I Corinthians 10

¹Britheren, Y nyle, that ye vnknowe, that alle oure fadris weren vndur cloude, and alle passiden the see;

²and alle weren baptisid in Moises, in the cloude and in the see;

³and alle eeten the same spiritual mete,

⁴and alle drunken the same spiritual drynke; thei drunken of the spiritual stoon folewynge hem; and the stoon was Crist.

⁵But not in ful manye of hem it was wel pleasaunt to God; for whi thei weren cast doun in desert.

⁶But these thingis ben don in figure of vs, that we be not coueyteris of yuele thingis, as thei coueitiden.

⁷Nether be ye maad idolatreris, as summe of hem; as it is writun, The puple sat to ete and drynke, and thei risen vp to pleie.

⁸Nether do we fornycacioun, as summe of hem diden fornicacioun, and thre and twenti thousyndis weren deed in o dai.

⁹Nethir tempte we Crist, as summe of hem temptiden, and perischiden of serpentis.

¹⁰Nether grutche ye, as summe of hem grutchiden, and thei perischiden of a distrier.

¹¹And alle these thingis felliden to hem in figure; but thei ben writun to oure amendyng, in to whiche the endis of the worldis ben comun.

¹²Therfor he that gessith hym, `that he stondith, se he, that he falle not.

¹³Temptacioun take `not you, but mannus temptacioun; for God is trewe, which schal not suffre you to be temptid aboue that that ye moun; but he schal make with temptacioun also purueyaunce, that ye moun suffre.

¹⁴Wherfor, ye most dereworthe to me, fle ye fro worschiping of maumetis.

¹⁵As to prudent men Y speke, deme ye you silf that thing that Y seie.

¹⁶Whether the cuppe of blessyng which we blessen, is not the comynyng of Cristis blood? and whether the breed which we breken, is not the takyng of the bodi of the Lord?

¹⁷For we manye ben o breed and o bodi, alle we that taken part of o breed and of o cuppe.

¹⁸Se ye Israel aftir the fleisch, whethir thei that eeten sacrifices, ben not partyneris of the auter?

¹⁹What therfor seie Y, that a thing that is offrid to idols is ony thing, or that the idol is ony thing?

²⁰But tho thingis that hethene men offren, thei offren to deuelis, and not to God. But Y nyle, that ye ben maad felowis of feendis; for ye moun not drynke the cuppe of the Lord, and the cuppe of fendis;

²¹ye moun not be parteneris of the boord of the Lord, and of the bord of feendis.

²²Whether we han enuye to the Lord? whether we ben strengere then he? Alle thingis ben leeueful to me, but not alle thingis ben spedeful.

²³Alle thingis ben leeueful to me, but not alle thingis edifien.

²⁴No man seke that thing that is his owne, but that thing that is of an othere.

²⁵Al thing that is seld in the bocherie, ete ye, axynge no thing for conscience.

²⁶The erthe and the plente of it is, the Lordis.

²⁷If ony of hethene men clepith you to soper, and ye wole go, al thing that is set to you, ete ye, axynge no thing for conscience.

²⁸But if ony man seith, This thing is offrid to idols, nyle ye ete, for hym that schewide, and for conscience; and Y seie not,

²⁹thi conscience, but of an othere. But wherto is my fredom demed of an othere mannus conscience?

³⁰Therfor if Y take part with grace, what am Y blasfemed, for that that Y do thankyngis?

³¹Therfor whether ye eten, or drynken, or don ony other thing, do ye alle thingis `in to the glorie of God.

³²Be ye with outen sclaundre to Jewis, and to hethene men, and to the chirche of God;

³³as Y bi alle thingis plese to alle men, not sekynge that that is profitable to me, but that that is profitable to manye men, that thei be maad saaf.

I Corinthians 10

¹Moreover, brethren, I would not that ye should be ignorant, how that all our fathers were under the cloud, and all passed through the sea;

²And were all baptized unto Moses in the cloud and in the sea;

³And did all eat the same spiritual meat;

⁴And did all drink the same spiritual drink: for they drank of that spiritual Rock that followed them: and that Rock was Christ.

⁵But with many of them God was not well pleased: for they were overthrown in the wilderness.

⁶Now these things were our examples, to the intent we should not lust after evil things, as they also lusted.

⁷Neither be ye idolaters, as were some of them; as it is written, The people sat down to eat and drink, and rose up to play.

⁸Neither let us commit fornication, as some of them committed, and fell in one day three and twenty thousand.

⁹Neither let us tempt Christ, as some of them also tempted, and were destroyed of serpents.

¹⁰Neither murmur ye, as some of them also murmured, and were destroyed of the destroyer.

¹¹Now all these things happened unto them for ensamples: and they are written for our admonition, upon whom the ends of the world are come.

¹²Wherefore let him that thinketh he standeth take heed lest he fall.

¹³There hath no temptation taken you but such as is common to man: but God is faithful, who will not suffer you to be tempted above that ye are able; but will with the temptation also make a way to escape, that ye may be able to bear it.

¹⁴Wherefore, my dearly beloved, flee from idolatry.

¹⁵I speak as to wise men; judge ye what I say.

¹⁶The cup of blessing which we bless, is it not the communion of the blood of Christ? The bread which we break, is it not the communion of the body of Christ?

¹⁷For we being many are one bread, and one body: for we are all partakers of that one bread.

¹⁸Behold Israel after the flesh: are not they which eat of the sacrifices partakers of the altar?

¹⁹What say I then? that the idol is any thing, or that which is offered in sacrifice to idols is any thing?

²⁰But I say, that the things which the Gentiles sacrifice, they sacrifice to devils, and not to God: and I would not that ye should have fellowship with devils.

²¹Ye cannot drink the cup of the Lord, and the cup of devils: ye cannot be partakers of the Lord’s table, and of the table of devils.

²²Do we provoke the Lord to jealousy? are we stronger than he?

²³All things are lawful for me, but all things are not expedient: all things are lawful for me, but all things edify not.

²⁴Let no man seek his own, but every man another’s wealth.

²⁵Whatsoever is sold in the shambles, that eat, asking no question for conscience sake:

²⁶For the earth is the Lord’s, and the fulness thereof.

²⁷If any of them that believe not bid you to a feast, and ye be disposed to go; whatsoever is set before you, eat, asking no question for conscience sake.

²⁸But if any man say unto you, This is offered in sacrifice unto idols, eat not for his sake that shewed it, and for conscience sake: for the earth is the Lord’s, and the fulness thereof:

²⁹Conscience, I say, not thine own, but of the other: for why is my liberty judged of another man’s conscience?

³⁰For if I by grace be a partaker, why am I evil spoken of for that for which I give thanks?

³¹Whether therefore ye eat, or drink, or whatsoever ye do, do all to the glory of God.

³²Give none offence, neither to the Jews, nor to the Gentiles, nor to the church of God:

³³Even as I please all men in all things, not seeking mine own profit, but the profit of many, that they may be saved.