1Sotheli Baldath Suytes answeride, and seide,

stylus

2Hou longe schalt thou speke siche thingis? The spirit of the word of thi mouth is manyfold.

stylus

3Whether God supplauntith, `ethir disseyueth, doom, and whether Almyyti God distrieth that, that is iust?

stylus

4Yhe, thouy thi sones synneden ayens hym, and he lefte hem in the hond of her wickidnesse;

stylus

5netheles, if thou risist eerli to God, and bisechist `Almyyti God, if thou goist clene and riytful,

stylus

6anoon he schal wake fulli to thee, and schal make pesible the dwellyng place of thi ryytfulnesse;

stylus

7in so miche that thi formere thingis weren litil, and that thi laste thingis be multiplied greetli.

stylus

8For whi, axe thou the formere generacioun, and seke thou diligentli the mynde of fadris. For we ben men of yistirdai, and `kunnen not; for oure daies ben as schadewe on the erthe.

stylus

10And thei schulen teche thee, thei schulen speke to thee, and of her herte thei schulen bring forth spechis.

stylus

11Whether a rusche may lyue with out moysture? ethir a spier `may wexe with out watir?

stylus

12Whanne it is yit in the flour, nethir is takun with hond, it wexeth drie bifor alle erbis.

stylus

13So the weies of alle men, that foryeten God; and the hope of an ypocrite schal perische.

stylus

14His cowardise schal not plese hym, and his trist schal be as a web of yreyns.

stylus

15He schal leene, `ether reste, on his hows, and it schal not stonde; he schal vndursette it, and it schal not rise togidere.

stylus

16The rusche semeth moist, bifor that the sunne come; and in the risyng of the sunne the seed therof schal go out.

stylus

17Rootis therof schulen be maad thicke on an heep of stoonys, and it schal dwelle among stoonys.

stylus

18If a man drawith it out of `his place, his place schal denye it, and schal seie, Y knowe thee not.

stylus

19For this is the gladnesse of his weie, that eft othere ruschis springe out of the erthe.

stylus

20Forsothe God schal not caste a wei a symple man, nethir schal dresse hond to wickid men;

stylus

21til thi mouth be fillid with leiytir, and thi lippis with hertli song.

stylus

22Thei that haten thee schulen be clothid with schenschip; and the tabernacle of wickid men schal not stonde.

stylus