1The title of the nyne and fiftithe salm. `In Ebreu thus, To victorie, on the witnessyng of roose, the swete song of Dauid, to teche, `whanne he fauyte ayens Aram of floodis, and Sirie of Soba; and Joab turnede ayen, and smoot Edom in the `valei of salt pittis, twelue thousynde. `In Jeroms translacioun thus,

stylus

2To the ouercomer for lilies, the witnessing of meke and parfit Dauid, to teche, whanne he fauyte ayens Sirie of Mesopotamye, and Soba, and so forth.

stylus

3God, thou hast put awei vs, and thou hast distried vs; thou were wrooth, and thou hast do merci to vs.

stylus

4Thou mouedist the erthe, and thou disturblidist it; make thou hool the sorewis therof, for it is moued.

stylus

5Thou schewidist harde thingis to thi puple; thou yauest drynk to vs with the wyn of compunccioun.

stylus

6Thou hast youe a signefiyng to hem that dreden thee; that thei fle fro the face of the bouwe. That thi derlyngis be delyuered;

stylus

7make thou saaf with thi riyt hond `the puple of Israel, and here thou me.

stylus

8God spak bi his hooli; Y schal be glad, and Y schal departe Siccimam, and Y schal meete the greet valei of tabernaclis.

stylus

9Galaad is myn, and Manasses is myn; and Effraym is the strengthe of myn heed.

stylus

10Juda is my king; Moab is the pot of myn hope. In to Idumee Y schal stretche forth my scho; aliens ben maad suget to me.

stylus

11Who schal lede me in to a citee maad strong; who schal leede me til in to Ydumee?

stylus

12Whether not thou, God, that hast put awei vs; and schalt thou not, God, go out in oure vertues?

stylus

13Lord, yyue thou to vs help of tribulacioun; for the heelthe of man is veyn.

stylus

14In God we schulen make vertu; and he schal bringe to nouyt hem that disturblen vs.

stylus