Proverbs 12

¹He that loueth chastisyng, loueth kunnyng; but he that hatith blamyngis, is vnwijs.

²He that is good, schal drawe to hym silf grace of the Lord; but he that tristith in hise thouytis, doith wickidli.

³A man schal not be maad strong by wyckidnesse; and the root of iust men schal not be moued.

⁴A diligent womman is a coroun to hir hosebond; and rot is in the boonys of that womman, that doith thingis worthi of confusioun.

⁵The thouytis of iust men ben domes; and the counselis of wickid men ben gileful.

⁶The wordis of wickid men setten tresoun to blood; the mouth of iust men schal delyuere hem.

⁷Turne thou wickid men, and thei schulen not be; but the housis of iust men schulen dwelle perfitli.

⁸A man schal be knowun bi his teching; but he that is veyn and hertles, schal be open to dispising.

⁹Betere is a pore man, and sufficient to him silf, than a gloriouse man, and nedi of breed.

¹⁰A iust man knowith the soulis of hise werk beestis; but the entrailis of wickid men ben cruel.

¹¹He that worchith his lond, schal be fillid with looues; but he that sueth idilnesse, is moost fool. He that is swete, lyueth in temperaunces; and in hise monestyngis he forsakith dispisyngis.

¹²The desir of a wickid man is the memorial of worste thingis; but the roote of iust men schal encreesse.

¹³For the synnes of lippis `falling doun neiyeth to an yuel man; but a iust man schal scape fro angwisch.

¹⁴Of the fruyt of his mouth ech man schal be fillid with goodis; and bi the werkis of hise hondis it schal be yoldun to him.

¹⁵The weie of a fool is riytful in hise iyen; but he that is wijs, herith counsels.

¹⁶A fool schewith anoon his ire; but he that dissymelith wrongis, is wijs.

¹⁷He that spekith that, that he knowith, is a iuge of riytfulnesse; but he that lieth, is a gileful witnesse.

¹⁸A man is that bihetith, and he is prickid as with the swerd of conscience; but the tunge of wise men is helthe.

¹⁹The lippe of treuthe schal be stidfast with outen ende; but he that is a sudeyn witnesse, makith redi the tunge of leesyng.

²⁰Gile is in the herte of hem that thenken yuels; but ioye sueth hem, that maken counsels of pees.

²¹What euere bifallith to a iust man, it schal not make hym sori; but wickid men schulen be fillid with yuel.

²²False lippis is abhominacioun to the Lord; but thei that don feithfuli, plesen him.

²³A fel man hilith kunnyng; and the herte of vnwise men stirith foli.

²⁴The hond of stronge men schal haue lordschip; but the hond that is slow, schal serue to tributis.

²⁵Morenynge in the herte of a iust man schal make hym meke; and he schal be maad glad bi a good word.

²⁶He that dispisith harm for a frend, is a iust man; but the weie of wickid men schal disseyue hem.

²⁷A gileful man schal not fynde wynnyng; and the substaunce of man schal be the prijs of gold.

²⁸Lijf is in the path of riytfulnesse; but the wrong weie leedith to deeth.

Proverbs 12

¹Whoso loveth instruction loveth knowledge: but he that hateth reproof is brutish.

²A good man obtaineth favour of the Lord: but a man of wicked devices will he condemn.

³A man shall not be established by wickedness: but the root of the righteous shall not be moved.

⁴A virtuous woman is a crown to her husband: but she that maketh ashamed is as rottenness in his bones.

⁵The thoughts of the righteous are right: but the counsels of the wicked are deceit.

⁶The words of the wicked are to lie in wait for blood: but the mouth of the upright shall deliver them.

⁷The wicked are overthrown, and are not: but the house of the righteous shall stand.

⁸A man shall be commended according to his wisdom: but he that is of a perverse heart shall be despised.

⁹He that is despised, and hath a servant, is better than he that honoureth himself, and lacketh bread.

¹⁰A righteous man regardeth the life of his beast: but the tender mercies of the wicked are cruel.

¹¹He that tilleth his land shall be satisfied with bread: but he that followeth vain persons is void of understanding.

¹²The wicked desireth the net of evil men: but the root of the righteous yieldeth fruit.

¹³The wicked is snared by the transgression of his lips: but the just shall come out of trouble.

¹⁴A man shall be satisfied with good by the fruit of his mouth: and the recompence of a man’s hands shall be rendered unto him.

¹⁵The way of a fool is right in his own eyes: but he that hearkeneth unto counsel is wise.

¹⁶A fool’s wrath is presently known: but a prudent man covereth shame.

¹⁷He that speaketh truth sheweth forth righteousness: but a false witness deceit.

¹⁸There is that speaketh like the piercings of a sword: but the tongue of the wise is health.

¹⁹The lip of truth shall be established for ever: but a lying tongue is but for a moment.

²⁰Deceit is in the heart of them that imagine evil: but to the counsellors of peace is joy.

²¹There shall no evil happen to the just: but the wicked shall be filled with mischief.

²²Lying lips are abomination to the Lord: but they that deal truly are his delight.

²³A prudent man concealeth knowledge: but the heart of fools proclaimeth foolishness.

²⁴The hand of the diligent shall bear rule: but the slothful shall be under tribute.

²⁵Heaviness in the heart of man maketh it stoop: but a good word maketh it glad.

²⁶The righteous is more excellent than his neighbour: but the way of the wicked seduceth them.

²⁷The slothful man roasteth not that which he took in hunting: but the substance of a diligent man is precious.

²⁸In the way of righteousness is life; and in the pathway thereof there is no death.