Psalmi 16

¹oratio David exaudi Domine iustitiam meam intende deprecationem meam auribus percipe orationem meam non in labiis dolosis oratio David audi Deus iustum intende deprecationem meam auribus percipe orationem meam absque labiis mendacii

²de vultu tuo iudicium meum prodeat oculi tui videant aequitates de vultu tuo iudicium meum prodeat oculi tui videant aequitates

³probasti cor meum visitasti nocte igne me examinasti et non est inventa in me iniquitas probasti cor meum visitasti nocte conflasti me et non invenisti

⁴ut non loquatur os meum opera hominum propter verba labiorum tuorum ego custodivi vias duras cogitationes meas transire os meum in opere hominum propter verbum labiorum tuorum ego observavi vias latronis

⁵perfice gressus meos in semitis tuis ut non moveantur vestigia mea sustenta gressus meos in callibus tuis et non labentur vestigia mea

⁶ego clamavi quoniam exaudisti me Deus inclina aurem tuam mihi et exaudi verba mea ego invocavi te quia exaudies me Deus inclina aurem tuam mihi audi eloquium meum

⁷mirifica misericordias tuas qui salvos facis sperantes in te mirabilem fac misericordiam tuam salvator sperantium

⁸a resistentibus dexterae tuae custodi me ut pupillam oculi sub umbra alarum tuarum proteges me a resistentibus dexterae tuae custodi me quasi pupillam intus in oculo in umbra alarum tuarum protege me

⁹a facie impiorum qui me adflixerunt inimici mei animam meam circumdederunt *super me; a facie impiorum vastantium me inimici mei animam meam circumdederunt

¹⁰adipem suum concluserunt os eorum locutum est superbia adipe suo concluserunt et ore locuti sunt superbe

¹¹proicientes me nunc circumdederunt me oculos suos statuerunt declinare in terram incedentes adversum me nunc circumdederunt me oculos suos posuerunt declinare in terram

¹²susceperunt me sicut leo paratus ad praedam et sicut catulus leonis habitans in abditis similitudo eius quasi leonis desiderantis praedam et quasi catuli leonis sedentis in absconditis

¹³exsurge Domine praeveni eum et subplanta eum eripe animam meam ab impio frameam tuam surge Domine praeveni faciem eius incurva eum salva animam meam ab impio qui est gladius tuus

¹⁴ab inimicis manus tuae Domine a paucis de terra divide eos in vita eorum de absconditis tuis adimpletus est venter eorum saturati sunt filiis et dimiserunt reliquias suas parvulis suis a viris manus tuae Domine qui mortui sunt in profundo quorum pars in vita et quorum de absconditis tuis replesti ventrem qui satiabuntur filiis et dimittent reliquias suas parvulis eorum

¹⁵ego autem in iustitia apparebo conspectui tuo satiabor cum apparuerit gloria tua ego in iustitia videbo faciem tuam implebor cum evigilavero similitudine tua

Psalmi 16

¹Oratio David. Exaudi, Domine, justitiam meam ; intende deprecationem meam. Auribus percipe orationem meam, non in labiis dolosis.

²De vultu tuo judicium meum prodeat ; oculi tui videant æquitates.

³Probasti cor meum, et visitasti nocte ; igne me examinasti, et non est inventa in me iniquitas.

⁴Ut non loquatur os meum opera hominum : propter verba labiorum tuorum, ego custodivi vias duras.

⁵Perfice gressus meos in semitis tuis, ut non moveantur vestigia mea.

⁶Ego clamavi, quoniam exaudisti me, Deus ; inclina aurem tuam mihi, et exaudi verba mea.

⁷Mirifica misericordias tuas, qui salvos facis sperantes in te.

⁸A resistentibus dexteræ tuæ custodi me ut pupillam oculi. Sub umbra alarum tuarum protege me

⁹a facie impiorum qui me afflixerunt. Inimici mei animam meam circumdederunt ;

¹⁰adipem suum concluserunt : os eorum locutum est superbiam.

¹¹Projicientes me nunc circumdederunt me ; oculos suos statuerunt declinare in terram.

¹²Susceperunt me sicut leo paratus ad prædam, et sicut catulus leonis habitans in abditis.

¹³Exsurge, Domine : præveni eum, et supplanta eum : eripe animam meam ab impio ; frameam tuam

¹⁴ab inimicis manus tuæ. Domine, a paucis de terra divide eos in vita eorum ; de absconditis tuis adimpletus est venter eorum. Saturati sunt filiis, et dimiserunt reliquias suas parvulis suis.

¹⁵Ego autem in justitia apparebo conspectui tuo ; satiabor cum apparuerit gloria tua.