Psalms 101

¹The title of the `hundrid and o salm. The preier of a pore man, whanne he was angwishid, and schedde out his speche bifore the Lord.

²Lord, here thou my preier; and my crie come to thee.

³Turne not awei thi face fro me; in what euere dai Y am troblid, bowe doun thin eere to me. In what euere day Y schal inwardli clepe thee; here thou me swiftli.

⁴For my daies han failid as smoke; and my boonus han dried vp as critouns.

⁵I am smytun as hei, and myn herte dried vp; for Y haue foryete to eete my breed.

⁶Of the vois of my weilyng; my boon cleuede to my fleische.

⁷I am maad lijk a pellican of wildirnesse; Y am maad as a niyt crowe in an hous.

⁸I wakide; and Y am maad as a solitarie sparowe in the roof.

⁹Al dai myn enemyes dispisiden me; and thei that preisiden me sworen ayens me.

¹⁰For Y eet aschis as breed; and Y meddlide my drinke with weping.

¹¹Fro the face of the ire of thin indignacioun; for thou reisinge me hast hurtlid me doun.

¹²Mi daies boweden awei as a schadewe; and Y wexede drie as hei.

¹³But, Lord, thou dwellist with outen ende; and thi memorial in generacioun and in to generacioun.

¹⁴Lord, thou risinge vp schalt haue merci on Sion; for the tyme `to haue merci therof cometh, for the tyme cometh.

¹⁵For the stones therof plesiden thi seruauntis; and thei schulen haue merci on the lond therof.

¹⁶And, Lord, hethen men schulen drede thi name; and alle kingis of erthe schulen drede thi glori.

¹⁷For the Lord hath bildid Sion; and he schal be seen in his glorie.

¹⁸He bihelde on the preier of meke men; and he dispiside not the preier of hem.

¹⁹Be these thingis writun in an othere generacioun; and the puple that schal be maad schal preise the Lord.

²⁰For he bihelde fro his hiye hooli place; the Lord lokide fro heuene in to erthe.

²¹For to here the weilingis of feterid men; and for to vnbynde the sones of slayn men.

²²That thei telle in Sion the name of the Lord; and his preising in Jerusalem.

²³In gaderinge togidere puplis in to oon; and kingis, that thei serue the Lord.

²⁴It answeride to hym in the weie of his vertu; Telle thou to me the fewnesse of my daies.

²⁵Ayenclepe thou not me in the myddil of my daies; thi yeris ben in generacioun and in to generacioun.

²⁶Lord, thou foundidist the erthe in the bigynnyng; and heuenes ben the werkis of thin hondis.

²⁷Tho schulen perische, but thou dwellist perfitli; and alle schulen wexe eelde as a clooth. And thou schalt chaunge hem as an hiling, and tho schulen be chaungid;

²⁸but thou art the same thi silf, and thi yeeris schulen not faile.

²⁹The sones of thi seruauntis schulen dwelle; and the seed of hem schal be dressid in to the world.

Psalms 101

¹I will sing of mercy and judgment: unto thee, O Lord, will I sing.

²I will behave myself wisely in a perfect way. O when wilt thou come unto me? I will walk within my house with a perfect heart.

³I will set no wicked thing before mine eyes: I hate the work of them that turn aside; it shall not cleave to me.

⁴A froward heart shall depart from me: I will not know a wicked person.

⁵Whoso privily slandereth his neighbour, him will I cut off: him that hath an high look and a proud heart will not I suffer.

⁶Mine eyes shall be upon the faithful of the land, that they may dwell with me: he that walketh in a perfect way, he shall serve me.

⁷He that worketh deceit shall not dwell within my house: he that telleth lies shall not tarry in my sight.

⁸I will early destroy all the wicked of the land; that I may cut off all wicked doers from the city of the Lord.