1The title of the hundrid and foure and thrittithe salm. Alleluya. Herie ye the name of the Lord; ye seruauntis of the Lord, herie ye.

stylus

2Ye that stonden in the hous of the Lord; in the hallis of `the hous of oure God.

stylus

3Herie ye the Lord, for the Lord is good; singe ye to his name, for it is swete.

stylus

4For the Lord chees Jacob to him silf; Israel in to possessioun to him silf.

stylus

5For Y haue knowe, that the Lord is greet; and oure God bifore alle goddis.

stylus

6The Lord made alle thingis, what euere thingis he wolde, in heuene and in erthe; in the see, and in alle depthis of watris.

stylus

7He ledde out cloudis fro the ferthest part of erthe; and made leitis in to reyn. Which bringith forth wyndis fro hise tresours;

stylus

8which killide the firste gendrid thingis of Egipt, fro man `til to beeste.

stylus

9He sente out signes and grete wondris, in the myddil of thee, thou Egipt; in to Farao and in to alle hise seruauntis.

stylus

10Which smoot many folkis; and killide stronge kingis.

stylus

11Seon, the king of Ammorreis, and Og, the king of Basan; and alle the rewmes of Chanaan.

stylus

12And he yaf the lond of hem eritage; eritage to Israel, his puple.

stylus

13Lord, thi name is with outen ende; Lord, thi memorial be in generacioun and in to generacioun.

stylus

14For the Lord schal deme his puple; and he schal be preied in hise seruauntis.

stylus

15The symulacris of hethene men ben siluer and gold; the werkis of the hondis of men.

stylus

16Tho han a mouth, and schulen not speke; tho han iyen, and schulen not se.

stylus

17Tho han eeris, and schulen not here; for `nether spirit is in the mouth of tho.

stylus

18Thei that maken tho, be maad lijk tho; and alle that tristen in tho.

stylus

19The hous of Israel, blesse ye the Lord; the hous of Aaron, blesse ye the Lord.

stylus

20The hous of Leuy, blesse ye the Lord; ye that dreden the Lord, `blesse ye the Lord.

stylus

21Blessid be the Lord of Syon; that dwellith in Jerusalem.

stylus