Matthew 24

¹And Jhesus wente out of the temple; and his disciplis camen to hym, to schewe hym the bildyngis of the temple.

²But he answeride, and seide to hem, Seen ye alle these thingis? Treuli Y seie to you, a stoon schal not be left here on a stoon, that ne it schal be destried.

³And whanne he satte on the hille of Olyuete, hise disciplis camen to hym priueli, and seiden, Seie vs, whanne these thingis schulen be, and what token of thi comyng, and of the ending of the world.

⁴And Jhesus answeride, and seide to hem, Loke ye, that no man disseyue you.

⁵For many schulen come in my name, and schulen seie, Y am Crist; and thei schulen disseyue manye.

⁶For ye schulen here batels, and opyniouns of batels; se ye that ye be not disturblid; for it byhoueth these thingis to be don, but not yit is the ende.

⁷Folk schal rise togidere ayens folc, and rewme ayens rewme, and pestilences, and hungris, and the erthemouyngis schulen be bi placis;

⁸and alle these ben bigynnyngis of sorewes.

⁹Thanne men schulen bitake you in to tribulacion, and schulen sle you, and ye schulen be in hate to alle folk for my name.

¹⁰And thanne many schulen be sclaundrid, and bitraye ech other, and thei schulen hate ech other.

¹¹And many false prophetis schulen rise, and disseyue manye.

¹²And for wickidnesse schal `be plenteuouse, the charite of manye schal wexe coold;

¹³but he that schal dwelle stable in to the ende, schal be saaf.

¹⁴And this gospel of the kyngdom schal be prechid in al the world, in witnessyng to al folc;

¹⁵and thanne the ende schal come. Therfor whanne ye se the abhomynacioun of discomfort, that is seid of Danyel, the prophete, stondynge in the hooli place; he that redith, vndirstonde he;

¹⁶thanne thei that ben in Judee, fle to the mounteyns; and he that is in the hous roof,

¹⁷come not doun to take ony thing of his hous; and he that is in the feeld,

¹⁸turne not ayen to take his coote.

¹⁹But wo to hem that ben with child, and nurischen in tho daies.

²⁰Preye ye, that youre fleyng be not maad in wynter, or in the saboth.

²¹For thanne schal be greet tribulacioun, what maner `was not fro the bigynnyng of the world to now, nether schal be maad.

²²And but tho daies hadden be abreggide, ech flesch schulde not be maad saaf; but tho daies schulen be maad schort, for the chosun men.

²³Thanne if ony man seie to you, Lo! here is Crist, or there, nyle ye bileue.

²⁴For false Cristis and false prophetis schulen rise, and thei schulen yyue grete tokenes and wondrys; so that also the chosun be led in to erroure, if it may be done.

²⁵Lo! Y haue bifor seid to you.

²⁶Therfor if thei seie to you, Lo! he is in desert, nyle ye go out; lo! in priuey placis, nyle ye trowe.

²⁷For as leit goith out fro the eest, and apperith in to the weste, so schal be also the coming of mannus sone.

²⁸Where euer the bodi schal be, also the eglis schulen be gaderid thidur.

²⁹And anoon after the tribulacioun of tho daies, the sunne schal be maad derk, and the moone schal not yyue hir liyt, and the sterris schulen falle fro heuene, and the vertues of heuenes schulen be moued.

³⁰And thanne the tokene of mannus sone schal appere in heuene, and thanne alle kynredis of the erthe schulen weile; and thei schulen see mannus sone comynge in the cloudis of heuene, with miche vertu and maieste.

³¹And he schal sende hise aungels with a trumpe, and a greet vois; and thei schulen gedere hise chosun fro foure wyndis, fro the hiyest thingis of heuenes to the endis of hem.

³²And lerne ye the parable of a fige tre. Whanne his braunche is now tendir, and the leeues ben sprongun, ye witen that somer is nyy;

³³`so and ye whanne ye seen alle these thingis, wite ye that it is nyy, in the yatis.

³⁴Treuli Y seie to you, for this generacioun schal not passe, til alle thingis be don;

³⁵heuene and erthe schulen passe, but my wordis schulen not passe.

³⁶But of thilke dai and our no man wote, nethir aungels of heuenes, but the fadir aloone.

³⁷But as it was in the daies of Noe, so schal be the comyng of mannus sone.

³⁸For as in the daies bifore the greet flood, thei weren etynge and drynkynge, weddynge and takynge to weddyng, to that dai, that Noe entride in to the schippe;

³⁹and thei knewen not, til the greet flood cam, and took alle men, so schal be the comyng of mannus sone.

⁴⁰Thanne tweyne schulen be in o feeld, oon schal be takun, and another left;

⁴¹twey wymmen schulen be gryndynge in o queerne, oon schal be takun, and `the tother left; tweyn in a bedde, `the toon schal be takun, and the tother left.

⁴²Therfor wake ye, for ye witen not in what our the Lord schal come.

⁴³But wite ye this, that if the hosebonde man wiste in what our the thefe were to come, certis he wolde wake, and suffre not his hous to be vndurmyned.

⁴⁴And therfor be ye redi, for in what our ye gessen not, mannus sone schal come.

⁴⁵Who gessist thou is a trewe seruaunt and prudent, whom his lord ordeyned on his meynee, to yyue hem mete in tyme?

⁴⁶Blessed is that seruaunt, whom `his lord, whanne he schal come, schal fynde so doynge.

