Galatians 4

¹But Y seie, as long tyme as the eir is a litil child, he dyuersith no thing fro a seruaunt, whanne he is lord of alle thingis;

²but he is vndur keperis and tutoris, in to the tyme determyned of the fadir.

³So we, whanne we weren litle children, we serueden vndur the elementis of the world.

⁴But aftir that the fulfilling of tyme cam, God sente his sone,

⁵maad of a womman, maad vndur the lawe, that he schulde ayenbie hem that weren vndur the lawe, that we schulden vnderfonge the adopcioun of sones.

⁶And for ye ben Goddis sones, God sente his spirit in to youre hertis, criynge, Abba, fadir.

⁷And so ther is not now a seruaunt, but a sone; and if he is a sone, he is an eir bi God.

⁸But thanne ye vnknowynge God, serueden to hem that in kynde weren not goddis.

⁹But now whanne ye han knowe God, and ben knowun of God, hou ben ye turned eftsoone to the febil and nedi elementis, to the whiche ye wolen eft serue?

¹⁰Ye taken kepe to daies, and monethis, and tymes, and yeris.

¹¹But Y drede you, lest without cause Y haue trauelid among you.

¹²Be ye as Y, for Y am as ye. Britheren, Y biseche you, ye han hurt me no thing.

¹³But ye knowen, that bi infirmyte of fleisch Y haue prechid to you now bifore;

¹⁴and ye dispiseden not, nether forsoken youre temptacioun in my fleisch, but ye resseyueden me as an aungel of God, as `Crist Jhesu.

¹⁵Where thanne is youre blessyng? For Y bere you witnesse, that if it myyte haue be don. ye wolden haue put out youre iyen, and haue yyuen hem to me.

¹⁶Am Y thanne maad an enemye to you, seiynge to you the sothe?

¹⁷Thei louen not you wel, but thei wolen exclude you, that ye suen hem.

¹⁸But sue ye the good euermore in good, and not oneli whanne Y am present with you.

¹⁹My smale children, whiche Y bere eftsoones, til that Crist be fourmed in you,

²⁰and Y wolde now be at you, and chaunge my vois, for Y am confoundid among you.

²¹Seie to me, ye that wolen be vndir the lawe, `han ye not red the lawe?

²²For it is writun, that Abraham hadde two sones, oon of a seruaunt, and oon of a fre womman.

²³But he that was of the seruaunt, was borun after the flesh; but he that was of the fre womman, by a biheeste.

²⁴The whiche thingis ben seid bi an othir vndirstonding. For these ben two testamentis; oon in the hille of Synai, gendringe in to seruage, which is Agar.

²⁵For Syna is an hille that is in Arabie, which hille is ioyned to it that is now Jerusalem, and seruith with hir children.

²⁶But that Jerusalem that is aboue, is fre, whiche is oure modir.

²⁷For it is writun, Be glad, thou bareyn, that berist not; breke out and crye, that bringist forth no children; for many sones ben of hir that is left of hir hosebonde, more than of hir that hath an hosebonde.

²⁸For, britheren, we ben sones of biheeste aftir Isaac;

²⁹but now as this that was borun after the fleisch pursuede him that was aftir the spirit, so now.

³⁰But what seith the scripture? Caste out the seruaunt and hir sone, for the sone of the seruaunt schal not be eir with the sone of the fre wijf.

³¹And so, britheren, we ben not sones of the seruaunt, but of the fre wijf, bi which fredom Crist hath maad vs fre.

Galatians 4

¹Now I say, That the heir, as long as he is a child, differeth nothing from a servant, though he be lord of all;

²But is under tutors and governors until the time appointed of the father.

³Even so we, when we were children, were in bondage under the elements of the world:

⁴But when the fulness of the time was come, God sent forth his Son, made of a woman, made under the law,

⁵To redeem them that were under the law, that we might receive the adoption of sons.

⁶And because ye are sons, God hath sent forth the Spirit of his Son into your hearts, crying, Abba, Father.

⁷Wherefore thou art no more a servant, but a son; and if a son, then an heir of God through Christ.

⁸Howbeit then, when ye knew not God, ye did service unto them which by nature are no gods.

⁹But now, after that ye have known God, or rather are known of God, how turn ye again to the weak and beggarly elements, whereunto ye desire again to be in bondage?

¹⁰Ye observe days, and months, and times, and years.

¹¹I am afraid of you, lest I have bestowed upon you labour in vain.

¹²Brethren, I beseech you, be as I am; for I am as ye are: ye have not injured me at all.

¹³Ye know how through infirmity of the flesh I preached the gospel unto you at the first.

¹⁴And my temptation which was in my flesh ye despised not, nor rejected; but received me as an angel of God, even as Christ Jesus.

¹⁵Where is then the blessedness ye spake of? for I bear you record, that, if it had been possible, ye would have plucked out your own eyes, and have given them to me.

¹⁶Am I therefore become your enemy, because I tell you the truth?

¹⁷They zealously affect you, but not well; yea, they would exclude you, that ye might affect them.

¹⁸But it is good to be zealously affected always in a good thing, and not only when I am present with you.

¹⁹My little children, of whom I travail in birth again until Christ be formed in you,

²⁰I desire to be present with you now, and to change my voice; for I stand in doubt of you.

²¹Tell me, ye that desire to be under the law, do ye not hear the law?

²²For it is written, that Abraham had two sons, the one by a bondmaid, the other by a freewoman.

²³But he who was of the bondwoman was born after the flesh; but he of the freewoman was by promise.

²⁴Which things are an allegory: for these are the two covenants; the one from the mount Sinai, which gendereth to bondage, which is Agar.

²⁵For this Agar is mount Sinai in Arabia, and answereth to Jerusalem which now is, and is in bondage with her children.

²⁶But Jerusalem which is above is free, which is the mother of us all.

²⁷For it is written, Rejoice, thou barren that bearest not; break forth and cry, thou that travailest not: for the desolate hath many more children than she which hath an husband.

²⁸Now we, brethren, as Isaac was, are the children of promise.

²⁹But as then he that was born after the flesh persecuted him that was born after the Spirit, even so it is now.

³⁰Nevertheless what saith the scripture? Cast out the bondwoman and her son: for the son of the bondwoman shall not be heir with the son of the freewoman.

³¹So then, brethren, we are not children of the bondwoman, but of the free.