he seide, Lordschipere, Lord God, mercyful, and pitouse, pacient, and of myche mersiful doyng, and sothefast,

stylus

Psalms 86:15, Psalms 86:15, Joel 2:13, Joel 2:13, Psalms 103:8

7which kepist couenaunt and mercy in to `a thousande, which doist awey wickidnesse, and trespassis, and synnes, and noon bi hym silf is innocent anentis thee, which yeldist the wickidnesse of fadris to sones and to sones of sones, into the thridde and fourthe generacioun.

stylus

Exodus 20:5, Exodus 20:6, Exodus 20:5, Exodus 20:6, Psalms 103:3

8And hastili Moises was bowid low `in to erthe, and worschipide,

stylus

Exodus 4:31, Exodus 4:31, 2 Chronicles 20:18, Genesis 17:3, 2 Chronicles 20:18

9and seide, Lord, if Y haue founde grace in thi siyt, Y biseche that thou go with vs, for the puple is of hard nol, and that thou do awey oure wickidnesses and synnes, and welde vs.

stylus

Psalms 33:12, Psalms 33:12, Deuteronomy 32:9, Psalms 94:14, Deuteronomy 32:9

10The Lord answeride, Y schal make couenaunt, and in siyt of alle men Y schal make signes, that weren neuer seyn on erthe, nether in ony folkis, that this puple, in whos myddis thou art, se the ferdful werk of the Lord, which Y schal make.

stylus

Deuteronomy 10:21, Deuteronomy 10:21, Psalms 77:14, Psalms 77:14, Isaiah 64:3

11Kepe thou alle thingis, whiche Y comaundide to thee to dai; I my silf schal caste out bifor thi face Amorrey, and Cananey, and Ethei, and Ferezei, and Euey, and Jebusei.

stylus

Exodus 33:2, Exodus 3:17, Exodus 33:2, Exodus 3:17, Deuteronomy 6:25

12Be war, lest ony tyme thou ioyne frendschipis with the dwelleris of that lond, whiche frenschipis be in to fallyng to thee.

stylus

Exodus 23:32, Exodus 23:33, Exodus 23:32, Exodus 23:33, Joshua 23:12

13But also distrie thou `the auteris of hem, breke the ymagis, and kitte doun the woodis;

stylus

2 Kings 18:4, 2 Kings 18:4, Exodus 23:24, Exodus 23:24, Deuteronomy 16:21

14`nyl thou worschipe an alien God; `the Lord a gelous louyere is his name, God is a feruent louyere;

stylus

Deuteronomy 4:24, Deuteronomy 4:24, Deuteronomy 32:21, Deuteronomy 32:21, 1 Corinthians 10:22

15make thou not couenaunt with the men of tho cuntreis, lest whanne thei han do fornycacioun with her goddis, and han worschipid the symylacris of hem, ony man clepe thee, that thou ete of thingis offrid to an ydol.

stylus

Judges 2:17, Judges 2:17, Psalms 106:28, 1 Corinthians 8:4, Numbers 25:2

16Nether thou schalt take a wyif of her douytris to thi sones, lest aftir that tho douytris han do fornycacioun, thei make also thi sones to do fornicacioun in to her goddis.

stylus

Ezra 9:2, Deuteronomy 7:3, Deuteronomy 7:4, 1 Kings 11:2, 1 Kings 11:4

17Thou schalt not make to thee yotun goddis.

stylus

Leviticus 19:4, Leviticus 19:4, Exodus 32:8, Exodus 32:8, Isaiah 46:6

18Thou schalt kepe the solempynyte of therf looues; seuene daies thou schalt ete therf looues, as Y comaundide to thee, in the time of the monethe of newe fruytis; for in the monethe of veer tyme thou yedist out of Egipt.

stylus

Leviticus 23:6, Exodus 13:4, Leviticus 23:6, Exodus 13:4, Deuteronomy 16:1

19Al thing of male kynde that openeth the wombe schal be myn, of alle lyuynge beestis, as wel of oxun, as of scheep, it schal be myn.

stylus

Exodus 13:2, Exodus 13:2, Exodus 22:29, Exodus 22:29, Exodus 13:12

20Thou schalt ayenbie with a scheep the firste gendrid of an asse, ellis if thou yyuest not prijs therfor, it schal be slayn. Thou schalt ayenbie the firste gendrid of thi sones; nether thou schalt appere voide in my siyt.

