Psalmi 64

¹in finem psalmus David *canticum; Hieremiae et Aggei de verbo peregrinationis quando incipiebant proficisci victori carmen David cantici

²te decet hymnus Deus in Sion et tibi reddetur votum in Hierusalem tibi silens laus Deus in Sion et tibi reddetur votum

³exaudi orationem ad te omnis caro veniet exaudi orationem donec ad te omnis caro veniat

⁴verba iniquorum praevaluerunt super nos et impietatibus nostris tu propitiaberis verba iniquitatum praevaluerunt adversum me sceleribus nostris tu propitiaberis

⁵beatus quem elegisti et adsumpsisti inhabitabit in atriis tuis replebimur in bonis domus tuae sanctum est templum tuum beatus quem elegeris et susceperis habitabit enim in atriis tuis replebimur bonis domus tuae sanctificatione templi tui

⁶mirabile in aequitate exaudi nos Deus salutaris noster spes omnium finium terrae et in mari longe terribilis in iustitia exaudi nos Deus salvator noster confidentia omnium finium terrae et maris longinqui

⁷praeparans montes in virtute tua accinctus potentia praeparans montes in virtute tua accinctus fortitudine

⁸qui conturbas profundum maris sonum fluctuum eius turbabuntur gentes conpescens sonitum maris fremitum fluctuum eius et multitudinem gentium

⁹et timebunt qui inhabitant terminos a signis tuis exitus matutini et vespere delectabis et timebunt qui habitant in extremis a signis tuis egressus matutinos et vespere laudantes facies

¹⁰visitasti terram et inebriasti eam multiplicasti locupletare eam flumen Dei repletum est aquis parasti cibum illorum quoniam ita est praeparatio eius visita terram et inriga eam ubertate dita eam rivus Dei plenus aqua praeparabis frumentum eorum quia sic fundasti eam

¹¹rivos eius inebria multiplica genimina eius in stillicidiis eius laetabitur germinans sulcos eius inebria multiplica fruges eius pluviis inriga eam et germini eius benedic

¹²benedices coronae anni benignitatis tuae et campi tui replebuntur ubertate volvetur annus in bonitate tua et vestigia tua rorabunt pinguidine

¹³pinguescent speciosa deserti et exultatione colles accingentur pinguescent pascua deserti et exultatione colles accingentur

¹⁴induti sunt arietes ovium et valles abundabunt frumento clamabunt etenim hymnum dicent vestientur agnis greges et valles plenae erunt frumento coaequabuntur et canent

Psalmi 64

¹In finem. Psalmus David, canticum Jeremiæ et Ezechielis populo transmigrationis, cum inciperent exire.

²Te decet hymnus, Deus, in Sion, et tibi reddetur votum in Jerusalem.

³Exaudi orationem meam ; ad te omnis caro veniet.

⁴Verba iniquorum prævaluerunt super nos, et impietatibus nostris tu propitiaberis.

⁵Beatus quem elegisti et assumpsisti : inhabitabit in atriis tuis. Replebimur in bonis domus tuæ ; sanctum est templum tuum,

⁶mirabile in æquitate. Exaudi nos, Deus, salutaris noster, spes omnium finium terræ, et in mari longe.

⁷Præparans montes in virtute tua, accinctus potentia ;

⁸qui conturbas profundum maris, sonum fluctuum ejus. Turbabuntur gentes,

⁹et timebunt qui habitant terminos a signis tuis ; exitus matutini et vespere delectabis.

¹⁰Visitasti terram, et inebriasti eam ; multiplicasti locupletare eam. Flumen Dei repletum est aquis ; parasti cibum illorum : quoniam ita est præparatio ejus.

¹¹Rivos ejus inebria ; multiplica genimina ejus : in stillicidiis ejus lætabitur germinans.

¹²Benedices coronæ anni benignitatis tuæ, et campi tui replebuntur ubertate.

¹³Pinguescent speciosa deserti, et exsultatione colles accingentur.

¹⁴Induti sunt arietes ovium, et valles abundabunt frumento ; clamabunt, etenim hymnum dicent.