1The title of the eiytetithe salm. To the ouercomer in the pressours of Asaph.

stylus

2Make ye fulli ioye to God, oure helpere; synge ye hertli to God of Jacob.

stylus

3Take ye a salm, and yyue ye a tympan; a myrie sautere with an harpe.

stylus

4Blowe ye with a trumpe in Neomenye; in the noble dai of youre solempnite.

stylus

5For whi comaundement is in Israel; and doom is to God of Jacob.

stylus

6He settide that witnessing in Joseph; whanne he yede out of the lond of Egipt, he herde a langage, which he knew not.

stylus

7He turnede a wei his bak fro birthens; hise hondis serueden in a coffyn.

stylus

8In tribulacioun thou inwardli clepidist me, and Y delyuerede thee; Y herde thee in the hid place of tempest, Y preuede thee at the water of ayenseiyng.

stylus

9My puple, here thou, and Y schal be witnesse ayens thee;

stylus

10Israel, if thou herist me, a fresche God schal not be in thee, and thou schalt not worschipe an alien god.

stylus

11For Y am thi Lord God, that ladde thee out of the lond of Egipt; make large thi mouth, and Y schal fille it.

stylus

12And my puple herde not my vois; and Israel yaue not tente to me.

stylus

13And Y lefte hem aftir the desiris of her herte; thei schulen go in her fyndyngis.

stylus

14If my puple hadde herde me; if Israel hadde go in my weies.

stylus

15For nouyt in hap Y hadde maad low her enemyes; and Y hadde send myn hond on men doynge tribulacioun to hem.

stylus

16The enemyes of the Lord lieden to hym; and her tyme schal be in to worldis.

stylus

17And he fedde hem of the fatnesse of whete; and he fillide hem with hony of the stoon.

stylus