Psalmi 40

¹in finem psalmus David pro victoria canticum David

²beatus qui intellegit super egenum et pauperem in die mala liberabit eum Dominus beatus qui cogitat de paupere in die mala salvabit eum Dominus

³Dominus conservet eum et vivificet eum et beatum faciat eum in terra et non tradat eum in animam inimicorum eius Dominus custodiet eum et vivificabit eum et beatus erit in terra et non tradet eum animae inimicorum suorum

⁴Dominus opem ferat illi super lectum doloris eius universum stratum eius versasti in infirmitate eius Dominus confortabit eum in lecto infirmitatis totum stratum eius vertisti in aegrotatione sua

⁵ego dixi Domine miserere mei sana animam meam quoniam peccavi tibi ego dixi Domine miserere mei sana animam meam quoniam peccavi tibi

⁶inimici mei dixerunt mala mihi quando morietur et peribit nomen eius inimici mei loquentur malum mihi quando morietur et periet nomen eius

⁷et si ingrediebatur ut videret vane loquebatur cor eius congregavit iniquitatem sibi egrediebatur foras et loquebatur et si venerit ut visitet vana loquetur cor eius congregabit iniquitatem sibi et egrediens foras detrahet

⁸in id ipsum adversum me susurrabant omnes inimici mei adversus me cogitabant mala mihi simul adversum me murmurabant omnes odientes me contra cogitabant malum mihi

⁹verbum iniquum constituerunt adversus me numquid qui dormit non adiciet ut resurgat verbum diabuli infundebant sibi qui dormivit non addet ut resurgat

¹⁰etenim homo pacis meae in quo speravi qui edebat panes meos magnificavit super me subplantationem sed et homo pacificus meus in quo habui fiduciam qui manducabat panem meum levavit contra me plantam

¹¹tu autem Domine miserere mei et resuscita me et retribuam eis tu autem Domine miserere mei et leva me ut reddam eis

¹²in hoc cognovi quoniam voluisti me quoniam non gaudebit inimicus meus super me in hoc cognovi quod velis me quia non insultavit inimicus meus mihi

¹³me autem propter innocentiam suscepisti et confirmasti me in conspectu tuo in aeternum ego autem in simplicitate mea adiutus sum a te et statues me ante faciem tuam in perpetuum

¹⁴benedictus Dominus Deus Israhel a saeculo et in saeculum fiat fiat benedictus Dominus Deus Israhel a saeculo et usque in saeculum amen amen

Psalmi 40

¹In finem. Psalmus ipsi David.

²Beatus qui intelligit super egenum et pauperem : in die mala liberabit eum Dominus.

³Dominus conservet eum, et vivificet eum, et beatum faciat eum in terra, et non tradat eum in animam inimicorum ejus.

⁴Dominus opem ferat illi super lectum doloris ejus ; universum stratum ejus versasti in infirmitate ejus.

⁵Ego dixi : Domine, miserere mei ; sana animam meam, quia peccavi tibi.

⁶Inimici mei dixerunt mala mihi : Quando morietur, et peribit nomen ejus ?

⁷Et si ingrediebatur ut videret, vana loquebatur ; cor ejus congregavit iniquitatem sibi. Egrediebatur foras et loquebatur.

⁸In idipsum adversum me susurrabant omnes inimici mei ; adversum me cogitabant mala mihi.

⁹Verbum iniquum constituerunt adversum me : Numquid qui dormit non adjiciet ut resurgat ?

¹⁰Etenim homo pacis meæ in quo speravi, qui edebat panes meos, magnificavit super me supplantationem.

¹¹Tu autem, Domine, miserere mei, et resuscita me ; et retribuam eis.

¹²In hoc cognovi quoniam voluisti me, quoniam non gaudebit inimicus meus super me.

¹³Me autem propter innocentiam suscepisti ; et confirmasti me in conspectu tuo in æternum.

¹⁴Benedictus Dominus Deus Israël a sæculo et usque in sæculum. Fiat, fiat.