1The title of the seuene and fourtithe salm. The song of salm, of the sones of Chore.

stylus

2The Lord is greet, and worthi to be preisid ful myche; in the citee of oure God, in the hooli hil of hym.

stylus

3It is foundid in the ful out ioiyng of al erthe; the hil of Syon; the sidis of the north, the citee of the greet kyng.

stylus

4God schal be knowun in the housis therof; whanne he schal take it.

stylus

5For lo! the kyngis of erthe weren gaderid togidere; thei camen into o place.

stylus

6Thei seynge so wondriden; thei weren disturblid, thei weren mouyd togidere, tremblyng took hem.

stylus

7There sorewis as of a womman trauelynge of child;

stylus

8in a greet spirit thou schalt al to-breke the schippis of Tharsis.

stylus

9As we herden, so we sien, in the citee of the Lord of vertues, in the citee of oure God; God hath foundid that citee with outen ende.

stylus

10God, we han resseyued thi mercy; in the myddis of thi temple.

stylus

11Aftir thi name, God, so thin heriyng is spred abrood in to the endis of erthe; thi riyt hond is ful of riytfulnesse.

stylus

12The hil of Sion be glad, and the douytris of Judee be fulli ioiful; for thi domes, Lord.

stylus

13Cumpasse ye Syon, and biclippe ye it; telle ye in the touris therof.

stylus

14Sette ye youre hertis in the vertu of him; and departe ye the housis of hym, that ye telle out in an other generacioun.

stylus

15For this is God, oure God, in to withouten ende, and in to the world of world; he schal gouerne vs in to worldis.

stylus