1The title of the fyue and seuentithe salm. To the victorie in orguns, `the salm of the song of Asaph.

stylus

2God is knowun in Judee; his name is greet in Israel.

stylus

3And his place is maad in pees; and his dwellyng is in Syon.

stylus

4Ther he brak poweris; bowe, scheeld, swerd, and batel.

stylus

5And thou, God, liytnest wondirfuli fro euerlastynge hillis;

stylus

6alle vnwise men of herte weren troblid. Thei slepten her sleep; and alle men founden no thing of richessis in her hondis.

stylus

7Thei that stieden on horsis; slepten for thi blamyng, thou God of Jacob.

stylus

8Thou art feerful, and who schal ayenstonde thee? fro that tyme thin ire.

stylus

9Fro heuene thou madist doom herd; the erthe tremblide, and restide.

stylus

10Whanne God roos vp in to doom; to make saaf al the mylde men of erthe.

stylus

11For the thouyt of man schal knouleche to thee; and the relifs of thouyt schulen make a feeste dai to thee.

stylus

12Make ye a vow, and yelde ye to youre Lord God; alle that bringen yiftis in the cumpas of it.

stylus

13To God ferdful, and to him that takith awei the spirit of prynces; to the ferdful at the kyngis of erthe.

stylus