1The title of the oon and fourtithe salm. To victorie, to the sones of Chore.

stylus

2As an hert desirith to the wellis of watris; so thou, God, my soule desirith to thee.

stylus

3Mi soule thirstide to God, `that is a `quik welle; whanne schal Y come, and appere bifor the face of God?

stylus

4Mi teeris weren looues to me bi dai and nyyt; while it is seid to me ech dai, Where is thi God?

stylus

5I bithouyte of these thingis, and Y schedde out in me my soule; for Y schal passe in to the place of the wondurful tabernacle, til to the hows of God. In the vois of ful out ioiyng and knoulechyng; is the sown of the etere.

stylus

6Mi soule, whi art thou sory; and whi disturblist thou me? Hope thou in God, for yit Y schal knouleche to hym; he is the helthe of my cheer,

stylus

7and my God. My soule is disturblid at my silf; therfor, God, Y schal be myndeful of thee fro the lond of Jordan, and fro the litil hil Hermonyim.

stylus

8Depthe clepith depthe; in the vois of thi wyndows. Alle thin hiye thingis and thi wawis; passiden ouer me.

stylus

9The Lord sente his merci in the dai; and his song in the nyyt.

stylus

10At me is a preier to the God of my lijf; Y schal seie to God, Thou art my `takere vp. Whi foryetist thou me; and whi go Y sorewful, while the enemy turmentith me?

stylus

11While my boonys ben brokun togidere; myn enemyes, that troblen me, dispiseden me. While thei seien to me, bi alle daies; Where is thi God?

stylus

12Mi soule, whi art thou sori; and whi disturblist thou me? Hope thou in God, for yit Y schal knouleche to hym; `he is the helthe of my cheer, and my God.

stylus