1The title of the fyue and twentithe salm. `To Dauid. Lord, deme thou me, for Y entride in myn innocens; and Y hopynge in the Lord schal not be made vnstidfast.

stylus

2Lord, preue thou me, and asaie me; brenne thou my reynes, and myn herte.

stylus

3For whi thi merci is bifor myn iyen; and Y pleside in thi treuthe.

stylus

4I sat not with the counsel of vanyte; and Y schal not entre with men doynge wickid thingis.

stylus

5I hatide the chirche of yuele men; and Y schal not sitte with wickid men.

stylus

6I schal waische myn hondis among innocentis; and, Lord, Y schal cumpasse thin auter.

stylus

7That Y here the vois of heriyng; and that Y telle out alle thi merueils.

stylus

8Lord, Y haue loued the fairnesse of thin hows; and the place of the dwellyng of thi glorie.

stylus

9God, leese thou not my soule with vnfeithful men; and my lijf with men of bloodis.

stylus

10In whose hondis wyckidnessis ben; the riythond of hem is fillid with yiftis.

stylus

11But Y entride in myn innocens; ayenbie thou me, and haue merci on me.

stylus

12Mi foot stood in riytfulnesse; Lord, Y schal blesse thee in chirchis.

stylus