1Also applie thou to thee Aaron, thi brother, with hise sones, fro the myddis of the sones of Israel, that Aaron, Nadab, and Abyu, Eleazar, and Ythamar, be set in preesthod to me.

stylus

Numbers 18:7, Numbers 18:7, Hebrews 5:1, Hebrews 5:5, Hebrews 5:1

2And thou schalt make an hooli clooth to Aaron, thi brother, in to glorie and fairenesse.

stylus

Exodus 31:10, Leviticus 8:30, Exodus 31:10, Leviticus 8:30, Revelation 19:8

3And thou schalt speke to alle wise men in herte, whiche Y haue fillid with the spirit of prudence, that thei make clothis to Aaron, in whiche he schal be halewid, and schal mynystre to me.

stylus

Ephesians 1:17, Ephesians 1:17, 1 Corinthians 12:7, 1 Corinthians 12:11, 1 Corinthians 12:7

4Forsothe these schulen be the clothis, whiche thei schulen make; `thei schulen make racional, and a clooth on the schuldris, a coote, and a streyt lynnun clooth, a mytre, and a girdil; hooli cloothis to Aaron, thi brother, and to hise sones, that thei be set in preesthod to me.

stylus

Ephesians 6:14, Revelation 9:17, Ephesians 6:14, Revelation 9:17, 1 Thessalonians 5:8

5And thei schulen take gold, and iacynt, and purpur, and `reed selk twies died, and bijs;

stylus

Exodus 39:2, Exodus 39:3, Exodus 25:3, Exodus 25:4, Exodus 39:2

6forsothe thei schulen make the clooth on the schuldris of gold, and of iacynt, and purpur, and of `reed selk twies died, and of bijs foldid ayen, bi broyderi werk of dyuerse colours.

stylus

Exodus 39:2, Exodus 39:7, Exodus 26:1, Exodus 39:2, Exodus 39:7

7It schal haue twey hemmes ioyned in euer either side of hiynessis, that tho go ayen in to oon.

stylus

Exodus 39:4, Exodus 39:4

8Thilke weuyng, and al dyuersite of the werk schal be of gold, and iacynt, and purpur, and of `reed selk twies died, and bijs foldis ayen.

stylus

Leviticus 8:7, Exodus 28:27, Exodus 28:28, Exodus 29:5, Leviticus 8:7

9And thou schalt take twei stoonys of onychym, and thou schalt graue in tho the names of the sones of Israel,

stylus

Ezekiel 28:13, Ezekiel 28:13, Song of Solomon 8:6, Exodus 39:6, Job 28:16

10sixe names in o stoon, and sixe othere in the tother stoon, bi the ordre of her birthe;

stylus

Exodus 1:1, Exodus 1:4, Genesis 43:33, Exodus 1:1, Exodus 1:4

11bi the werk of a grauere, and bi the peyntyng of a man that ourneth with gemmes thou schalt graue tho stoonys, with the names of the sones of Israel; and thou schalt enclose and cumpasse in gold.

stylus

Exodus 28:25, Exodus 28:21, Exodus 39:6, Revelation 7:2, 2 Timothy 2:19

12And thou schalt sette tho stoonus in euer either side of the cloth on the schuldris, a memorial to the sones of Israel; and Aaron schal bere the names of hem bifor the Lord on euer either schuldre, for remembryng.

stylus

Exodus 28:29, Exodus 28:29, Joshua 4:7, Exodus 39:6, Exodus 39:7

13And thou schalt make hookis of gold,

stylus

14and twey litil chaynes of clenneste gold, cleuynge to hem silf togidere, whiche litil chaynes thou schalt sette in the hookis.

stylus

1 Kings 7:17, Exodus 39:15, Exodus 28:22, Exodus 28:25, 2 Chronicles 4:12

15Also thou schalt make the racional of doom by werk of dyuerse colours, bi the weuyng of the cloth on the schuldre, of gold, iacynt, and purpur, of `reed silk twies died, and of bijs foldid ayen.

stylus

Exodus 28:30, Exodus 28:4, Exodus 39:8, Exodus 39:21, Leviticus 8:8

16It schal be foure cornerid, and double; it schal haue the mesure of a pawme of the hond, as wel in lengthe, as in breede.

stylus

17And thou schalt sette ther ynne foure ordris of stoonys; in the firste ordre schal be the stoon sardius, and topazyus, and smaragdus;

stylus

Exodus 39:10, Exodus 39:21, Ezekiel 28:13, Exodus 39:10, Exodus 39:21

18in the secunde ordre schal be charbuncle, safir, and iaspis; in the thridde ordre schal be ligurie,

stylus

Exodus 39:11, Ezekiel 10:1, Ezekiel 27:16, Exodus 24:10, Revelation 4:3

19achates, and ametiste;

stylus

Isaiah 54:12, Exodus 39:12, Isaiah 54:12, Exodus 39:12

20in the fourthe ordre schal be crisolitus, onochyn, and berille; tho schulen be closid in gold, bi her ordris,

stylus

Revelation 21:18, Revelation 21:20, Ezekiel 10:9, Ezekiel 1:16, Daniel 10:6

21and schulen haue the names of the sones of Israel: tho schulen be graven with twelue names; al stonus bi hem silf, with the names of the sones `of Israel bi hem silf, bi twelue lynagis.

stylus

Revelation 7:4, Revelation 7:8, Revelation 21:12, Revelation 7:4, Revelation 7:8

22Thou schalt make in the racional chaynes cleuynge to hem silf togidere of pureste gold,

stylus

23and thou schalt make twei goldun ryngis, whiche thou schalt sette in euer either hiynesse of racional.

