1Thanne Cysennes, the litil vndir kyng of Choelem Cyrie and Fenycen, and Satrabusanes, and her felawis, obeisheden to these thingis, that weren demyd of kyng Darie,stylus2and stoden ful diligently in to the hooly werkis, wirchinge togidre with the eldre men of Jewis, princis of Cirie.stylus3And the hooly werkis ben maad welsum, as the prophetes Agge and Zacharie prophecieden.stylus4And thei fulfilliden alle thingis, aftir the heest of the Lord God of Israel, and aftir the counseil of Cyri, and of Darij, and of Artaxersis, kyng of Persis.stylus5And oure hous is endid, in the three and twentithe dai of the monthe of Marche, in the sixte yeer of kyng Darij.stylus6And the sones of Israel, and the prestis, and dekens, and othere that weren of the caitiftee, the whiche ben sett to, diden aftir thoo thingis that ben writen in the book of Moyses.stylus7And thei offreden in to the dedicatioun of the temple of the Lord, an hundrid bolis, two hundrid wetheris, foure hundrid lambren,stylus8twelue kides, for the synnes of al Israel, after the noumbre of the xij. lynages of Israel.stylus9And the prestis and dekens stoden, clothid with the stolis, bi her lynagis, upon the werkis of the Lord God of Israel, aftir the book of Moyses; and ther weren porters bi alle the yatis.stylus10And the sones of Israel diden that pask, with hem that weren of the caitiftee, in the moone of the first monthe, the fourtenthe day, whanne the prestis and dekens ben halewid.stylus11And alle the sones of caitiftee thei ben not halewid togidre, for alle the Leuytis ben halewid togidere.stylus12And thei offreden pask to alle the sones of caitiftee, and to her bretheren, prestis, and to them selff.stylus13And the sonus of Israel, the whiche weren of the caitiftee, alle thei that hadden left fro alle the cursidnessis of Gentiles, or hethen folk, of the eerthe, eeten, and souyten the Lord;stylus14and thei halewiden the feest day of therff looues, seuene daies etynge in siyt of the Lord;stylus15for he conuertide the counseil of the kyng of Assirijs in hem, to coumforte the hondis of hem to the werkis of the Lord God of Israel.stylus
