Matthew 25

¹Thanne the kyngdoom of heuenes schal be lijk to ten virgyns, whiche token her laumpis, and wenten out ayens the hosebonde and the wijf;

²and fyue of hem weren foolis, and fyue prudent.

³But the fyue foolis token her laumpis, and token not oile with hem;

⁴but the prudent token oile in her vessels with the laumpis.

⁵And whilis the hosebonde tariede, alle thei nappiden and slepten.

⁶But at mydnyyt a cryy was maad, Lo! the spouse cometh, go ye oute to mete with him.

⁷Thanne alle tho virgyns risen vp, and araieden her laumpis.

⁸And the foolis seiden to the wise, Yyue ye to vs of youre oile, for oure laumpis ben quenchid.

⁹The prudent answeriden, and seiden, Lest perauenture it suffice not to vs and to you, go ye rather to men that sellen, and bie to you.

¹⁰And while thei wenten for to bie, the spouse cam; and tho that weren redi, entreden with him to the weddyngis; and the yate was schit.

¹¹And at the last the othere virgyns camen, and seiden, Lord, lord, opene to vs.

¹²And he answeride, and seide, Treuli Y seie to you, Y knowe you not.

¹³Therfor wake ye, for ye witen not the dai ne the our.

¹⁴For as a man that goith in pilgrimage, clepide hise seruauntis, and bitook to hem hise goodis;

¹⁵and to oon he yaf fyue talentis, and to another tweyne, and to another oon, to ech after his owne vertu; and wente forth anoon.

¹⁶And he that hadde fyue besauntis, wente forth, and wrouyte in hem, and wan othere fyue.

¹⁷Also and he that hadde takun tweyne, wan othere tweyne.

¹⁸But he that hadde takun oon, yede forth, and dalf in to the erthe, and hidde the money of his lord.

¹⁹But after long tyme, the lord of tho seruauntis cam, and rekenede with hem.

²⁰And he that hadde takun fyue besauntis, cam, and brouyte othere fyue, and seide, Lord, thou bytokist to me fyue besauntis, loo! Y haue getun aboue fyue othere.

²¹His lord seide to hym, Wel be thou, good seruaunt and feithful; for on fewe thingis thou hast be trewe, Y schal ordeyne thee on manye thingis; entre thou in to the ioye of thi lord.

²²And he that hadde takun twey talentis, cam, and seide, Lord, thou bitokist to me twey besauntis; loo!

²³Y haue wonnen ouer othir tweyne. His lord seide to him, Wel be thou, good seruaunt and trewe; for on fewe thingis thou hast be trewe, Y schal ordeyne thee on many thingis; entre thou in to the ioie of thi lord.

²⁴But he that hadde takun o besaunt, cam, and seide, Lord, Y woot that thou art an hard man; thou repist where thou hast not sowe, and thou gederist togidere where thou hast not spred abrood;

²⁵and Y dredynge wente, and hidde thi besaunt in the erthe; lo! thou hast that that is thin.

²⁶His lord answeride, and seide to hym, Yuel seruaunt and slowe, wistist thou that Y repe where Y sewe not, and gadir to gidere where Y spredde not abrood?

²⁷Therfor it bihofte thee to bitake my money to chaungeris, that whanne Y cam, Y schulde resseyue that that is myn with vsuris.

²⁸Therfor take awei fro hym the besaunt, and yyue ye to hym that hath ten besauntis.

²⁹For to euery man that hath me schal yyue, and he schal encreese; but fro hym that hath not, also that that hym semeth to haue, schal be taken awey fro him.

³⁰And caste ye out the vnprofitable seruaunt in to vtmer derknessis; ther schal be wepyng, and gryntyng of teeth.

³¹Whanne mannus sone schal come in his maieste, and alle hise aungels with hym, thanne he schal sitte on the sege of his maieste;

³²and alle folkis schulen be gaderid bifor hym,

³³and he schal departe hem atwynne, as a scheeperde departith scheep from kidis; and he schal sette the scheep on his riythalf, and the kidis on the lefthalf.

³⁴Thanne the kyng schal seie to hem, that schulen be on his riythalf, Come ye, the blessid of my fadir, take ye in possessioun the kyngdoom maad redi to you fro the makyng of the world.

³⁵For Y hungride, and ye yauen me to ete; Y thristide, and ye yauen me to drynke; Y was herboreles, and ye herboriden me;

³⁶nakid, and ye hiliden me; sijk, and ye visitiden me; Y was in prisoun, and ye camen to me.

³⁷Thanne iust men schulen answere to hym, and seie, Lord, whanne siyen we thee hungry, and we fedden thee; thristi, and we yauen to thee drynk?

³⁸and whanne sayn we thee herborles, and we herboreden thee; or nakid, and we hiliden thee?

³⁹or whanne sayn we thee sijk, or in prisoun, and we camen to thee?

⁴⁰And the kyng answerynge schal seie to hem, Treuli Y seie to you, as longe as ye diden to oon of these my leeste britheren, ye diden to me.

⁴¹Thanne the kyng schal seie also to hem, that schulen be on his lefthalf, Departe fro me, ye cursid, in to euerlastynge fijr, that is maad redi to the deuel and hise aungels.

⁴²For Y hungride, and ye yauen not me to ete; Y thristide, and ye yauen not me to drynke;

⁴³Y was herborles, and ye herberden not me; nakid, and ye keuerden not me; sijk, and in prisoun, and ye visitiden not me.

