1Forsothe Joob answeride, and seide,

stylus

2Y wolde, that my synnes, bi whiche Y `desseruede ire, and the wretchidnesse which Y suffre, weren peisid in a balaunce.

stylus

3As the grauel of the see, this wretchidnesse schulde appere greuousere; wherfor and my wordis ben ful of sorewe.

stylus

4For the arowis of the Lord ben in me, the indignacioun of whiche drynkith vp my spirit; and the dredis of the Lord fiyten ayens me.

stylus

5Whether a feeld asse schal rore, whanne he hath gras? Ethir whether an oxe schal lowe, whanne he stondith byfor a `ful cratche?

stylus

6Ether whethir a thing vnsauery may be etun, which is not maad sauery bi salt? Ether whether ony man may taaste a thing, which tastid bryngith deeth? For whi to an hungri soule, yhe, bittir thingis semen to be swete; tho thingis whiche my soule nolde touche bifore, ben now my meetis for angwisch.

stylus

8Who yyueth, that myn axyng come; and that God yyue to me that, that Y abide?

stylus

9And he that bigan, al to-breke me; releesse he his hond, and kitte me doun?

stylus

10And `this be coumfort to me, that he turmente me with sorewe, and spare not, and that Y ayenseie not the wordis of the hooli.

stylus

11For whi, what is my strengthe, that Y suffre? ethir which is myn ende, that Y do pacientli?

stylus

12Nethir my strengthe is the strengthe of stoonus, nether my fleisch is of bras.

stylus

13Lo! noon help is to me in me; also my meyneal frendis `yeden awey fro me.

stylus

14He that takith awei merci fro his frend, forsakith the drede of the Lord.

stylus

15My britheren passiden me, as a stronde doith, that passith ruschyngli in grete valeis.

stylus

16Snow schal come on hem, that dreden frost.

stylus

17In the tyme wherynne thei ben scaterid, thei schulen perische; and as thei ben hoote, thei schulen be vnknyt fro her place.

stylus

18The pathis of her steppis ben wlappid; thei schulen go in veyn, and schulen perische.

stylus

19Biholde ye the pathis of Theman, and the weies of Saba; and abide ye a litil.

stylus

20Thei ben schent, for Y hopide; and thei camen `til to me, and thei ben hilid with schame.

stylus

21Now ye ben comun, and now ye seen my wounde, and dreden.

stylus

22Whether Y seide, Brynge ye to me, and yiue ye of youre catel to me? ethir,

stylus

23Delyuere ye me fro the hond of enemy, and rauysche ye me fro the hond of stronge men?

stylus

24Teche ye me, and Y schal be stille; and if in hap Y vnknew ony thing, teche ye me.

stylus

25Whi han ye depraued the wordis of trewthe? sithen noon is of you, that may repreue me.

stylus

26Ye maken redi spechis oneli for to blame, and ye bryngen forth wordis in to wynde.

stylus

27Ye fallen in on a fadirles child, and enforsen to peruerte youre frend.

stylus

28Netheles fille ye that, that ye han bigunne; yyue ye the eere, and se ye, whether Y lie.

stylus

29Y biseche, answere ye with out strijf, and speke ye, and deme ye that, that is iust.

stylus

30And ye schulen not fynde wickidnesse in my tunge, nethir foli schal sowne in my chekis.

stylus