1Wo to them that maken wickid lawis, and thei writynge han wryte vnriytfulnesse, for to oppresse pore men in doom,

stylus

Matthew 5:13, Matthew 5:16, Matthew 5:13, Matthew 5:16, Galatians 2:12

2and to do violence to the cause of meke men of my puple; that widewis schulen be the prey of them, and that thei schulden rauysche fadirles children.

stylus

Luke 12:18, Luke 12:20, Luke 12:18, Luke 12:20, Ecclesiastes 10:10

3What schulen ye do in the dai of visitacioun, and of wretchidnesse comynge fro fer? To whos help schulen ye fle? and where schulen ye leeue youre glorie,

stylus

Proverbs 18:2, Proverbs 18:2, Proverbs 13:16, Proverbs 13:16, Proverbs 18:6

4that ye be not bowid doun vndur boond, and falle not doun with slayn men? On alle these thingis his strong veniaunce is not turned awei, but yit his hond is stretchid forth.

stylus

Ecclesiastes 8:3, Ecclesiastes 8:3, Proverbs 25:15, Proverbs 25:15, 1 Samuel 25:24

5Wo to Assur, he is the yerde and staf of my strong veniaunce; myn indignacioun is in the hond of them.

stylus

Ecclesiastes 5:13, Ecclesiastes 5:13, Ecclesiastes 9:3, Ecclesiastes 4:1, Ecclesiastes 6:1

6Y schal send hym to a fals folk, and Y schal comaunde to hym ayens the puple of my strong veniaunce; that he take awei the spuylis, and departe prey, and that he sette that puple in to defouling, as the fen of stretis.

stylus

Proverbs 28:12, Proverbs 28:12, Proverbs 29:2, Proverbs 29:2, Esther 3:1

7Forsothe he schal not deme so, and his herte schal not gesse so, but his herte schal be for to al to-breke, and to the sleynge of many folkis.

stylus

Proverbs 19:10, Esther 6:8, Proverbs 19:10, Esther 6:8, Proverbs 30:22

8For he schal seie, Whether my princes ben not kyngis to gidere?

stylus

Proverbs 26:27, Proverbs 26:27, Psalms 7:15, Psalms 7:16, Esther 7:10

9Whether not as Carcamys, so Calanno; and as Arphat, so Emath? whether not as Damask, so Samarie?

stylus

10As myn hond foond the rewmes of idol, so and the symylacris of hem of Jerusalem and of Samarie.

stylus

James 1:5, James 1:5, Colossians 4:5, Ecclesiastes 10:15, Colossians 4:5

11Whether not as Y dide to Samarie, and to the idols therof, so Y schal do to Jerusalem, and to the simylacris therof?

stylus

Psalms 58:4, Psalms 58:5, Jeremiah 8:17, Psalms 58:4, Psalms 58:5

12And it schal be, whanne the Lord hath fillid alle hise werkis in the hil of Syon and in Jerusalem, Y schal visite on the fruit of the greet doynge herte of the kyng of Assur, and on the glorie of the hiynesse of hise iyen.

stylus

Colossians 4:6, Colossians 4:6, Luke 4:22, Luke 4:22, Proverbs 15:2

13For he seide, Y haue do in the strengthe of myn honde, and Y haue understonde in my wisdom; and Y haue take awei the endis of peplis, and Y haue robbid the princes of them, and Y as a myyti man haue drawun doun them that saten an hiy.

stylus

Proverbs 29:9, 1 Samuel 25:10, 1 Samuel 25:11, Proverbs 29:9, 1 Samuel 25:10

14And myn hond foond the strengthe of puplis as a nest, and as eirun ben gaderid togidere that ben forsakun, so Y gaderid togidere al erthe; and noon was that mouyde a fethere, and openyde the mouth, and grutchide.

stylus

Proverbs 15:2, Proverbs 15:2, James 4:13, James 4:14, James 4:13

15Whether an ax schal haue glorie ayens hym that kittith with it? ether a sawe schal be enhaunsid ayens hym of whom it is drawun? as if a yerde is reisid ayens hym that reisith it, and a staf is enhaunsid, which sotheli is a tre.

stylus

Isaiah 57:1, Jeremiah 50:4, Jeremiah 50:5, Isaiah 57:1, Jeremiah 50:4

16For this thing the lordli gouernour, Lord of oostis, schal sende thinnesse in the fatte men of hym, and his glorie kyndlid vndur schal brenne as `the brenning of fier.

stylus

Isaiah 3:12, Isaiah 3:12, Isaiah 5:11, Isaiah 5:12, Isaiah 5:11

17And the liyt of Israel schal be in fier, and the hooli of it in flawme; and the thorn of him and brere schal be kyndlid and deuourid in o dai.

stylus

Proverbs 31:4, Proverbs 31:5, Proverbs 31:4, Proverbs 31:5, Jeremiah 30:21

18And the glorie of his forest and of his Carmele schal be wastid, fro the soule `til to fleisch; and he schal be fleynge awei for drede.

stylus

Proverbs 14:1, Proverbs 14:1, Proverbs 24:30, Proverbs 24:34, Proverbs 24:30

19And the relifs of the tree of his forest schulen be noumbrid for fewnesse, and a child schal write hem.

stylus

Psalms 104:15, Psalms 104:15, Luke 12:19, Isaiah 24:11, Psalms 112:9

20And it schal be in that dai, the remenaunt of Israel, and thei that fledden of the house of Jacob, schal not adde for to triste on hym that smytith hem; but it schal triste on the hooli Lord of Israel, in treuthe.

stylus

Acts 23:5, Luke 12:2, Luke 12:3, Acts 23:5, Luke 12:2

21The relifs, Y seie, the relifs of Jacob, schulen be conuertid to the stronge Lord.

stylus

22Forwhi, Israel, if thi puple is as the grauel of the see, the relifs schulen be turned therof; an endyng maad schort schal make riytfulnesse to be plenteuouse.

stylus

23For whi the Lord God of oostis schal make an endyng and a breggyng in the myddis of al erthe.

stylus

24For this thing the Lord God of oostis seith these thingis, My puple, the dwellere of Sion, nyle thou drede of Assur, for he schal smite thee in a yerde, and he schal reise his staf on thee in the weie of Egipt.

stylus

25Forwhi yit a litil, and a litil, and myn indignacioun and my strong veniaunce schal be endid on the greet trespas of hem.

stylus

26And the Lord of oostis schal reise a scourge on hym bi the veniaunce of Madian in the stoon of Oreb, and bi his yerde on the see; and he schal reise that yerde in the wei of Egipt.

stylus

27And it schal be in that dai, his birthun schal be takun awei fro thi schuldre, and his yok fro thi necke; and the yok schal wexe rotun fro the face of oile.

stylus

28He schal come in to Aioth, he schal passe in to Magron, at Magynas he schal bitake his vessels to kepyng.

stylus

29Thei passiden swiftli, Gabaa is oure seete, Rama was astonyed, Gabaa of Saul fled.

stylus

30Thou douytir of Gallym, weile with thi vois; thou Laisa, perseyue, thou pore Anatot.

stylus

31Medemena passide; the dwelleris of Gabyn fledden; be ye coumfortid.

stylus

32Yit it is dai, that me stonde in Nobe; he schal dryue his hond on the hil of the douyter of Syon, on the litil hil of Jerusalem.

stylus

33Lo! the lordli gouernour, the Lord of oostis, schal breke a potel in drede, and hiy men of stature schulen be kit doun.

stylus

34And proude men schulen be maade low, and the thicke thingis of the forest schulen be distried bi irun; and the Liban with hiy thingis schal falle doun.

stylus