⁴⁴Thanne and thei schulen answere to hym, and schulen seie, Lord, whanne sayn we thee hungrynge, or thristynge, or herboreles, or nakid, or sijk, or in prisoun, and we serueden not to thee?

⁴⁵Thanne he schal answere to hem, and seie, Treuli Y seie to you, `hou longe ye diden not to oon of these leeste, nether ye diden to me.

⁴⁶And these schulen goo in to euerlastynge turment; but the iust men schulen go in to euerlastynge lijf.

Matthew 25

¹Then shall the kingdom of heaven be likened unto ten virgins, which took their lamps, and went forth to meet the bridegroom.

²And five of them were wise, and five were foolish.

³They that were foolish took their lamps, and took no oil with them:

⁴But the wise took oil in their vessels with their lamps.

⁵While the bridegroom tarried, they all slumbered and slept.

⁶And at midnight there was a cry made, Behold, the bridegroom cometh; go ye out to meet him.

⁷Then all those virgins arose, and trimmed their lamps.

⁸And the foolish said unto the wise, Give us of your oil; for our lamps are gone out.

⁹But the wise answered, saying, Not so; lest there be not enough for us and you: but go ye rather to them that sell, and buy for yourselves.

¹⁰And while they went to buy, the bridegroom came; and they that were ready went in with him to the marriage: and the door was shut.

¹¹Afterward came also the other virgins, saying, Lord, Lord, open to us.

¹²But he answered and said, Verily I say unto you, I know you not.

¹³Watch therefore, for ye know neither the day nor the hour wherein the Son of man cometh.

¹⁴For the kingdom of heaven is as a man travelling into a far country, who called his own servants, and delivered unto them his goods.

¹⁵And unto one he gave five talents, to another two, and to another one; to every man according to his several ability; and straightway took his journey.

¹⁶Then he that had received the five talents went and traded with the same, and made them other five talents.

¹⁷And likewise he that had received two, he also gained other two.

¹⁸But he that had received one went and digged in the earth, and hid his lord’s money.

¹⁹After a long time the lord of those servants cometh, and reckoneth with them.

²⁰And so he that had received five talents came and brought other five talents, saying, Lord, thou deliveredst unto me five talents: behold, I have gained beside them five talents more.

²¹His lord said unto him, Well done, thou good and faithful servant: thou hast been faithful over a few things, I will make thee ruler over many things: enter thou into the joy of thy lord.

²²He also that had received two talents came and said, Lord, thou deliveredst unto me two talents: behold, I have gained two other talents beside them.

²³His lord said unto him, Well done, good and faithful servant; thou hast been faithful over a few things, I will make thee ruler over many things: enter thou into the joy of thy lord.

²⁴Then he which had received the one talent came and said, Lord, I knew thee that thou art an hard man, reaping where thou hast not sown, and gathering where thou hast not strawed:

²⁵And I was afraid, and went and hid thy talent in the earth: lo, there thou hast that is thine.

²⁶His lord answered and said unto him, Thou wicked and slothful servant, thou knewest that I reap where I sowed not, and gather where I have not strawed:

²⁷Thou oughtest therefore to have put my money to the exchangers, and then at my coming I should have received mine own with usury.

²⁸Take therefore the talent from him, and give it unto him which hath ten talents.

²⁹For unto every one that hath shall be given, and he shall have abundance: but from him that hath not shall be taken away even that which he hath.

³⁰And cast ye the unprofitable servant into outer darkness: there shall be weeping and gnashing of teeth.

³¹When the Son of man shall come in his glory, and all the holy angels with him, then shall he sit upon the throne of his glory:

³²And before him shall be gathered all nations: and he shall separate them one from another, as a shepherd divideth his sheep from the goats:

³³And he shall set the sheep on his right hand, but the goats on the left.

³⁴Then shall the King say unto them on his right hand, Come, ye blessed of my Father, inherit the kingdom prepared for you from the foundation of the world:

³⁵For I was an hungred, and ye gave me meat: I was thirsty, and ye gave me drink: I was a stranger, and ye took me in:

³⁶Naked, and ye clothed me: I was sick, and ye visited me: I was in prison, and ye came unto me.

³⁷Then shall the righteous answer him, saying, Lord, when saw we thee an hungred, and fed thee? or thirsty, and gave thee drink?

³⁸When saw we thee a stranger, and took thee in? or naked, and clothed thee?

³⁹Or when saw we thee sick, or in prison, and came unto thee?

⁴⁰And the King shall answer and say unto them, Verily I say unto you, Inasmuch as ye have done it unto one of the least of these my brethren, ye have done it unto me.

⁴¹Then shall he say also unto them on the left hand, Depart from me, ye cursed, into everlasting fire, prepared for the devil and his angels:

⁴²For I was an hungred, and ye gave me no meat: I was thirsty, and ye gave me no drink:

⁴³I was a stranger, and ye took me not in: naked, and ye clothed me not: sick, and in prison, and ye visited me not.

⁴⁴Then shall they also answer him, saying, Lord, when saw we thee an hungred, or athirst, or a stranger, or naked, or sick, or in prison, and did not minister unto thee?

⁴⁵Then shall he answer them, saying, Verily I say unto you, Inasmuch as ye did it not to one of the least of these, ye did it not to me.

⁴⁶And these shall go away into everlasting punishment: but the righteous into life eternal.