⁴⁷Treuli Y seye to you, for on alle his goodis he schal ordeyne hym.

⁴⁸But if thilke yuel seruaunt seie in his herte, My lord tarieth to come,

⁴⁹and bigynneth to smyte hise euen seruauntis, and ete, and drynke with drunken men;

⁵⁰the lord of that seruaunt schal come in the dai which he hopith not, and in the our that he knowith not,

⁵¹and schal departe hym, and putte his part with ypocritis; there schal be wepyng, and gryntyng of teeth.

Matthew 24

¹And Jesus went out, and departed from the temple: and his disciples came to him for to shew him the buildings of the temple.

²And Jesus said unto them, See ye not all these things? verily I say unto you, There shall not be left here one stone upon another, that shall not be thrown down.

³And as he sat upon the mount of Olives, the disciples came unto him privately, saying, Tell us, when shall these things be? and what shall be the sign of thy coming, and of the end of the world?

⁴And Jesus answered and said unto them, Take heed that no man deceive you.

⁵For many shall come in my name, saying, I am Christ; and shall deceive many.

⁶And ye shall hear of wars and rumours of wars: see that ye be not troubled: for all these things must come to pass, but the end is not yet.

⁷For nation shall rise against nation, and kingdom against kingdom: and there shall be famines, and pestilences, and earthquakes, in divers places.

⁸All these are the beginning of sorrows.

⁹Then shall they deliver you up to be afflicted, and shall kill you: and ye shall be hated of all nations for my name’s sake.

¹⁰And then shall many be offended, and shall betray one another, and shall hate one another.

¹¹And many false prophets shall rise, and shall deceive many.

¹²And because iniquity shall abound, the love of many shall wax cold.

¹³But he that shall endure unto the end, the same shall be saved.

¹⁴And this gospel of the kingdom shall be preached in all the world for a witness unto all nations; and then shall the end come.

¹⁵When ye therefore shall see the abomination of desolation, spoken of by Daniel the prophet, stand in the holy place, (whoso readeth, let him understand:)

¹⁶Then let them which be in Judea flee into the mountains:

¹⁷Let him which is on the housetop not come down to take any thing out of his house:

¹⁸Neither let him which is in the field return back to take his clothes.

¹⁹And woe unto them that are with child, and to them that give suck in those days!

²⁰But pray ye that your flight be not in the winter, neither on the sabbath day:

²¹For then shall be great tribulation, such as was not since the beginning of the world to this time, no, nor ever shall be.

²²And except those days should be shortened, there should no flesh be saved: but for the elect’s sake those days shall be shortened.

²³Then if any man shall say unto you, Lo, here is Christ, or there; believe it not.

²⁴For there shall arise false Christs, and false prophets, and shall shew great signs and wonders; insomuch that, if it were possible, they shall deceive the very elect.

²⁵Behold, I have told you before.

²⁶Wherefore if they shall say unto you, Behold, he is in the desert; go not forth: behold, he is in the secret chambers; believe it not.

²⁷For as the lightning cometh out of the east, and shineth even unto the west; so shall also the coming of the Son of man be.

²⁸For wheresoever the carcase is, there will the eagles be gathered together.

²⁹Immediately after the tribulation of those days shall the sun be darkened, and the moon shall not give her light, and the stars shall fall from heaven, and the powers of the heavens shall be shaken:

³⁰And then shall appear the sign of the Son of man in heaven: and then shall all the tribes of the earth mourn, and they shall see the Son of man coming in the clouds of heaven with power and great glory.

³¹And he shall send his angels with a great sound of a trumpet, and they shall gather together his elect from the four winds, from one end of heaven to the other.

³²Now learn a parable of the fig tree; When his branch is yet tender, and putteth forth leaves, ye know that summer is nigh:

³³So likewise ye, when ye shall see all these things, know that it is near, even at the doors.

³⁴Verily I say unto you, This generation shall not pass, till all these things be fulfilled.

³⁵Heaven and earth shall pass away, but my words shall not pass away.

³⁶But of that day and hour knoweth no man, no, not the angels of heaven, but my Father only.

³⁷But as the days of Noe were, so shall also the coming of the Son of man be.

³⁸For as in the days that were before the flood they were eating and drinking, marrying and giving in marriage, until the day that Noe entered into the ark,

³⁹And knew not until the flood came, and took them all away; so shall also the coming of the Son of man be.

⁴⁰Then shall two be in the field; the one shall be taken, and the other left.

⁴¹Two women shall be grinding at the mill; the one shall be taken, and the other left.

⁴²Watch therefore: for ye know not what hour your Lord doth come.

⁴³But know this, that if the goodman of the house had known in what watch the thief would come, he would have watched, and would not have suffered his house to be broken up.

⁴⁴Therefore be ye also ready: for in such an hour as ye think not the Son of man cometh.

⁴⁵Who then is a faithful and wise servant, whom his lord hath made ruler over his household, to give them meat in due season?

⁴⁶Blessed is that servant, whom his lord when he cometh shall find so doing.

⁴⁷Verily I say unto you, That he shall make him ruler over all his goods.

⁴⁸But and if that evil servant shall say in his heart, My lord delayeth his coming;

⁴⁹And shall begin to smite his fellowservants, and to eat and drink with the drunken;

⁵⁰The lord of that servant shall come in a day when he looketh not for him, and in an hour that he is not aware of,

⁵¹And shall cut him asunder, and appoint him his portion with the hypocrites: there shall be weeping and gnashing of teeth.