Psalmi 54

¹in finem in carminibus intellectus David victori in psalmis eruditi David

²exaudi Deus orationem meam et ne despexeris deprecationem meam exaudi Deus orationem meam et ne dispicias deprecationem meam

³intende mihi et exaudi me contristatus sum in exercitatione mea et conturbatus sum adtende mihi et exaudi me humiliatus sum in meditatione mea et conturbatus

⁴a voce inimici et a tribulatione peccatoris quoniam declinaverunt in me iniquitatem et in ira molesti erant mihi a voce inimici a facie persequentis impii quoniam proiecerunt super me iniquitatem et in furore adversabantur mihi

⁵cor meum conturbatum est in me et formido mortis cecidit super me cor meum doluit in vitalibus meis et terrores mortis ceciderunt super me

⁶timor et tremor venit super me et contexit me tenebra timor et tremor venit super me et operuit me caligo

⁷et dixi quis dabit mihi pinnas sicut columbae et volabo et requiescam et dixi quis dabit mihi pinnas columbae ut volem et requiescam

⁸ecce elongavi fugiens et mansi in solitudine diapsalma ut procul abeam et commorer in deserto semper

⁹expectabam eum qui salvum me fecit a pusillanimitate spiritus et a tempestate festinabo ut salver ab spiritu tempestatis et turbinis

¹⁰praecipita Domine divide linguas eorum quoniam vidi iniquitatem et contradictionem in civitate praecipita Domine divide linguas eorum quoniam vidi iniquitatem et contradictionem in civitate

¹¹die et nocte circumdabit eam super muros eius et iniquitas et labor in medio eius die et nocte circumeuntes muros eius scelus et dolorem in medio eius

¹²et iniustitia et non defecit de plateis eius usura et dolus insidiae in vitalibus eius et non recedet de plateis eius damnum et fraudulentia

¹³quoniam si inimicus maledixisset mihi sustinuissem utique et si is qui oderat me super me magna locutus fuisset abscondissem me forsitan ab eo non enim inimicus exprobravit mihi ut sustineam neque is qui me oderat super me magnificatus est ut abscondar ab eo

¹⁴tu vero homo unianimis dux meus et notus meus sed tu homo unianimis meus dux meus et notus meus

¹⁵qui simul mecum dulces capiebas cibos in domo Dei ambulavimus cum consensu qui simul habuimus dulce secretum in domo Dei ambulavimus in terrore

¹⁶veniat mors super illos et descendant in infernum viventes quoniam nequitiae in habitaculis eorum in medio eorum veniat mors super eos descendant in infernum viventes quia nequitiae in congregatione eorum et in medio eorum

¹⁷ego autem ad Deum clamavi et Dominus salvabit me ego ad Deum clamabo et Dominus salvabit me

¹⁸vespere et mane et meridie narrabo et adnuntiabo et exaudiet vocem meam vespere et mane et meridie eloquar et resonabo et exaudiet vocem meam

¹⁹redimet in pace animam meam ab his qui adpropinquant mihi quoniam inter multos erant mecum redimet in pace animam meam ab adpropinquantibus mihi multi enim fuerunt adversum me

²⁰exaudiet Deus et humiliabit illos qui est ante saecula diapsalma non enim est illis commutatio et non timuerunt Deum exaudiet Deus et humiliabit eos qui iudex est ab initio semper non enim mutantur neque timent Deum

²¹extendit manum suam in retribuendo contaminaverunt testamentum eius extendit manum suam ad pacifica sua contaminabit pactum suum

²²divisi sunt ab ira vultus eius et adpropinquavit cor illius molliti sunt sermones eius super oleum et ipsi sunt iacula nitidius butyro os eius pugnat autem cor illius molliores sermones eius oleo cum sint lanceae

²³iacta super Dominum curam tuam et ipse te enutriet non dabit in aeternum fluctuationem iusto proice super Dominum caritatem tuam et ipse enutriet te non dabit in aeternum fluctuationem iusto

²⁴tu vero Deus deduces eos in puteum interitus viri sanguinum et doli non dimidiabunt dies suos ego autem sperabo in te Domine tu autem Deus deduces eos in puteum interitus viri sanguinum et dolosi non dimidiabunt dies suos ego autem fiduciam habeo tui

Psalmi 54

¹In finem, in carminibus. Intellectus David.

²Exaudi, Deus, orationem meam, et ne despexeris deprecationem meam :

³intende mihi, et exaudi me. Contristatus sum in exercitatione mea, et conturbatus sum

⁴a voce inimici, et a tribulatione peccatoris. Quoniam declinaverunt in me iniquitates, et in ira molesti erant mihi.

⁵Cor meum conturbatum est in me, et formido mortis cecidit super me.

⁶Timor et tremor venerunt super me, et contexerunt me tenebræ.

⁷Et dixi : Quis dabit mihi pennas sicut columbæ, et volabo, et requiescam ?

⁸Ecce elongavi fugiens, et mansi in solitudine.

⁹Exspectabam eum qui salvum me fecit a pusillanimitate spiritus, et tempestate.

¹⁰Præcipita, Domine ; divide linguas eorum : quoniam vidi iniquitatem et contradictionem in civitate.

¹¹Die ac nocte circumdabit eam super muros ejus iniquitas ; et labor in medio ejus,

¹²et injustitia : et non defecit de plateis ejus usura et dolus.

¹³Quoniam si inimicus meus maledixisset mihi, sustinuissem utique. Et si is qui oderat me super me magna locutus fuisset, abscondissem me forsitan ab eo.

¹⁴Tu vero homo unanimis, dux meus, et notus meus :

¹⁵qui simul mecum dulces capiebas cibos ; in domo Dei ambulavimus cum consensu.

¹⁶Veniat mors super illos, et descendant in infernum viventes : quoniam nequitiæ in habitaculis eorum, in medio eorum.

¹⁷Ego autem ad Deum clamavi, et Dominus salvabit me.

¹⁸Vespere, et mane, et meridie, narrabo, et annuntiabo ; et exaudiet vocem meam.

¹⁹Redimet in pace animam meam ab his qui appropinquant mihi : quoniam inter multos erant mecum.

²⁰Exaudiet Deus, et humiliabit illos, qui est ante sæcula. Non enim est illis commutatio, et non timuerunt Deum.

²¹Extendit manum suam in retribuendo ; contaminaverunt testamentum ejus :

²²divisi sunt ab ira vultus ejus, et appropinquavit cor illius. Molliti sunt sermones ejus super oleum ; et ipsi sunt jacula.

²³Jacta super Dominum curam tuam, et ipse te enutriet ; non dabit in æternum fluctuationem justo.

²⁴Tu vero, Deus, deduces eos in puteum interitus. Viri sanguinum et dolosi non dimidiabunt dies suos ; ego autem sperabo in te, Domine.