Psalmi 144

¹laudatio David exaltabo te Deus meus rex et benedicam nomini tuo in saeculum et in saeculum saeculi hymnus David aleph exaltabo te Deus meus rex et benedicam nomini tuo in aeternum et ultra

²per singulos dies benedicam tibi et laudabo nomen tuum in saeculum et in saeculum saeculi beth in omni die benedicam tibi et laudabo nomen tuum in sempiternum iugiter

³magnus Dominus et laudabilis nimis et magnitudinis eius non est finis gimel magnus Deus et laudabilis nimis et magnificentiae eius non est inventio

⁴generatio et generatio laudabit opera tua et potentiam tuam pronuntiabunt deleth generatio ad generationem laudabit opera tua et fortitudines tuas adnuntiabunt

⁵magnificentiam gloriae sanctitatis tuae loquentur et mirabilia tua narrabunt he decorem gloriae magnitudinis tuae et verba mirabilium tuorum loquar

⁶et virtutem terribilium tuorum dicent et magnitudinem tuam narrabunt vav et fortitudinem horribilium tuorum loquentur et magnitudines tuas narrabo

⁷memoriam abundantiae suavitatis tuae eructabunt et iustitia tua exultabunt zai memoriam multae bonitatis tuae loquentur et iustitias tuas laudabunt

⁸miserator et misericors Dominus patiens et multum misericors heth clemens et misericors Dominus patiens et multae miserationis

⁹suavis Dominus universis et miserationes eius super omnia opera eius teth bonus Dominus omnibus et misericordiae eius in universa opera eius

¹⁰confiteantur tibi Domine omnia opera tua et sancti tui confiteantur tibi ioth confiteantur tibi Domine omnia opera tua et sancti tui benedicant tibi

¹¹gloriam regni tui dicent et potentiam tuam loquentur caph gloriam regni tui dicent et fortitudines tuas loquentur

¹²ut notam faciant filiis hominum potentiam tuam et gloriam magnificentiae regni tui lameth ut ostendant filiis hominum fortitudines eius et gloriam decoris regni eius

¹³regnum tuum regnum omnium saeculorum et dominatio tua in omni generatione et progenie fidelis Dominus in omnibus verbis suis et sanctus in omnibus operibus suis mem regnum tuum regnum omnium saeculorum et potestas tua in omni generatione et generatione

¹⁴adlevat Dominus omnes qui corruunt et erigit omnes elisos samech sustentat Dominus omnes corruentes et erigit universos iacentes

¹⁵oculi omnium in te sperant et tu das escam illorum in tempore oportuno ain oculi eorum in te sperant et tu das eis escam suam in tempore suo

¹⁶aperis tu manum tuam et imples omne animal benedictione fe aperis manus tuas et imples omne animal refectione

¹⁷iustus Dominus in omnibus viis suis et sanctus in omnibus operibus suis sade iustus Dominus in omnibus viis suis et sanctus in omnibus operibus suis

¹⁸prope est Dominus omnibus invocantibus eum omnibus invocantibus eum in veritate coph iuxta est Dominus omnibus qui invocant eum omnibus qui invocant eum in veritate

¹⁹voluntatem timentium se faciet et deprecationem eorum exaudiet et salvos faciet eos res placitum timentium se faciet et clamorem eorum audiet et salvabit eos

²⁰custodit Dominus omnes diligentes se et omnes peccatores disperdet sen custodit Dominus omnes diligentes se et universos impios conteret

²¹laudationem Domini loquetur os meum et benedicat omnis caro nomini sancto eius in saeculum et in saeculum saeculi thau laudem Domini loquetur os meum et benedicet omnis caro nomini sancto eius in aeternum et iugiter

Psalmi 144

¹Laudatio ipsi David. Exaltabo te, Deus meus rex, et benedicam nomini tuo in sæculum, et in sæculum sæculi.

²Per singulos dies benedicam tibi, et laudabo nomen tuum in sæculum, et in sæculum sæculi.

³Magnus Dominus, et laudabilis nimis, et magnitudinis ejus non est finis.

⁴Generatio et generatio laudabit opera tua, et potentiam tuam pronuntiabunt.

⁵Magnificentiam gloriæ sanctitatis tuæ loquentur, et mirabilia tua narrabunt.

⁶Et virtutem terribilium tuorum dicent, et magnitudinem tuam narrabunt.

⁷Memoriam abundantiæ suavitatis tuæ eructabunt, et justitia tua exsultabunt.

⁸Miserator et misericors Dominus : patiens, et multum misericors.

⁹Suavis Dominus universis, et miserationes ejus super omnia opera ejus.

¹⁰Confiteantur tibi, Domine, omnia opera tua, et sancti tui benedicant tibi.

¹¹Gloriam regni tui dicent, et potentiam tuam loquentur :

¹²ut notam faciant filiis hominum potentiam tuam, et gloriam magnificentiæ regni tui.

¹³Regnum tuum regnum omnium sæculorum ; et dominatio tua in omni generatione et generationem. Fidelis Dominus in omnibus verbis suis, et sanctus in omnibus operibus suis.

¹⁴Allevat Dominus omnes qui corruunt, et erigit omnes elisos.

¹⁵Oculi omnium in te sperant, Domine, et tu das escam illorum in tempore opportuno.

¹⁶Aperis tu manum tuam, et imples omne animal benedictione.

¹⁷Justus Dominus in omnibus viis suis, et sanctus in omnibus operibus suis.

¹⁸Prope est Dominus omnibus invocantibus eum, omnibus invocantibus eum in veritate.

¹⁹Voluntatem timentium se faciet, et deprecationem eorum exaudiet, et salvos faciet eos.

²⁰Custodit Dominus omnes diligentes se, et omnes peccatores disperdet.

²¹Laudationem Domini loquetur os meum ; et benedicat omnis caro nomini sancto ejus in sæculum, et in sæculum sæculi.