stylus

Deuteronomy 16:16, Exodus 23:15, Exodus 13:13, Deuteronomy 16:16, Exodus 23:15

21Sixe daies thou schalt worche, the seuenthe day thou schalt ceesse to ere and repe.

stylus

Exodus 23:12, Exodus 23:12, Luke 13:14, 1 Samuel 8:12, Exodus 35:2

22Thou schalt make to thee the solempnyte of woukis in the firste thingis of fruytis of thi ripe corn of wheete, and the solempnyte, whanne alle thingis ben gadrid in to bernes, whanne the tyme `of yeer cometh ayen.

stylus

Exodus 23:16, Exodus 23:16, Deuteronomy 16:10, Deuteronomy 16:15, Deuteronomy 16:10

23Ech male kynde of thee schal appere in thre tymes of the yeer in the siyt of the Lord Almyyti, thi God of Israel.

stylus

Exodus 23:14, Exodus 23:14, Deuteronomy 16:16, Exodus 23:17, Deuteronomy 16:16

24For whanne Y schal take awei folkis fro thi face, and Y schal alarge thi termes, noon schal sette tresouns to thi lond, while thou stiest and apperist in the siyt of thi Lord God, thries in the yeer.

stylus

Psalms 78:55, Psalms 78:55, Exodus 33:2, Exodus 33:2, Acts 18:10

25Thou schalt not offre on sour dow the blood of my sacrifice, nethir ony thing of the slayn sacrifice of the solempnyte of fase schal abide in the morewtid.

stylus

Exodus 23:18, Exodus 23:18, Exodus 12:10, Exodus 12:10, Leviticus 7:15

26Thou schalt offre in the hows of thi Lord God the firste of the fruytis of thi lond. Thou schalt not sethe a kide in the mylk of his modir.

stylus

Exodus 23:19, Exodus 23:19, Deuteronomy 14:21, Deuteronomy 14:21, Deuteronomy 26:2

27And the Lord seide to Moises, Write thou these wordis, bi whiche Y smoot a boond of pees, bothe with thee and with Israel.

stylus

Exodus 24:4, Exodus 24:4, Deuteronomy 31:9, Deuteronomy 31:9, Exodus 17:14

28Therfor Moises was there with the Lord bi fourti daies and bi fourti nyytis, he eet not breed, and drank not watir; and he wroot in tablys ten wordis of the boond of pees.

stylus

Exodus 34:1, Exodus 34:1, Exodus 24:18, Deuteronomy 4:13, Exodus 24:18

29And whanne Moises cam doun fro the hil of Synai, he helde twei tablis of witnessyng, and he wiste not that his face was horned of the felouschipe of Goddis word.

stylus

Matthew 17:2, Matthew 17:2, Exodus 32:15, Luke 9:29, Exodus 32:15

30Forsothe Aaron and the sones of Israel sien Moises face horned,

stylus

Mark 9:3, Mark 9:3, Luke 5:8, Luke 5:8, Mark 9:15

31and thei dredden to neiye niy, and thei weren clepid of hym, `and thei turneden ayen, as wel Aaron as the princis of the synagoge; and after that Moises spak, thei camen to hym,

stylus

Exodus 3:15, Exodus 3:15, Exodus 24:1, Exodus 24:3, Exodus 24:1

32yhe alle the sones of Israel; to whiche Moises comaundide alle thingis, whiche he hadde herd of the Lord in the hil of Synai.

stylus

1 Corinthians 15:3, Matthew 28:20, Numbers 15:40, 1 Kings 22:14, Exodus 24:3

33And whanne the wordis weren fillid, he puttide a veil on his face;

stylus

2 Corinthians 4:4, 2 Corinthians 4:6, 2 Corinthians 4:4, 2 Corinthians 4:6, 2 Corinthians 3:13

34and he entride to the Lord, and spak with hym, and dide awey that veil, til he yede out; and thanne he spak to the sones of Israel alle thingis, that weren comaundid to hym;

stylus

2 Corinthians 3:16, 2 Corinthians 3:16, Hebrews 10:19, Hebrews 10:22, Hebrews 4:16

35whiche sien that the face of Moyses goynge out was horned, but eft he hilide his face, if ony tyme he spak to hem.

stylus

Exodus 34:29, Exodus 34:30, Exodus 34:29, Exodus 34:30, Ecclesiastes 8:1