1The `title of the hundrid and sixte salm. Alleluya. Knouleche ye to the Lord, for he is good; for his merci is in to the world.

stylus

2Sei thei, that ben ayen bouyt of the Lord; whiche he ayen bouyte fro the hond of the enemye, fro cuntreis he gaderide hem togidere.

stylus

3Fro the risyng of the sunne, and fro the goyng doun; fro the north, and fro the see.

stylus

4Thei erriden in wildirnesse, in a place with out watir; thei founden not weie of the citee of dwellyng place.

stylus

5Thei weren hungri and thirsti; her soule failide in hem.

stylus

6And thei crieden to the Lord, whanne thei weren set in tribulacioun; and he delyuerede hem fro her nedynesses.

stylus

7And he ledde forth hem in to the riyt weie; that thei schulden go in to the citee of dwelling.

stylus

8The mercies of the Lord knouleche to hym; and hise merueilis knouleche to the sones of men.

stylus

9For he fillide a voide man; and he fillide with goodis an hungry man.

stylus

10God delyuerede men sittynge in derknessis, and in the schadowe of deth; and men prisoned in beggerye and in yrun.

stylus

11For thei maden bitter the spechis of God; and wraththiden the councel of the hiyeste.

stylus

12And the herte of hem was maad meke in trauelis; and thei weren sijk, and noon was that helpide.

stylus

13And thei crieden to the Lord, whanne thei weren set in tribulacioun; and he delyuerede hem from her nedynessis.

stylus

14And he ledde hem out of derknessis, and schadowe of deth; and brak the boondis of hem.

stylus

15The mercies of the Lord knouleche to hym; and hise merueils knouleche to the sones of men.

stylus

16For he al to-brak brasun yatis; and he brak yrun barris.

stylus

17He vptook hem fro the weie of her wickidnesse; for thei weren maad lowe for her vnriytfulnesses.

stylus

18The soule of hem wlatide al mete; and thei neiyeden `til to the yatis of deth.

stylus

19And thei crieden to the Lord, whanne thei weren set in tribulacioun; and he delyuerede hem fro her nedynessis.

stylus

20He sente his word, and heelide hem; and delyuerede hem fro the perischingis of hem.

stylus

21The mercies of the Lord knouleche to hym; and hise merueils to the sones of men.

stylus

22And offre thei the sacrifice of heriyng; and telle thei hise werkis in ful out ioiyng.

stylus

23Thei that gon doun in to the see in schippis; and maken worching in many watris.

stylus

24Thei sien the werkis of the Lord; and hise merueilis in the depthe.

stylus

25He seide, and the spirit of tempest stood; and the wawis therof weren arerid.

stylus

26Thei stien til to heuenes, and goen doun `til to the depthis; the soule of hem failide in yuelis.

stylus

27Thei weren troblid, and thei weren moued as a drunkun man; and al the wisdom of hem was deuourid.

stylus

28And thei crieden to the Lord, whanne thei weren set in tribulacioun; and he ledde hem out of her nedynessis.

stylus

29And he ordeynede the tempest therof in to a soft wynde; and the wawis therof weren stille.

stylus

30And thei weren glad, for tho weren stille; and he ladde hem forth in to the hauene of her wille.

stylus

31The mercies of the Lord knouleche to hym; and hise merueilis to the sones of men.

stylus

32And enhaunse thei him in the chirche of the puple; and preise thei him in the chaier of eldre men.

stylus

33He hath set floodis in to deseert; and the out goingis of watris in to thirst.

stylus

34He hath set fruytful lond in to saltnesse; for the malice of men dwellyng ther ynne.

stylus

35He hath set deseert in to pondis of watris; and erthe with out watir in to outgoyngis of watris.

stylus

36And he settide there hungri men; and thei maden a citee of dwelling.

stylus

37And thei sowiden feeldis, and plauntiden vynes; and maden fruyt of birthe.

stylus

38And he blesside hem, and thei weren multiplied greetli; and he made not lesse her werk beestis.

stylus

39And thei weren maad fewe; and thei weren trauelid of tribulacioun of yuelis and of sorewis.

stylus

40Strijf was sched out on princes; and he made hem for to erre without the weie, and not in the weie.

stylus

41And he helpide the pore man fro pouert; and settide meynees as a scheep bringynge forth lambren.

stylus

42Riytful men schulen se, and schulen be glad; and al wickidnesse schal stoppe his mouth.

stylus

43Who is wijs, and schal kepe these thingis; and schal vndirstonde the mercies of the Lord?

stylus