1And the Lord spak to Moises, `and seide, Speke thou to the sones of Israel,

stylus

2and thou schalt seie to hem, If a womman, whanne sche hath resseyued seed, childith a knaue child, sche schal be vnclene bi seuene daies bi the daies of departyng of corrupt blood, that renneth bi monethis;

stylus

Leviticus 15:19, Luke 2:22, Leviticus 15:19, Luke 2:22, Job 14:4

3and the yong child schal be circumsidid in the eiytithe dai.

stylus

Luke 2:21, Luke 2:21, Luke 1:59, Luke 1:59, John 7:22

4Sotheli sche schal dwelle thre and thretti daies in the blood of hir purifiyng; sche schal not touche ony hooli thing, nethir sche schal entre in to the seyntuarie, til the daies of her clensing be fillid.

stylus

Leviticus 15:25, Leviticus 15:28, Luke 2:22, Luke 2:23, Haggai 2:13

5Sotheli if sche childith a female, sche schal be vnclene twei woukis, bi the custom of flowyng of vnclene blood, and `thre scoor and sixe daies sche schal dwelle in the blood of her clensyng.

stylus

1 Timothy 2:14, 1 Timothy 2:15, Leviticus 12:4, Leviticus 12:2, Genesis 3:13

6And whanne the daies of hir clensyng, for a sone, ether for a douytir, ben fillid, sche schal brynge a lomb of o yeer in to brent sacrifice, and a `bryd of a culuer, ethir a turtle, for synne, to the dore of the tabernacle of witnessyng;

stylus

Luke 2:22, Luke 2:22, Leviticus 15:29, 2 Corinthians 5:21, 1 Peter 1:18

7and sche schal yyue to the preest, which schal offre tho bifor the Lord, and schal preye for hir, and so sche schal be clensid fro the fowyng of hir blood. This is the lawe of a womman childynge a male, ethir a female.

stylus

Hebrews 9:12, Hebrews 9:14, Job 14:4, Romans 3:26, Leviticus 4:31

8That if hir hond fyndith not, nethir may offre a lomb, sche schal take twei turtlis, ethir twei `briddis of culueres, oon in to brent sacrifice, and the tother for synne; and the preest schal preye for hir, and so sche schal be clensid.

stylus

Leviticus 5:7, Leviticus 5:7, Leviticus 4:26, Leviticus 4:26, Leviticus 14:22