stylus

Exodus 25:11, Exodus 25:15, Exodus 25:11, Exodus 25:15

24And thou schalt ioyne the goldun chaynes with the ryngis that ben in the brynkis therof,

stylus

25and thou schalt couple the `last thingis of tho chaynes to twey hookis in euer either side of the `cloth on the schuldur, that biholdith the racional.

stylus

Exodus 39:15, Exodus 39:4, Exodus 28:14, Exodus 39:15, Exodus 39:4

26And thou schalt make twei goldun ryngis, whiche thou schalt sette in the hiynesses of the racional, and in the hemmes of the cloth on the schuldur, that ben euene ayens, and biholden the lattere thingis therof.

stylus

27Also and thou schalt make tweyne othere goldun ryngis, that schulen be set in euer either side of the clooth on the schuldur bynethe, that biholdith ayens the face of the lowere ioynyng, that it may be set couenabli with the `cloth on the schuldre.

stylus

28And the racional be boundun bi hise ryngis with the ryngis of the `cloth on the schuldre, with a lace of iacynt, that the ioyning maad craftili dwelle, and that the racional and `cloth on the schuldre moun not be departid ech fro other.

stylus

Numbers 15:38, Numbers 15:38, Exodus 28:37, Exodus 28:31, Exodus 39:30

29And Aaron schal bere the names of the sones of Israel in the racional of doom on his brest, whanne he entrith in to the seyntuarie, a memorial bifor the Lord with outen ende.

stylus

Exodus 28:12, Exodus 28:12, Exodus 28:30, Exodus 28:30, Jeremiah 30:21

30Forsothe thou schalt sette in the racional of doom, techyng, and treuthe, whiche schulen be in the brest of Aaron, whanne he entrith bifor the Lord, and he schal bere the doom of the sones of Israel in his brest in the siyt of the Lord euere.

stylus

Ezra 2:63, Nehemiah 7:65, Ezra 2:63, Nehemiah 7:65, Numbers 27:21

31And thou schalt make the coote of the `cloth on the schuldre al of iacynt,

stylus

Exodus 28:4, Exodus 28:28, Leviticus 8:7, Exodus 39:22, Exodus 39:26

32in whos myddil aboue schal be an hood, and a wouun hemme `bi cumpas therof, as it is wont to be don in the hemmes of clothis, lest it be brokun liytli.

stylus

Job 41:26, Nehemiah 4:16, John 19:23, John 19:24, 2 Chronicles 26:14

33Forsothe bynethe at the feet of the same coote, bi cumpas, thou schalt make as `piyn applis, of iacynt, and purpur, of `reed selk twies died, and of biis foldid ayen; while smale bellis ben medlid in the myddis,

stylus

1 Kings 7:18, 2 Kings 25:17, Zechariah 14:20, Exodus 39:24, Exodus 39:26

34so that a litil `belle of gold be and a `piyn appil, and eft another litel belle of gold and a `pyn appil.

stylus

John 15:4, John 15:8, John 15:16, Song of Solomon 2:3, Song of Solomon 6:7

35And Aaron schal be clothid with that coote in the office of seruyce, that sown be herd, whanne he entrith in to the seyntuarie, and goith out, in the siyt of the Lord; and that he die not.

stylus

Hebrews 9:12, Hebrews 9:12, Leviticus 16:2, Leviticus 16:2

36And thou schalt make a plate of pureste gold, in which thou schalt graue bi the werk of a grauere, the holi to the Lord .

stylus

Zechariah 14:20, Zechariah 14:20, Leviticus 8:9, Leviticus 8:9, Exodus 39:30

37And thou schalt bynde that plate with a lace of iacynt, and it schal be on the mytre,

stylus

Exodus 28:4, Exodus 29:6, Exodus 28:31, Zechariah 3:5, Exodus 39:30

38and schal neiye the forheed of the bischop. And Aaron schal bere the wickidnessis of hem whiche the sones of Israel `offeriden, and halewiden in alle her yiftis and fre yiftis; forsothe the plate schal euere be in `his forhed, that the Lord be plesid to him.

stylus

1 Peter 2:24, 1 Peter 2:24, Numbers 18:1, Numbers 18:1, Leviticus 10:17

39And thou schalt bynde the coot of biis, and the myter of bijs, and thou schalt make also a girdil, `bi werk of broiderye.

stylus

Psalms 45:14, Psalms 45:14

40Forsothe thou schalt make redi to `the sones of Aaron linnun cootis, and girdlis, and mytris, in to glorie and fairnesse.

stylus

Exodus 39:41, Exodus 39:41, Exodus 28:4, Exodus 28:4, Leviticus 8:13

41And thou schalt clothe Aaron, thi brother, with alle these, and hise sones with hym. And thou schalt sacre the hondis of alle; and thou schalt halewe hem, that thei be set in preesthood to me.

stylus

Exodus 29:7, Exodus 29:7, Exodus 40:15, Leviticus 10:7, Exodus 29:9

42Also thou schalt make lynnun brechis, that thei hile the fleisch of her filthe fro the reynes `til to the hipis.

stylus

Leviticus 16:4, Leviticus 6:10, Ezekiel 44:18, Leviticus 16:4, Leviticus 6:10

43And Aaron and hise sones schulen vse tho, whanne thei schulen entre in to the tabernacle of witnessyng, ether whanne thei neiyen to the auter, that thei mynystren in the seyntuarie, lest thei ben gilti of wickidnesse, and dien; it schal be a lawful thing euerlastynge to Aaron, and to his seed after hym.

stylus

Exodus 27:21, Exodus 27:21, Exodus 20:26, Exodus 20:26, Leviticus 5:17