1The title of the sixte and fiftithe salm. `In Ebreu thus, To the victorie, lese thou not the semeli song, `ether the `swete song of Dauid, `whanne he fledde fro the face of Saul in to the denne. `In Jeroms translacioun thus, For victorie, that thou lese not Dauid, meke and simple, whanne he fledde fro the face of Saul in to the denne.

stylus

2God, haue thou merci on me, haue thou merci on me; for my soule tristith in thee. And Y schal hope in the schadewe of thi wyngis; til wickidnesse passe.

stylus

3I schal crye to God altherhiyeste; to God that dide wel to me.

stylus

4He sente fro heuene, and delyuerede me; he yaf in to schenschip hem that defoulen me. God sente his merci and his treuthe,

stylus

5and delyuerede my soule fro the myddis of whelpis of liouns; Y slepte disturblid. The sones of men, the teeth of hem ben armuris and arowis; and her tunge is a scharp swerd.

stylus

6God, be thou enhaunsid aboue heuenes; and thi glorie aboue al erthe.

stylus

7Thei maden redi a snare to my feet; and thei greetly boweden my lijf. Thei delueden a diche bifore my face; and thei felden doun in to it.

stylus

8God, myn herte is redi, myn herte is redi; Y schal singe, and Y schal seie salm.

stylus

9Mi glorie, rise thou vp; sautrie and harpe, rise thou vp; Y schal rise vp eerli.

stylus

10Lord, Y schal knouleche to thee among puplis; and Y schal seie salm among hethene men.

stylus

11For thi merci is magnified til to heuenes; and thi treuthe til to cloudis.

stylus

12God, be thou enhaunsid aboue heuenes; and thi glorie ouer al erthe.

stylus