1Also the Lord spak to Moises, and seide,

stylus

2Halewe thou to me ech firste gendrid thing that openeth the wombe among the sones of Israel, as wel of men as of beestis, for whi alle ben myn.

stylus

Luke 2:23, Luke 2:23, Numbers 3:13, Numbers 3:13, Deuteronomy 15:19

3And Moises seide to the puple, Haue ye mynde of this dai, in which ye yeden out of Egipt, and of the hows of seruage, for in strong hond the Lord ledde you out of this place, that ye ete not breed diyt with sour dow.

stylus

Deuteronomy 24:18, Deuteronomy 24:18, Deuteronomy 5:15, Deuteronomy 5:15, Exodus 20:2

4To dai ye gon out, in the monethe of new fruytis;

stylus

Exodus 34:18, Exodus 34:18, Exodus 23:15, Exodus 23:15, Exodus 12:2

5and whanne the Lord hath led thee in to the lond of Cananey, and of Ethei, and of Amorrei, and of Euei, and of Jebusei, which lond he swoor to thi fadris, that he schulde yyue to thee, a lond flowynge with mylk and hony, thou schalt halowe this custom of holy thingis in this monethe.

stylus

Exodus 3:8, Exodus 3:8, Joshua 24:11, Joshua 24:11, Exodus 6:8

6In seuene daies thou schalt ete therf looues, and the solempnete of the Lord schal be in the seuenthe dai;

stylus

Exodus 12:15, Exodus 12:20, Exodus 12:15, Exodus 12:20, Leviticus 23:8

7ye schulen ete therf looues seuene daies, no thing diyt with sour dow schal appere at thee, nether in alle thi coostis.

stylus

Exodus 12:19, Exodus 12:19, Matthew 16:6, Matthew 16:6

8And thou schalt telle to thi sone in that dai, and schalt seie, This it is that the Lord dide to me, whanne Y yede out of Egipt.

stylus

Exodus 13:14, Exodus 13:14, Exodus 12:26, Exodus 12:27, Psalms 44:1

9And it schal be as a signe in thin hond, and as a memorial before thin iyen, and that the lawe of the Lord be euere in thi mouth; for in a strong hond the Lord ledde thee out of Egipt, and of the hows of seruage.

stylus

Deuteronomy 6:8, Deuteronomy 6:8, Deuteronomy 11:18, Deuteronomy 11:19, Deuteronomy 11:18

10Thou schalt kepe siche a worschipyng in tyme ordeined, `fro daies in to daies.

stylus

Exodus 12:14, Exodus 12:14, Exodus 12:24, Exodus 12:25, Exodus 23:15

11And whanne the Lord hath brouyt thee in to the lond of Cananey, as he swoor to thee, and to thi fadris, and hath youe it to thee,

stylus

Exodus 13:5, Exodus 13:5

12thou schalt departe to the Lord al the thing that openeth the wombe, and that that is the firste in thi beestis; what euer thing thou hast of male kynde, thou schalt halewe to the Lord.

stylus

Numbers 18:15, Numbers 18:15, Leviticus 27:26, Exodus 34:19, Leviticus 27:26

13Thou schalt chaunge the firste gendrid of an asse for a scheep, that if thou ayen biest not, thou schalt sle; forsothe thou schalt ayen bie with prijs al the firste gendrid of man of thi sones.

stylus

Exodus 34:20, Exodus 34:20, Numbers 18:15, Numbers 18:17, Numbers 18:15

14And whanne thi sone schal axe thee to morewe, and seie, What is this? thou schalt answere to hym, In a strong hond the Lord ladde vs out of the lond of Egipt, of the hows of seruage; for whanne Farao was maad hard,

stylus

Joshua 4:6, Exodus 13:3, Joshua 4:6, Exodus 13:3, Deuteronomy 6:20

15and nolde delyuere vs, the Lord killide alle the firste gendrid thing in the lond of Egipt, fro the firste gendrid of man til to the firste gendrid of beestis; therfor Y offre to the Lord al thing of male kynde that openeth the wombe, and Y ayen bie alle the firste gendrid thingis of my sones.

stylus

Exodus 12:29, Exodus 12:29

16Therfor it schal be as a signe in thin hond, and as a thing hangid for mynde bifore thin iyen, for in a strong hond the Lord ledde vs out of Egipt.

stylus

Exodus 13:9, Exodus 13:9, Deuteronomy 6:7, Deuteronomy 6:9, Deuteronomy 11:18

17Therfor whanne Farao hadde sent out the puple, God ledde not hem out bi the weie of `the lond of Filisteis, which is niy; and arettid lest perauenture it wolde repente the puple, if he had seyn batelis rise ayens hym, and `the puple wolde turn ayen in to Egipt;

stylus

Exodus 14:11, Exodus 14:12, Nehemiah 9:17, Exodus 14:11, Exodus 14:12

18but God ledde aboute by the weie of deseert, which weie is bisidis the reed see. And the sones of Israel weren armed, and stieden fro the lond of Egipte.

stylus

Deuteronomy 32:10, Exodus 14:2, Numbers 33:6, Numbers 33:8, Deuteronomy 32:10

19And Moises took the boonus of Joseph with hym, for he hadde chargid the sones of Israel, and hadde seid, God schal visite you, and bere ye out `fro hennus my boonus with you.

stylus

Genesis 50:24, Genesis 50:25, Genesis 50:24, Genesis 50:25, Joshua 24:32

20And thei yeden forth fro Socoth, and settiden tentis in Etham, in the laste endis of wildirnesse.

stylus

Numbers 33:5, Numbers 33:6, Exodus 12:37, Numbers 33:5, Numbers 33:6

21Forsothe the Lord yede bifore hem to schewe the weie, bi dai in a piler of clowde, and bi nyyt in a piler of fier, that he schulde be ledere of the weie in euer either time;

stylus

1 Corinthians 10:1, 1 Corinthians 10:2, 1 Corinthians 10:1, 1 Corinthians 10:2, Nehemiah 9:12

22the piler of clowde failide neuere bi dai, nether the piler of fier bi niyt, bifor the puple.

stylus

Psalms 121:5, Psalms 121:8, Revelation 10:1, Psalms 121:5, Psalms 121:8