1In the thridde monethe of the goyng `of Israel out of the lond of Egipt, in this dai thei camen in to the wildirnesse of Synai;

stylus

Exodus 12:6, Exodus 16:1, Exodus 12:6, Exodus 16:1, Leviticus 23:16

2for thei yeden forth fro Rafidym, and camen til in to deseert of Synai, and settiden tentis in the same place; and there Israel settide tentis, euen ayens the hil.

stylus

Exodus 17:1, Exodus 3:1, Exodus 17:1, Exodus 3:1, Exodus 3:12

3Forsothe Moises stiede in to the hil to God; and the Lord clepide hym fro the mount, and seide, Thou schalt seie these thingis to the hows of Jacob, and thou schalt telle to the sones of Israel,

stylus

Exodus 3:4, Exodus 3:4, Acts 7:38, Acts 7:38, Exodus 24:15

4Ye silf han seyn what thingis Y haue do to Egipcians, how Y bar you on the wengis of eglis, and took to me.

stylus

Deuteronomy 32:11, Deuteronomy 32:12, Deuteronomy 32:11, Deuteronomy 32:12, Isaiah 63:9

5Therfor if ye schulen here my vois, and schulen kepe my couenaunt, ye schulen be to me in to a specialte of alle puplis; for al the lond is myn;

stylus

Deuteronomy 14:2, Deuteronomy 14:2, Deuteronomy 7:6, Deuteronomy 7:6, Deuteronomy 26:18

6and ye schulen be to me in to a rewme of preesthod, and `ye schulen be an hooli folk; these ben the wordis whiche thou schalt speke to the sones of Israel.

stylus

Revelation 5:10, Revelation 5:10, 1 Peter 2:9, 1 Peter 2:9, 1 Peter 2:5

7Moyses cam, and whanne the gretter men in birthe of the puple weren clepid to gidere, he expownede alle the wordis whiche the Lord comaundide.

stylus

Exodus 4:29, Exodus 4:30, Exodus 4:29, Exodus 4:30, 1 Corinthians 15:1

8And alle the puple answeride to gidere, We schulen do alle thingis whiche the Lord spak. And whanne Moises hadde teld the wordis of the puple to the Lord,

stylus

Exodus 24:7, Exodus 24:7, Exodus 24:3, Exodus 24:3, Exodus 20:19

9the Lord seide to hym, Riyt now Y schal come to thee in a derknesse of a cloude, that the puple here me spekynge to thee, and bileue to thee withouten ende. Therfor Moises telde the wordis of the puple to the Lord,

stylus

Deuteronomy 4:36, Deuteronomy 4:36, Exodus 19:16, Exodus 24:15, Exodus 24:16

10which seide to Moises, Go thou to the puple, and make hem holi to dai and to morewe , and waische thei her clothis,

stylus

Hebrews 10:22, Hebrews 10:22, Leviticus 11:44, Leviticus 11:45, Leviticus 11:44

11and be thei redi in to the thridde dai; for in the thridde dai the Lord schal come doun bifore al the puple on the hil of Synai.

stylus

Exodus 19:16, Exodus 19:16, Exodus 34:5, Deuteronomy 33:2, Exodus 34:5

12And thou schalt sette termes to the puple, bi cumpas; and thou schalt seie to hem, Be ye war, that ye `stie not in to the hil, nether touche ye the endis therof; ech man that schal touche the hil, schal die bi deeth.

stylus

Hebrews 12:20, Hebrews 12:21, Hebrews 12:20, Hebrews 12:21, Joshua 3:4

13Hondis schulen not touche hym, but he schal be oppressid with stoonus, ethir he shall be persid with dartis; whether it schal be a beest, ethir a man, it schal not lyue; whanne a clarioun schal bigynne to sowne, thanne `stie thei in to the hil.

stylus

Hebrews 12:20, Exodus 19:19, Exodus 19:16, Hebrews 12:20, Exodus 19:19

14And Moises cam doun fro the hil to the puple, and halewide it; and whanne thei hadden waischun her clothis,

stylus

Exodus 19:10, Exodus 19:10

15he seide to hem, Be ye redi in to the thridde dai, neiye ye not to youre wyues.

stylus

Exodus 19:11, 1 Corinthians 7:5, Exodus 19:11, 1 Corinthians 7:5, 1 Samuel 21:4

16And now the thridde day was comun, and the morewetid was cleer; and, lo! thundris bigunnen to be herd, and leitis to schyne, and a moost thicke cloude to hile the mounteyn; and `the sownyng of a clarioun made noise ful greetli, and the puple dredde, that was in the castels.

stylus

Hebrews 12:18, Hebrews 12:19, Hebrews 12:18, Hebrews 12:19, Hebrews 12:21

17And whanne Moises hadde led hem out in to the comyng of God, fro the place of castels, thei stoden at the rootis of the hil.

stylus

Deuteronomy 4:10, Deuteronomy 4:10, Deuteronomy 5:5, Deuteronomy 5:5

18Forsothe al the hil of Synai smokide, for the Lord hadde come doun theronne in fier; and smoke stiede therof as of a furneis, and al the hil was ferdful;

stylus

Judges 5:5, Judges 5:5, Psalms 144:5, Psalms 144:5, Revelation 15:8

19and the `sown of a clarioun encreesside litil and litil, and was holdun forth lengere. Moises spak, and the Lord answeride to hym,

stylus

Psalms 81:7, Psalms 81:7, Exodus 19:16, Exodus 19:16, Nehemiah 9:13

20and the Lord cam doun on the hil of Synay, in thilke cop of the hil, and clepide Moises to the cop therof. And whanne he hadde stied thidur,

stylus

Nehemiah 9:13, Nehemiah 9:13, Exodus 34:4, Exodus 34:2, Exodus 24:12

21the Lord seide to hym, Go thou doun, and witnesse thou to the puple, lest perauenture it wole passe the termes to se the Lord, and ful greet multitude therof perische;

stylus

1 Samuel 6:19, 1 Samuel 6:19, Exodus 3:5, Exodus 3:5, Exodus 3:3

22also preestis, that neiyen to the Lord, be halewid, lest Y smyte hem.

stylus

Exodus 24:5, Exodus 24:5, Exodus 19:14, Exodus 19:15, Acts 5:10

23And Moises seide to the Lord, The comyn puple may not stie in to the hil of Synai; for thou hast witnessid, and hast comaundid, seiyinge, Sette thou termes aboute the hil, and halewe it.

stylus

Exodus 19:12, Exodus 19:12, Joshua 3:4, Joshua 3:5, Joshua 3:4

24To whom the Lord seide, Go thou doun, and thou schalt stie, and Aaron with thee; forsothe the preestis and the puple passe not the termes, nethir stie thei to the Lord, lest perauenture he sle hem.

stylus

Hebrews 4:16, Hebrews 4:16, Hebrews 12:29, Hebrews 12:18, Hebrews 12:25

25Moises yede doun to the puple, and telde alle thingis to hem.

stylus