1The `title of the hundred and fyue and fourtithe `salm. Alleluya.

stylus

2Mi soule, herie thou the Lord; Y schal herie the Lord in my lijf, Y schal synge to my God as longe as Y schal be. Nile ye triste in princis;

stylus

3nether in the sones of men, in whiche is noon helthe.

stylus

4The spirit of hym schal go out, and he schal turne ayen in to his erthe; in that dai alle the thouytis of hem schulen perische.

stylus

5He is blessid, of whom the God of Jacob is his helpere, his hope is in his Lord God, that made heuene and erthe;

stylus

6the see, and alle thingis that ben in tho.

stylus

7Which kepith treuthe in to the world, makith dom to hem that suffren wrong; yyueth mete to hem that ben hungri. The Lord vnbyndith feterid men;

stylus

8the Lord liytneth blynde men. The Lord reisith men hurtlid doun; the Lord loueth iust men.

stylus

9The Lord kepith comelyngis, he schal take vp a modirles child, and widewe; and he schal distrie the weies of synners.

stylus

10The Lord schal regne in to the worldis; Syon, thi God schal regne in generacioun and in to generacioun.

stylus