1And kyng Antiok, the sone of Demetrie, sente epistlis fro ilis of the see to Symount, prest, and prince of folc of Jewis, and to al the folc;stylus2and tho weren conteynynge this maner. Kyng Antiok to Symount, greet prest, and to the folc of Jewis, helthe.stylus3For summen berynge pestilence weldiden the rewme of oure fadris, forsothe Y wole calenge the rewme, and restore it, as it was bifore; Y made a chosun multitude of oost, and Y made schippis of werre.stylus4Forsothe Y wole go forth bi cuntrees, that Y do veniaunce on hem that distrieden oure cuntre, and that maden many citees desolat in my rewme.stylus5Now therfor Y ordeyne to thee alle offryngis, that kyngis bifore me foryauen to thee, and `what euere other yiftis thei foryauen to thee;stylus6and Y suffre thee for to make prynte of thin owne monei, in thi regioun.stylus7Sotheli Y suffre Jerusalem for to be hooli and fre, and alle armeris that ben maad, and strengthis, that thou hast maad out, and that thou holdist, dwelle to thee;stylus8and al dette of the kyng, and tho that ben to comynge of kingis thingis, fro this and in to al tyme ben foryouun to thee.stylus9Sotheli whanne we schulen welde oure rewme, we schulen glorifie thee, and thi folc, and temple, with greet glorie, so that youre glorie be schewid in al erthe.stylus10In the hundrid yeer and foure and seuentithe yeer Antiok wente out in to the lond of his fadris, and alle oostis camen togidere to hym, so that fewe weren left with Trifon.stylus11And king Antiok pursuede hym, and Trifon cam in to Doram, and fledde bi the see coost;stylus12for he wiste, that yuels weren gaderid on hym, and the oost forsook hym.stylus13And Antiok appliede on Doram, with sixe score thousynde of fiytynge men, and eiyte thousynde of horse men;stylus14and he cumpasside the citee, and schippis camen fro the see; and thei traueliden the citee bi lond and see, and suffriden no man for to entre, ether go out.stylus15Forsothe Numenyus cam, and thei that weren with hym, fro Rome, and hadden epistlis writun to kingis and cuntreis, in whiche these thingis weren conteyned.stylus16Lucius, `cheef gouernour of Romayns, to kyng Tolome, heelthe.stylus17Messangeris of Jewis camen to vs, oure frendis, renulinge the formere frendschip and felouschip, sent of Symoun, prince of prestis, and puple of Jewis.stylus18Sotheli thei brouyten also a goldun scheeld of a thousynde besauntis.stylus19Therfor it pleside to vs for to write to kyngis and cuntreis, that thei do not yuels to hem, nether impugne hem, and her citees, and her cuntreis, and thei bere not help to men fiytynge ayens hem.stylus20Forsothe it is seyn to vs, for to resseyue of hem the scheeld.stylus21Therfor if ony men of pestilence schulen fle fro the cuntre of hem to you, bitake ye hem to Symount, prince of prestis, that he do veniaunce on hem bi his lawe.stylus22These same thingis ben writun to kyng Demetrie, and Attalus, and Arabas,stylus23and Arsaces, and in to alle cuntreis, and Sampsame, and Spartanyes, and Delo, and Mydo, and Sydone, and Carie, and Sanyum, and Pamfiliam, and Lisiam, and Alacarnasum, and Rodum, and Phaselida, and Choo, and Sidon, and Arodo, and Gortynam, and Gnydum, and Cipre, and Cirenen.stylus24Forsothe thei han writun ensaumple of these to Symount, prince of prestis, and to the puple of Jewis.stylus25Forsothe Antiok, the kyng, appliede tentis in Doram the secounde tyme, mouynge to it `euere more hondis, and makynge engynes; and he closide togidere Trifon, lest he wente out.stylus26And Symount sente to hym twei thousynde of chosun men, in to help, and siluer, and gold, and plenteuouse vessels;stylus27and he wolde not take tho. But he brak alle thingis that he couenauntide with hym bifore, and alienyde him silf fro hym.stylus28And he sente to hym Athenobius, oon of his frendis, for to trete with hym, and seide, Ye holden Joppe, and Gasaram, and the hiy tour that is in Jerusalem, citees of my rewme;stylus29ye han wastid the coostis of hem, and han do greet distriyng in the lond, and with out coostis of Judee ye ben lordis bi many places in my rewme.stylus30Now therfor yyue ye the citees, which ye ocupieden, and tributis of places, of whiche ye ben lordis, out of endis of Judee.stylus31Ether ellis yyue ye for hem fyue hundrid talentis of siluer, and of distriyng that ye han distried, and of tributis of citees, othere fyue hundrid talentis; ether ellis we schulen come, and ouercome you.stylus32And Athenobius, frend of the kyng, cam in to Jerusalem, and siy the glorie of Symount, and clerenesse, in gold, and siluer, and plenteuouse apparel, and was astonyed; and telde to him the wordis of the kyng.stylus33And Symount answeride, and seide to hym, Nether we token alien lond, nether withholden other mennus thingis, but eritage of oure fadris, that was weldid some time vniustly of oure enemies.stylus34Sotheli we han tyme, and calengen the eritage of oure fadris.stylus35For whi of Joppe and Gasara that thou axist, thei diden greet veniaunce in oure puple, and cuntree; of these we yyuen an hundrid talentis.stylus36And Athenobius answeride not a word. Sotheli he turnede ayen with wraththe to the kyng, and telde ayen to hym these wordis, and the glorie of Symount, and alle thingis that he siy. And the king was wroth with greet wraththe.stylus37Forsothe Trifon flei bi schip `in to Ortosaida.stylus38And the kyng ordeynede Cendebeus, duyk of the see coost, and yaf to him oost of foot men and horse men;stylus39and comaundide him for to moue tentis ayens the face of Judee; and comaundide hym for to bilde Cedron, and stoppe the yatis of the cite, and ouercome the puple; forsothe the kyng pursuede Trifon.stylus40And Cendebius cam to Jamnyam, and bigan for to terre the puple to wraththe, and for to defoule Judee, and make the puple caitif, and sle, and bilde Cedron.stylus41And he settide there horse men and oost, that thei schulden gon out, and schulden walke bi weie of Judee, as the kyng ordeynede to hym.stylus
