Psalmi 24

¹psalmus David ad te Domine levavi animam meam David ad te Domine animam meam levabo

²Deus meus in te confido non erubescam Deus meus in te confisus sum ne confundar

³neque inrideant me inimici mei etenim universi qui sustinent te non confundentur ne laetentur inimici mei sed et universi qui sperant in te non confundantur

⁴confundantur omnes iniqua agentes supervacue vias tuas Domine demonstra mihi et semitas tuas doce me confundantur qui iniqua gerunt frustra vias tuas Domine ostende mihi semitas tuas doce me

⁵dirige me in veritatem tuam et doce me quoniam tu es Deus salvator meus et te sustinui tota die deduc me in veritate tua et doce me quia tu Deus salvator meus te expectavi tota die

⁶reminiscere miserationum tuarum Domine et misericordiarum tuarum quia a saeculo sunt recordare miserationum tuarum Domine et misericordiarum tuarum quia ex sempiterno sunt

⁷delicta iuventutis meae et ignorantias meas ne memineris secundum misericordiam tuam memento mei * tu; propter bonitatem tuam Domine peccatorum adulescentiae meae et scelerum meorum ne memineris secundum misericordiam tuam recordare mei propter bonitatem tuam Domine

⁸dulcis et rectus Dominus propter hoc legem dabit delinquentibus in via bonus et rectus Dominus propterea docebit peccatores in via

⁹diriget mansuetos in iudicio docebit mites vias suas deducet mansuetos in iudicio et docebit modestos viam suam

¹⁰universae viae Domini misericordia et veritas requirentibus testamentum eius et testimonia eius omnes semitae Domini misericordia et veritas his qui custodiunt pactum eius et testificationem eius

¹¹propter nomen tuum Domine et propitiaberis peccato meo multum est enim propter nomen tuum propitiare iniquitati meae quoniam grandis est

¹²quis est homo qui timet Dominum legem statuet ei in via quam elegit quis est iste vir timens Dominum quem docebit in via quam elegerit

¹³anima eius in bonis demorabitur et semen ipsius hereditabit terram anima eius in bono commorabitur et semen eius hereditabit terram

¹⁴firmamentum est Dominus timentibus eum et testamentum ipsius ut manifestetur illis secretum Domini timentibus eum et pactum suum ostendet eis

¹⁵oculi mei semper ad Dominum quoniam ipse evellet de laqueo pedes meos oculi mei semper ad Dominum quia ipse educet de rete pedes meos

¹⁶respice in me et miserere mei quia unicus et pauper sum ego respice in me et miserere mei quoniam solus et pauper sum ego

¹⁷tribulationes cordis mei multiplicatae sunt de necessitatibus meis erue me tribulationes cordis mei multiplicatae sunt de angustiis meis educ me

¹⁸vide humilitatem meam et laborem meum et dimitte universa delicta mea vide adflictionem meam et laborem meum et porta omnia peccata mea

¹⁹respice inimicos meos quoniam multiplicati sunt et odio iniquo oderunt me vide inimicos meos quia multiplicati sunt et odio iniquo oderunt me

²⁰custodi animam meam et erue me non erubescam quoniam speravi in te custodi animam meam et libera me non confundar quia speravi in te

²¹innocentes et recti adheserunt mihi quia sustinui te simplicitas et aequitas servabunt me quia expectavi te

²²libera Deus Israhel ex omnibus tribulationibus suis redime Deus Israhelem ex omnibus angustiis suis

Psalmi 24

¹In finem. Psalmus David. Ad te, Domine, levavi animam meam :

²Deus meus, in te confido ; non erubescam.

³Neque irrideant me inimici mei : etenim universi qui sustinent te, non confundentur.

⁴Confundantur omnes iniqua agentes supervacue. Vias tuas, Domine, demonstra mihi, et semitas tuas edoce me.

⁵Dirige me in veritate tua, et doce me, quia tu es Deus salvator meus, et te sustinui tota die.

⁶Reminiscere miserationum tuarum, Domine, et misericordiarum tuarum quæ a sæculo sunt.

⁷Delicta juventutis meæ, et ignorantias meas, ne memineris. Secundum misericordiam tuam memento mei tu, propter bonitatem tuam, Domine.

⁸Dulcis et rectus Dominus ; propter hoc legem dabit delinquentibus in via.

⁹Diriget mansuetos in judicio ; docebit mites vias suas.

¹⁰Universæ viæ Domini, misericordia et veritas, requirentibus testamentum ejus et testimonia ejus.

¹¹Propter nomen tuum, Domine, propitiaberis peccato meo ; multum est enim.

¹²Quis est homo qui timet Dominum ? legem statuit ei in via quam elegit.

¹³Anima ejus in bonis demorabitur, et semen ejus hæreditabit terram.

¹⁴Firmamentum est Dominus timentibus eum ; et testamentum ipsius ut manifestetur illis.

¹⁵Oculi mei semper ad Dominum, quoniam ipse evellet de laqueo pedes meos.

¹⁶Respice in me, et miserere mei, quia unicus et pauper sum ego.

¹⁷Tribulationes cordis mei multiplicatæ sunt : de necessitatibus meis erue me.

¹⁸Vide humilitatem meam et laborem meum, et dimitte universa delicta mea.

¹⁹Respice inimicos meos, quoniam multiplicati sunt, et odio iniquo oderunt me.

²⁰Custodi animam meam, et erue me : non erubescam, quoniam speravi in te.

²¹Innocentes et recti adhæserunt mihi, quia sustinui te.

²²Libera, Deus, Israël ex omnibus tribulationibus suis.