I Corinthians 11

¹Be ye my foleweris, as Y am of Crist.

²And, britheren, Y preise you, that bi alle thingis ye ben myndeful of me; and as Y bitook to you my comaundementis, ye holden.

³But Y wole that ye wite, that Crist is heed of ech man; but the heed of the womman is the man; and the heed of Crist is God.

⁴Ech man preiynge, or profeciynge, whanne his heed is hilid, defoulith his heed.

⁵But ech womman preiynge, or profeciynge, whanne hir heed is not hilid, defoulith hir heed; for it is oon, as if sche were pollid.

⁶And if a womman be not keuered, be sche pollid; and if it is foul thing to a womman to be pollid, or to be maad ballid, hile sche hir heed.

⁷But a man schal not hile his heed, for he is the ymage and the glorie of God; but a womman is the glorie of man.

⁸For a man is not of the womman, but the womman of the man.

⁹And the man is not maad for the womman, but the womman for the man.

¹⁰Therfor the womman schal haue an hilyng on hir heed, also for aungelis.

¹¹Netheles nether the man is with outen womman, nether the womman is with oute man, in the Lord.

¹²Forwhi as the womman is of man, so the man is bi the womman; but alle thingis ben of God.

¹³Deme ye you silf; bisemeth it a womman not hilid on the heed to preye God?

¹⁴Nether the kynde it silf techith vs, for if a man nursche longe heer, it is schenschipe to hym;

¹⁵but if a womman nurische longe heer, it is glorie to hir, for heeris ben youun to hir for keueryng.

¹⁶But if ony man is seyn to be ful of strijf, we han noon siche custom, nethir the chirche of God.

¹⁷But this thing Y comaunde, not preisynge, that ye comen togidere not in to the betere, but in to the worse.

¹⁸First for whanne ye comen togidere in to the chirche, Y here that discenciouns ben, and in parti Y bileue.

¹⁹For it bihoueth eresies to be, that thei that ben prouyd, ben opynli knowun in you.

²⁰Therfor whanne ye comen togidere in to oon, now it is not to ete the Lordis soper;

²¹for whi ech man bifor takith his soper to ete, and oon is hungry, and another is drunkun.

²²Whether ye han not housis to ete and drynke, or ye dispisen the chirche of God, and confounden hem that han noon? What schal Y seie to you? Y preise you, but here yn Y preise you not.

²³For Y haue takun of the Lord that thing, which Y haue bitakun to you. For the Lord Jhesu, in what niyt he was bitraied,

²⁴took breed, and dide thankyngis, and brak, and seide, Take ye, and ete ye; this is my bodi, which schal be bitraied for you; do ye this thing in to my mynde.

²⁵Also the cuppe, aftir that he hadde soupid, and seide, This cuppe is the newe testament in my blood; do ye this thing, as ofte as ye schulen drynke, in to my mynde.

²⁶For as ofte as ye schulen ete this breed, and schulen drynke the cuppe, ye schulen telle the deth of the Lord, til that he come.

²⁷Therfor who euere etith the breed, or drynkith the cuppe of the Lord vnworthili, he schal be gilti of the bodi and of the blood of the Lord.

²⁸But preue a man hym silf, and so ete he of `the ilke breed, and drynke of the cuppe.

²⁹For he that etith and drinkith vnworthili, etith and drinkith doom to hym, not wiseli demyng the bodi of the Lord.

³⁰Therfor among you many ben sijke and feble, and manye slepen.

³¹And if we demyden wiseli vs silf, we schulden not be demyd;

³²but while we ben demyd of the Lord, we ben chastisid, that we be not dampnyd with this world.

³³Therfor, my britheren, whanne ye comen togidere to ete, abide ye togidere.

³⁴If ony man hungrith, ete he at home, that ye come not togidere in to doom. And Y schal dispose othere thingis, whanne Y come.

I Corinthians 11

¹Be ye followers of me, even as I also am of Christ.

²Now I praise you, brethren, that ye remember me in all things, and keep the ordinances, as I delivered them to you.

³But I would have you know, that the head of every man is Christ; and the head of the woman is the man; and the head of Christ is God.

⁴Every man praying or prophesying, having his head covered, dishonoureth his head.

⁵But every woman that prayeth or prophesieth with her head uncovered dishonoureth her head: for that is even all one as if she were shaven.

⁶For if the woman be not covered, let her also be shorn: but if it be a shame for a woman to be shorn or shaven, let her be covered.

⁷For a man indeed ought not to cover his head, forasmuch as he is the image and glory of God: but the woman is the glory of the man.

⁸For the man is not of the woman; but the woman of the man.

⁹Neither was the man created for the woman; but the woman for the man.

¹⁰For this cause ought the woman to have power on her head because of the angels.

¹¹Nevertheless neither is the man without the woman, neither the woman without the man, in the Lord.

¹²For as the woman is of the man, even so is the man also by the woman; but all things of God.

¹³Judge in yourselves: is it comely that a woman pray unto God uncovered?

¹⁴Doth not even nature itself teach you, that, if a man have long hair, it is a shame unto him?

¹⁵But if a woman have long hair, it is a glory to her: for her hair is given her for a covering.

¹⁶But if any man seem to be contentious, we have no such custom, neither the churches of God.

¹⁷Now in this that I declare unto you I praise you not, that ye come together not for the better, but for the worse.

¹⁸For first of all, when ye come together in the church, I hear that there be divisions among you; and I partly believe it.

¹⁹For there must be also heresies among you, that they which are approved may be made manifest among you.

²⁰When ye come together therefore into one place, this is not to eat the Lord’s supper.

²¹For in eating every one taketh before other his own supper: and one is hungry, and another is drunken.

²²What? have ye not houses to eat and to drink in? or despise ye the church of God, and shame them that have not? What shall I say to you? shall I praise you in this? I praise you not.

²³For I have received of the Lord that which also I delivered unto you, That the Lord Jesus the same night in which he was betrayed took bread:

²⁴And when he had given thanks, he brake it, and said, Take, eat: this is my body, which is broken for you: this do in remembrance of me.

²⁵After the same manner also he took the cup, when he had supped, saying, This cup is the new testament in my blood: this do ye, as oft as ye drink it, in remembrance of me.

²⁶For as often as ye eat this bread, and drink this cup, ye do shew the Lord’s death till he come.

²⁷Wherefore whosoever shall eat this bread, and drink this cup of the Lord, unworthily, shall be guilty of the body and blood of the Lord.

²⁸But let a man examine himself, and so let him eat of that bread, and drink of that cup.

²⁹For he that eateth and drinketh unworthily, eateth and drinketh damnation to himself, not discerning the Lord’s body.

³⁰For this cause many are weak and sickly among you, and many sleep.

³¹For if we would judge ourselves, we should not be judged.

³²But when we are judged, we are chastened of the Lord, that we should not be condemned with the world.

³³Wherefore, my brethren, when ye come together to eat, tarry one for another.

³⁴And if any man hunger, let him eat at home; that ye come not together unto condemnation. And the rest will I set in order when I come.