1Forsothe Moises kepte the scheep of Jetro, `his wyues fadir, preest of Madian; and whanne he hadde dryue the floc to the ynnere partis of deseert, he cam to Oreb, the hil of God.

stylus

1 Kings 19:8, 1 Kings 19:8, Exodus 17:6, Exodus 17:6, Psalms 78:70

2Forsothe the Lord apperide to hym in the flawme of fier fro the myddis of the buysch, and he seiy that the buysch brente, and was not forbrent.

stylus

Acts 7:30, Acts 7:35, Acts 7:30, Acts 7:35, Isaiah 43:2

3Therfor Moyses seide, Y schal go and schal se this greet siyt, whi the buysch is not forbrent.

stylus

Acts 7:31, Acts 7:31, Job 37:14, Psalms 107:8, Job 37:14

4Sotheli the Lord seiy that Moises yede to se, and he clepide Moises fro the myddis of the buysch, and seide, Moyses! Moises! Which answeride, Y am present.

stylus

Deuteronomy 33:16, Deuteronomy 33:16, 1 Samuel 3:4, Genesis 22:1, Acts 9:4

5And the Lord seide, Neiye thou not hidur, but vnbynde thou the scho of thi feet, for the place in which thou stondist is hooli lond.

stylus

Joshua 5:15, Joshua 5:15, Acts 7:33, Exodus 19:12, Acts 7:33

6And the Lord seide, Y am God of thi fadir, God of Abraham, and God of Isaac, and God of Jacob. Moises hidde his face, for he durste not biholde ayens God.

stylus

Luke 20:37, Luke 20:37, Matthew 22:32, Matthew 22:32, Mark 12:26

7To whom the Lord seide, Y seiy the affliccion of my puple in Egipt, and Y herde the cry therof, for the hardnesse of hem that ben souereyns of werkis.

stylus

Psalms 145:19, Psalms 145:19, Psalms 106:44, Psalms 106:44, Exodus 2:23

8And Y knew the sorewe of the puple, and Y cam down to delyuere it fro the hondis of Egipcians, and lede out of that lond in to a good lond and brood, into a lond that flowith with milk and hony, to the places of Cananey, and of Ethei, of Amorrey, and of Feresei, of Euey, and of Jebusei.

stylus

Genesis 50:24, Genesis 50:24, Exodus 3:17, Exodus 3:17, Genesis 15:18

9Therfor the cry of the sones of Israel cam to me, and Y seiy the turment of hem, bi which thei ben oppressid of Egipcians.

stylus

Proverbs 22:22, Proverbs 22:23, Proverbs 22:22, Proverbs 22:23, Exodus 2:23

10But come thou, I schal sende thee to Farao, that thou lede out my puple, the sones of Israel, fro Egipt.

stylus

Micah 6:4, Micah 6:4, 1 Samuel 12:6, Isaiah 63:11, Isaiah 63:12

11And Moises seide to hym, Who am Y, that Y go to Farao, and lede out the sones of Israel fro Egipt?

stylus

1 Samuel 18:18, 1 Samuel 18:18, Exodus 6:12, 2 Corinthians 3:5, Exodus 6:12

12And the Lord seide to Moises, Y schal be with thee, and thou schalt haue this signe, that Y haue sent thee, whanne thou hast led out my puple fro Egipt, thou schalt offre to God on this hil.

stylus

Joshua 1:5, Joshua 1:5, Romans 8:31, Romans 8:31, Deuteronomy 31:23

13Moises seide to God, Lo! Y schal go to the sones of Israel, and Y schal seie to hem, God of youre fadris sente me to you; if thei schulen seie to me, what is his name, what schal Y seie to hem?

stylus

Isaiah 9:6, Isaiah 9:6, Exodus 3:14, Genesis 32:29, Isaiah 7:14

14The Lord seide to Moises, Y am that am. The Lord seide, Thus thou schalt seie to the sones of Israel, He that is sente me to you.

stylus

Hebrews 13:8, Hebrews 13:8, John 8:58, John 8:58, Revelation 1:8

15And eft God seide to Moises, Thou schalt seie these thingis to the sones of Israel, The Lord God of youre fadris, God of Abraham, and God of Isaac, and God of Jacob, sente me to you; this name is to me with outen ende , and this is my memorial in generacioun and in to generacioun.

stylus

Genesis 17:7, Genesis 17:8, Genesis 17:7, Genesis 17:8, Hebrews 13:8

16Go thou, gadere thou the eldere men, that is, iugis, of Israel, and thou schalt seie to hem, The Lord God of youre fadris apperide to me, God of Abraham, and God of Ysaac, and God of Jacob, and seide, Y visitynge haue visitid you, and Y seiy alle thingis that bifelden to you in Egipt;

stylus

Exodus 4:29, Psalms 8:4, Exodus 4:31, Exodus 4:29, Psalms 8:4

17and Y seide, that Y lede out you fro the affliccioun of Egipt in to the lond of Cananey, and of Ethei, and of Amorrei, and of Ferezei and of Euei, and of Jebusei, to the lond flowynge with mylk and hony.

stylus

Genesis 50:24, Genesis 15:13, Genesis 15:21, Genesis 50:24, Genesis 15:13

18And thei schulen here thi vois; and thou schalt entre, and the eldere men of Israel to the kyng of Egipt, and thou schalt seie to hym, The Lord God of Ebrews clepide vs; we schulen go the weie of thre daies in to wildirnesse, that we offre to oure Lord God.

stylus

Exodus 9:1, Exodus 9:1, Exodus 7:16, Exodus 7:16, Exodus 10:24

19But Y woot, that the kyng of Egipt schal not delyuere you that ye go, but bi strong hond;

stylus

Exodus 5:2, Exodus 6:1, Exodus 5:2, Exodus 6:1, Exodus 7:1

20for Y schal holde forthe myn hond, and I schal smyte Egipt in alle my marueils, whiche Y schal do in the myddis of hem; aftir these thingis he schal delyuere you.

stylus

Acts 7:36, Acts 7:36, Nehemiah 9:10, Exodus 9:15, Deuteronomy 6:22

21And Y schal yyue grace to this puple bifore Egipcians, and whanne ye schulen go out, ye schulen not go out voide;

stylus

Exodus 12:36, Exodus 12:36, Psalms 105:37, Psalms 105:37, Exodus 11:3

22but a womman schal axe of hir neiyboresse and of her hoosteesse siluerne vesselis, and goldun, and clothis, and ye schulen putte tho on youre sones and douytris, and ye schulen make nakid Egipt.

stylus

Ezekiel 39:10, Ezekiel 39:10, Psalms 105:37, Exodus 11:2, Psalms 105:37