1The `title of the hundrid and enleuenthe salm. Alleluya. Blissid is the man that dredith the Lord; he schal wilne ful myche in hise comaundementis.

stylus

2His seed schal be myyti in erthe; the generacioun of riytful men schal be blessid.

stylus

3Glorie and richessis ben in his hous; and his riytfulnesse dwellith in to the world of world.

stylus

4Liyt is risun vp in derknessis to riytful men; the Lord is merciful in wille, and a merciful doere, and riytful.

stylus

5The man is merye, that doith merci, and leeneth; he disposith hise wordis in dom;

stylus

6for he schal not be moued with outen ende.

stylus

7A iust man schal be in euerlastinge mynde; he schal not drede of an yuel heryng. His herte is redi for to hope in the Lord;

stylus

8his herte is confermed, he schal not be moued, til he dispise hise enemyes.

stylus

9He spredde abrood, he yaf to pore men; his riytwisnesse dwellith in to the world of world; his horn schal be reisid in glorie.

stylus

10A synner schal se, and schal be wrooth; he schal gnaste with hise teeth, and schal faile; the desijr of synneris schal perische.

stylus