1Alle thingis han tyme, and alle thingis vndur sunne passen bi her spaces.

stylus

Psalms 17:7, Psalms 17:7, 2 Samuel 17:11, 2 Samuel 17:13, 2 Samuel 17:11

2Tyme of birthe, and time of diyng; tyme to plaunte, and tyme to drawe vp that that is plauntid.

stylus

Psalms 71:11, Psalms 71:11, Psalms 42:3, Psalms 42:3, Psalms 42:10

3Tyme to sle, and tyme to make hool; tyme to distrie, and tyme to bilde.

stylus

Psalms 27:6, Psalms 27:6, Psalms 28:7, Psalms 28:7, Genesis 15:1

4Tyme to wepe, and tyme to leiye; tyme to biweile, and tyme to daunse.

stylus

Psalms 34:4, Psalms 34:4, Psalms 91:15, Psalms 91:15, Isaiah 65:24

5Tyme to scatere stoonys, and tyme to gadere togidere; tyme to colle, and tyme to be fer fro collyngis.

stylus

Psalms 4:8, Psalms 4:8, Proverbs 3:24, Proverbs 3:24, Isaiah 26:3

6Tyme to wynne, and tyme to leese; tyme to kepe, and tyme to caste awei.

stylus

Romans 8:31, Romans 8:31, Psalms 118:10, Psalms 118:12, Psalms 27:1

7Tyme to kitte, and tyme to sewe togidere; tyme to be stille, and tyme to speke.

stylus

Psalms 58:6, Psalms 58:6, Job 29:17, Job 29:17, Job 16:10

8Tyme of loue, and tyme of hatrede; tyme of batel, and tyme of pees.

stylus

Isaiah 43:11, Isaiah 43:11, Jonah 2:9, Jonah 2:9, Psalms 37:39

9What hath a man more of his trauel?

stylus

10I siy the turment, which God yaf to the sones of men, that thei be occupied therynne.

stylus

11God made alle thingis good in her tyme, and yaf the world to disputyng of hem, that a man fynde not the werk which God hath wrouyt fro the bigynnyng `til in to the ende.

stylus

12And Y knew that no thing was betere `to a man, `no but to be glad, and to do good werkis in his lijf.

stylus

13For whi ech man that etith and drinkith, and seeth good of his trauel; this is the yifte of God.

stylus

14I haue lerned that alle werkis, whiche God made, lasten stidfastli `til in to with outen ende; we moun not adde ony thing to tho, nether take awei fro tho thingis, whiche God made, that he be dred.

stylus

15That thing that is maad, dwellith perfitli; tho thingis that schulen come, weren bifore; and God restorith that, that is goon.

stylus

16I siy vndur sunne vnfeithfulnesse in the place of doom; and wickidnesse in the place of riytfulnesse.

stylus

17And Y seide in myn herte, The Lord schal deme a iust man, and an vnfeithful man; and the tyme of ech thing schal be thanne.

stylus

18I seide in myn herte of the sones of men, that God schulde preue hem, and schewe that thei ben lijk vnresonable beestis.

stylus

19Therfor oon is the perisching of man and of beestis, and euene condicioun is of euer eithir; as a man dieth, `so and tho beestis dien; alle beestis brethen in lijk maner, and a man hath no thing more than a beeste.

stylus

20Alle thingis ben suget to vanyte, and alle thingis goen to o place; tho ben maad of erthe, and tho turnen ayen togidere in to erthe.

stylus

21Who knowith, if the spirit of the sones of Adam stieth vpward, and if the spirit of beestis goith dounward?

stylus

22And Y perseyuede that no thing is betere, than that a man be glad in his werk, and that this be his part; for who schal brynge hym, that he knowe thingis that schulen come after hym?

stylus